Kapsiki - 1998 CAM (NT) Drama

<div class="version vid2638 iso6393kvj" data-vid="2638" data-iso6393="kvj">
 <div class="book bkLUK">
 <div class="chapter ch7" data-usfm="LUK.7">
 <div class="label">7</div><div class="s1">Y&#603; ta kwete w&#601;nd&#601; nya te gh&#601;a ka sewaj&#603;</div><div class="r">(MAT 8.5-13)</div><div class="p"> 1Ma kwa ki&#599;imte geze nda ghena Y&#603;s&#601; ke mbeli ne, cape &#331;k&#603; kadzawa Kap&#603;rnaw&#601;m. 2Kwagha ne, kwete w&#601;nd&#601; nya te gh&#601;a ka sewaj&#603;a ka Rome ya sh&#603;. Shew&#601; kwete mava ta &#331;k&#603; kwele kwele c&#603;ame c&#603;ame y&#603;m&#601;. Kwele kwele &#599;e mava ta &#331;k&#603;a sh&#603; &#331;k&#603;. 3Ma kwa fave ghena nya geze mbeli te Y&#603;s&#601; &#331;k&#603; ne, pa ghweneghe mbelia jama ta ka Zh&#601;wif kezha 'y&#603;we va Y&#603;s&#601; kase &#331;k&#603; kambe nde mene ta &#331;k&#603;. 4P&#603;kwe h&#603; sha Y&#603;s&#601;, pa h&#603; mpiyi nda dzeve, ma ke h&#603; sh&#603;: &#171;Ma w&#601;nd&#601;a sh&#603; ne, tserame kekemanak&#603; &#331;k&#603; na. 5Ka&#599;e hwelefe ta &#595;&#601;m&#601; &#331;k&#603;, ghe&#331;k&#603; nde &#331;ate n'y&#603; c&#603; kes&#601;kw&#601; gh&#601;.&#187; 6Nt&#601;&#331;&#601; Y&#603;s&#601; le h&#603;. Ma takwa takwa h&#603; yitea gh&#603;a sh&#603; ne, pa w&#601;nd&#601;a sh&#603; ghweneghe ka mc&#603;h&#603;ny&#603;, ma ke h&#603; sh&#603;: &#171;Nde sleke &#331;kwa, le&#595;ema gh&#601;a &#331;a na ma. Kehi 'ya kaw&#601;nd&#601; nya dzeki gh&#603;a &#331;k&#603; na we. 7Va nya nza &#331;k&#603; kehi 'ya kal&#601; sha gha we. &#394;ama ta &#331;a kegezete ghena ne, katembe nde mene slene ta &#599;a sh&#603;. 8'Ya le gh&#601;a &#599;a ne, kafa nda ghena 'ya ke mbelia jama nyi k&#601;n&#601;a 'ya, ka sewaj&#603; nyi kefa &#599;a ghena ya va per&#601;: Kwi&#599;i, 'ya sha kwete, nt&#601;&#331;&#601; &#331;k&#603;. Nde, 'ya sha kwete, kase &#331;k&#603;. Menete nya, 'ya sha mava ta &#599;a, kamene w&#601;s&#601;a sh&#603; &#331;k&#603;.&#187; 9Ma kwa fate ghena sh&#603; Y&#603;s&#601;, hake &#331;k&#603;. Tew&#601;tel&#603;we &#331;k&#603; sha geva laka mbeli nyi kezele kwele kwele, ma ke: &#171;Kaganda ne, ma 'ya sha ghey&#603;: kegha 'ya kanak&#603; y&#603; nya kala nya ya hwa ka Isray&#603;l we.&#187; 10Ma kwa zh&#603;neke geva mbeli nyi ghwenak&#603; w&#601;nd&#601; nya te gh&#601;a ka sewaj&#603;a sh&#603; kase sha mava sh&#603; ne, nahe &#331;k&#603; kenza bazha&#331;e.</div><div class="s1">Y&#603;s&#601; kazh&#603;ne nda mpi ke w&#601;zege ta kwete male wede</div><div class="p"> 11Kwetere w&#601;mb&#601;a &#331;k&#603;, cape Y&#603;s&#601; kal&#601; kadzembe kwete meleme nya nza sl&#601;a &#331;k&#603; kaNayin, mbeli nyi ket&#601;kw&#601; t&#601;kw&#601; ba'a kweci mbeli kwele kwele ka begheghe &#331;k&#603;. 12Ma v&#601;a &#331;kwa nya nza &#331;k&#603; takwa takwa kadzembe meleme ne, kakele kwete w&#601;nd&#601; kemte mte mbeli kadzeme kwele, nahe &#331;k&#603; kenza kaw&#601;zege kwet&#603;a kwete male wede. Kwele kwele mbeli nyi mbe melemea sh&#603; kwa sebe ta malea sh&#603;. 13Ma kwa nak&#603; malea sh&#603; Nde sleke &#331;kwa ne, kwele kwele zh&#603;te nda helia &#331;k&#603; yite. Ma ke sh&#603;: &#171;Nehwenema na ma.&#187; 14Pa &#331;k&#603; hendeke geva ba'a pa kwa&#599;ak&#603; ghamca, ghere&#331;e mbeli nyi kekele w&#601;nd&#601; kemte mte. Ma ke Y&#603;s&#601;: &#171;Megela gany&#603;, 'ya nde geze &#331;a, fe&#599;eghe &#331;a!&#187; 15Tagha g&#603;, pa w&#601;nd&#601; kemte mtea sh&#603; ntish&#603;, ntake &#331;k&#603; kageze ghena. Pa Y&#603;s&#601; zh&#603;nave nda &#331;k&#603; ke meghek&#603;. 16Benake mbeli p&#603;t&#603;, ntake h&#603; katsahe Shala, ma ke h&#603;: &#171;Nahe nde m&#603; &#331;kwa ta Shala nya w&#601;ba kenca hwa ghe&#595;&#601;m&#601; &#595;eshi. Nahe Shala kese kakemane mbelia &#331;k&#603;.&#187; 17Ntake mbeli kageze w&#601;s&#601; nya menete Y&#603;s&#601; mbe p&#603;t&#603;a Zh&#601;wd&#603; ba'a kweci meleme nyi dzeyi yite.</div><div class="s1">Mbeli nyi ghwenak&#603; Zha&#331;e Batiste</div><div class="r">(MAT 11.2-19)</div><div class="p"> 18Pa mbeli nyi ket&#601;kw&#601; t&#601;kw&#601; Zha&#331;e gezete nda p&#603;t&#603;a w&#601;shi nyi kemenete geva. Pa Zha&#331;e hekak&#603; kweci mbelia nci bake 19ba'a ghweneghe h&#603; kal&#601; sha Nde sleke &#331;kwa, ma ke h&#603; 'y&#603;wete ve: &#171;Gha ya kaw&#601;nd&#601; nya neghe se ta &#331;k&#603; n'y&#603; na, na, kwete w&#601;nd&#601; yaneghe n'y&#603; na?&#187; 20Ma kwa se h&#603; sha Y&#603;s&#601; ne, ma ke h&#603; sh&#603;: &#171;Zha&#331;e Batiste nde ghweneke n'y&#603;, ma ke sha gha: Gha w&#601;nd&#601; nya neghe se ta &#331;k&#603; n'y&#603; na, na, kwete w&#601;nd&#601; tekeleke na?&#187; 21Ma taghany&#603; h&#603; ne, kwele kwele Y&#603;s&#601; mbete mbeli va zereghwe ta nci, va w&#601;shi nyi kezh&#603; nda ke h&#603; ba'a va y&#603; 'yi'y&#603;ghw&#601;, pa pelemte nda nts&#601; ta ka ghw&#601;l&#601;a k&#603;fi kwele kwele. 22Ma ke zh&#603;nete nda ke mbeli nyi ghwenak&#603; Zha&#331;e: &#171;Kwi&#599;i m&#601; kal&#601; kageze nda w&#601;shi nyi nak&#603; y&#603; ba'a nyi fate y&#603; ke Zha&#331;e: kanewe &#331;kwa ka ghw&#601;l&#601;a k&#603;fi, kadzeghwa ka gwadare ti&#599;i&#599;i, kembe mbe ka derena, kafa ghena ka m&#601;d&#601;&#331;&#601;a k&#603;fi, kasame mbeli nyi kemp&#601; mp&#601; kwa kwele, kazlape nda Ghena kwatenca nya gany&#603; mbeli ke ka titikw&#601;a k&#603;fi. 23Zlama ya va w&#601;nd&#601; nya ke&#599;ema katete&#599;e tew&#601;mb&#601;reke 'ya Shala.&#187;</div><div class="p"> 24Ma kwa sl&#601;nji mbeli nyi ket&#601;kw&#601; t&#601;kw&#601; Zha&#331;e, ntake Y&#603;s&#601; kageze nda ghena te gh&#601;a Zha&#331;e ke mbeli nyi tagha. Ma ke: &#171;Wa yase y&#603; kwamte te &#595;erama kanewe wa? B&#601;rem&#601; nya kega&#331;k&#601;&#599;&#601; va sef&#601; na? 25Wa yase y&#603; kanewe tsagha wa? W&#601;nd&#601; nya kese&#599;ete lekwesa ganji na? Ama ma mbeli nyi kese&#599;e lekwesa ganji nyi kaka gal&#603;pi ne, kwa degha ta ka meghea k&#603;fi nza h&#603; w&#601;ka? 26Nde m&#603; &#331;kwa yase y&#603; kanewe na? Ma 'ya sha ghey&#603; ne, kaganda sh&#603; &#331;k&#603;, ama za ma &#331;k&#603; ke nde m&#603; &#331;kwa. 27Kwa nza &#331;k&#603; ma ke Ghena ta Shala gezete te gh&#601;a Zha&#331;e:</div><div class="q">Wa nya 'ya nya kaghwene nde m&#603; &#331;kwa ta &#599;a</div><div class="q">te kema ta &#331;a kezha hi &#331;a hwe&#331;kwa.&#187;</div><div class="m"> 28Ma ke Y&#603;s&#601; mtsehete: &#171;Ma 'ya sha ghey&#603;: w&#601;nd&#601; sh&#603; keyake geva hwa male kwele ma ke Zha&#331;e Batiste we. Ndagwara kwele ma w&#601;nd&#601; nya &#595;&#603;hw&#603; mbe Meghea Shala ke Zha&#331;e.</div><div class="p"> 29Pa p&#603;t&#603; mbeli ba'a ka tsehe ja&#595;eregwale fate ghena ta Zha&#331;e. Nahe h&#603; ke&#599;epete ti&#599;i&#599;i Shala, vatse 'y&#603;we bat&#603;me h&#603; va Zha&#331;e. 30Ama ka Fariziy&#603;n ba'a ka rafe w&#601;s&#601; mahaleg&#601; ne, nahe h&#603; kew&#601;f&#601;yite w&#601;s&#601; nya &#599;e Shala kamene nda ke h&#603;, h&#603;re&#599;&#603; h&#603; &#599;ema bat&#603;mea Zha&#331;e.&#187;</div><div class="p"> 31Ma ke Y&#603;s&#601; zh&#603;kwa: &#171;Le wa nza 'ya kayip&#601;te mbeli nyi tsetse &#331;kwa tse wa? Wa w&#601;nd&#601; nya nza h&#603; yip&#601; yip&#601; le tse wa? 32Yip&#601; yip&#601; h&#603; le &#331;wale nyi ketsenete geva te &#331;kwa shikw&#601;, ma ke kweci sha zlape nda ghena ke kweci mbelia nci: Nahe ghen'y&#603; kev&#603;te &#331;ay&#603; shela, kese y&#603; kawetse we. Nahe ghen'y&#603; keghate &#331;ay&#603; nehwene, kese y&#603; kanehwene we. 33Kwa nza &#331;k&#603; nahe Zha&#331;e Batiste kese. Kazeme &#599;afa &#331;k&#603; ba'a kasa t&#603; &#331;k&#603; we. Ama ma pe y&#603; sha geze: 'Yi'y&#603;ghw&#601; ya yitea gh&#601; ve. 34Nahe W&#601;zege ta za kese, kazeme w&#601;s&#601; kezeme ba'a kasa w&#601;s&#601; kesa &#331;k&#603;. Ama ma pe y&#603; gezete: Wa nya nde &#595;erawe ba'a nde ghw&#601;yi nya kamc&#603;ny&#603;a ka tsehe ja&#595;eregwale ba'a ka ja&#599;afa nya g&#603;! 35Ama nahe ntsehwele ta Shala kenza ti&#599;i&#599;i sha mbeli nyi key&#603; &#331;k&#603; p&#603;t&#603;.&#187;</div><div class="s1">Y&#603;s&#601; ki gh&#603;a Simon, nde Fariziy&#603;n</div><div class="p"> 36Pa kwete nde Fariziy&#603;n hekak&#603; Y&#603;s&#601; yitea zeme w&#601;s&#601; ki gh&#603;a &#331;k&#603;. Cape Y&#603;s&#601; kal&#601; sh&#603;, ntake &#331;k&#603; kazeme w&#601;s&#601; kezeme. 37P&#603;kwe kwete male se mbe meleme, male mef&#601;tekw&#601; nde. Nahe nde kefave ki gh&#603;a nde Fariziy&#603;n Y&#603;s&#601; kazeme &#599;afa. Pa nde keleke tereme vi&#599;i 'w&#601;rd&#601; te. 38Gw&#601;&#599;&#601;&#331;&#601; nde yitea se&#599;a ta Y&#603;s&#601;. Ntake nde kanehwene s&#601;r&#601;&#595;&#601; s&#601;r&#601;&#595;&#601; ba'a ka&#595;asle se&#599;a ta &#331;k&#603; le nehwene. Kwa sebe ta &#331;k&#603;, kasehwe h&#603; nde le shintia gh&#601;a nta, kah&#601;m&#601;w&#601; h&#603; nde ba'a kasheke 'w&#601;rd&#601; nde te h&#603;. 39Ma kwa nak&#603; w&#601;s&#601;a sh&#603; nde Fariziy&#603;n nya kehekak&#603; Y&#603;s&#601; ne, ma ke mbe gh&#601;a &#331;k&#603;: &#171;Ma ya nde m&#603; &#331;kwa w&#601;nd&#601; nya kaganda ne, nza w&#601;r&#601; &#331;k&#603; ka&#599;epete male nya kekwa&#599;e &#331;k&#603; nya tsetsenya kakwa ja&#599;afa.&#187; 40Ma ke Y&#603;s&#601; sha nde Fariziy&#603;n sh&#603;: &#171;Simon, kwete ghena ya sh&#603; va 'ya kageze &#331;a.&#187; Ma ke Simon: &#171;Geze gi, nde sleke &#599;a.&#187; 41Ma ke Y&#603;s&#601; sh&#603;: &#171;Pa kwete w&#601;nd&#601; nz&#601;&#595;&#601;ave nda c&#603;d&#603; ke kweci mbeli bake. Slib&#601; mc&#603;fems&#601; ya va kwete, slib&#601; mc&#603;fe &#331;a kwete. 42Ma kwa &#599;ema w&#601;s&#601; va h&#603; kezha &#331;ki nda ne, pa zh&#603;ak&#603; heli yitea h&#603; bakea nci. Nyama w&#601;nd&#601; hwa mbeli nyi bake nyi nde te&#599;e &#331;k&#603; za ma wa?&#187; 43Ma ke Simon sh&#603;: &#171;Ma z&#601;z&#601; 'ya ne, za ma w&#601;nd&#601; nya s&#601;r&#601;ak&#603; nda dewa ta &#331;k&#603; nya kwele &#331;k&#603;.&#187; Ma ke Y&#603;s&#601; sh&#603;: &#171;Kaganda ya va gha.&#187;</div><div class="p"> 44Pa Y&#603;s&#601; zh&#603;rete geva laka malea sh&#603;, ma ke sha Simon: &#171;Kanewe male nya na na? Nahe 'ya kes&#601;aki gh&#603;a &#331;a, ama keg&#601;ate &#599;a y&#603;m&#601; na te se&#599;a ta &#599;a we, ama ghenta ne, nahe nde kep&#603;k&#603; &#599;a se&#599;a ta &#599;a le nehwene ta nta ba'a kesehwemte h&#603; le shintia gh&#601;a nta. 45Keh&#601;m&#601;w&#601;ve &#599;a na we, ama ghenta, ghala s&#601;aki nde ne, kef&#603;a nde yitea h&#601;m&#601;w&#601; se&#599;a ta &#599;a we. 46Keshekeyi &#599;a n'yi na mbe gh&#601;a &#599;a we, ama ghenta ne, nahe nde keshekeyi 'w&#601;rd&#601; te se&#599;a ta &#599;a. 47Vatse g&#603;, ma 'ya sha gha: nahe &#599;e nya w&#601;ba nya nc&#603;te nya nde kenc&#603;te nahe ja&#599;afa ta nta nyi kwele kwele kekelemte geva te w&#601;n&#601;. Ama w&#601;nd&#601; nya kelemte nda ghena mbeli &#595;&#603;hw&#603; te w&#601;n&#601; ne, &#595;&#603;hw&#603; nc&#603; &#599;e &#331;k&#603;.&#187; 48Ma ke Y&#603;s&#601; sha malea sh&#603;: &#171;Nahe y&#603; ja&#599;afa ta &#331;a kekelemte geva te w&#601;n&#601;.&#187; 49Ma ke mbeli nyi kezeme &#599;afa le Y&#603;s&#601; kwel&#603; gh&#601;a nci: &#171;Wa sl&#601;a nya w&#601;nd&#601; nya kekelemte nya pa le ja&#599;afa te w&#601;n&#601; wa?&#187; 50Ama ma ke Y&#603;s&#601; sha malea sh&#603;: &#171;Y&#603; ta &#331;a nde mbelete &#331;a. Kwi&#599;i kwel&#603;&#331;e.&#187;</div>
 </div>
 </div>
</div>

La Bible en langue Kapsiki avec les livres deutérocanoniques © Alliance Biblique du Cameroun 2012. 

Ma kwa kiɗimte geze nda ghena Yɛsə ke mbeli ne, cape ŋkɛ kadzawa Kapɛrnawəm. Kwagha ne, kwete wəndə nya te ghəa ka sewajɛa ka Rome ya shɛ. Shewə kwete mava ta ŋkɛ kwele kwele cɛame cɛame yɛmə. Kwele kwele ɗe mava ta ŋkɛa shɛ ŋkɛ. Ma kwa fave ghena nya geze mbeli te Yɛsə ŋkɛ ne, pa ghweneghe mbelia jama ta ka Zhəwif kezha 'yɛwe va Yɛsə kase ŋkɛ kambe nde mene ta ŋkɛ. Pɛkwe hɛ sha Yɛsə, pa hɛ mpiyi nda dzeve, ma ke hɛ shɛ: «Ma wəndəa shɛ ne, tserame kekemanakɛ ŋkɛ na. Kaɗe hwelefe ta ɓəmə ŋkɛ, gheŋkɛ nde ŋate n'yɛ cɛ kesəkwə ghə.» Ntəŋə Yɛsə le hɛ. Ma takwa takwa hɛ yitea ghɛa shɛ ne, pa wəndəa shɛ ghweneghe ka mcɛhɛnyɛ, ma ke hɛ shɛ: «Nde sleke ŋkwa, leɓema ghəa ŋa na ma. Kehi 'ya kawəndə nya dzeki ghɛa ŋkɛ na we. Va nya nza ŋkɛ kehi 'ya kalə sha gha we. Ɗama ta ŋa kegezete ghena ne, katembe nde mene slene ta ɗa shɛ. 'Ya le ghəa ɗa ne, kafa nda ghena 'ya ke mbelia jama nyi kənəa 'ya, ka sewajɛ nyi kefa ɗa ghena ya va perə: Kwiɗi, 'ya sha kwete, ntəŋə ŋkɛ. Nde, 'ya sha kwete, kase ŋkɛ. Menete nya, 'ya sha mava ta ɗa, kamene wəsəa shɛ ŋkɛ.» Ma kwa fate ghena shɛ Yɛsə, hake ŋkɛ. Tewətelɛwe ŋkɛ sha geva laka mbeli nyi kezele kwele kwele, ma ke: «Kaganda ne, ma 'ya sha gheyɛ: kegha 'ya kanakɛ yɛ nya kala nya ya hwa ka Israyɛl we.» Ma kwa zhɛneke geva mbeli nyi ghwenakɛ wəndə nya te ghəa ka sewajɛa shɛ kase sha mava shɛ ne, nahe ŋkɛ kenza bazhaŋe.

Kwetere wəmbəa ŋkɛ, cape Yɛsə kalə kadzembe kwete meleme nya nza sləa ŋkɛ kaNayin, mbeli nyi ketəkwə təkwə ba'a kweci mbeli kwele kwele ka begheghe ŋkɛ. Ma vəa ŋkwa nya nza ŋkɛ takwa takwa kadzembe meleme ne, kakele kwete wəndə kemte mte mbeli kadzeme kwele, nahe ŋkɛ kenza kawəzege kwetɛa kwete male wede. Kwele kwele mbeli nyi mbe melemea shɛ kwa sebe ta malea shɛ. Ma kwa nakɛ malea shɛ Nde sleke ŋkwa ne, kwele kwele zhɛte nda helia ŋkɛ yite. Ma ke shɛ: «Nehwenema na ma.» Pa ŋkɛ hendeke geva ba'a pa kwaɗakɛ ghamca, ghereŋe mbeli nyi kekele wəndə kemte mte. Ma ke Yɛsə: «Megela ganyɛ, 'ya nde geze ŋa, feɗeghe ŋa!» Tagha gɛ, pa wəndə kemte mtea shɛ ntishɛ, ntake ŋkɛ kageze ghena. Pa Yɛsə zhɛnave nda ŋkɛ ke meghekɛ. Benake mbeli pɛtɛ, ntake hɛ katsahe Shala, ma ke hɛ: «Nahe nde mɛ ŋkwa ta Shala nya wəba kenca hwa gheɓəmə ɓeshi. Nahe Shala kese kakemane mbelia ŋkɛ.» Ntake mbeli kageze wəsə nya menete Yɛsə mbe pɛtɛa Zhəwdɛ ba'a kweci meleme nyi dzeyi yite.


Pa mbeli nyi ketəkwə təkwə Zhaŋe gezete nda pɛtɛa wəshi nyi kemenete geva. Pa Zhaŋe hekakɛ kweci mbelia nci bake ba'a ghweneghe hɛ kalə sha Nde sleke ŋkwa, ma ke hɛ 'yɛwete ve: «Gha ya kawəndə nya neghe se ta ŋkɛ n'yɛ na, na, kwete wəndə yaneghe n'yɛ na?» Ma kwa se hɛ sha Yɛsə ne, ma ke hɛ shɛ: «Zhaŋe Batiste nde ghweneke n'yɛ, ma ke sha gha: Gha wəndə nya neghe se ta ŋkɛ n'yɛ na, na, kwete wəndə tekeleke na?» Ma taghanyɛ hɛ ne, kwele kwele Yɛsə mbete mbeli va zereghwe ta nci, va wəshi nyi kezhɛ nda ke hɛ ba'a va yɛ 'yi'yɛghwə, pa pelemte nda ntsə ta ka ghwələa kɛfi kwele kwele. Ma ke zhɛnete nda ke mbeli nyi ghwenakɛ Zhaŋe: «Kwiɗi mə kalə kageze nda wəshi nyi nakɛ yɛ ba'a nyi fate yɛ ke Zhaŋe: kanewe ŋkwa ka ghwələa kɛfi, kadzeghwa ka gwadare tiɗiɗi, kembe mbe ka derena, kafa ghena ka mədəŋəa kɛfi, kasame mbeli nyi kempə mpə kwa kwele, kazlape nda Ghena kwatenca nya ganyɛ mbeli ke ka titikwəa kɛfi. Zlama ya va wəndə nya keɗema kateteɗe tewəmbəreke 'ya Shala.»
Ma kwa slənji mbeli nyi ketəkwə təkwə Zhaŋe, ntake Yɛsə kageze nda ghena te ghəa Zhaŋe ke mbeli nyi tagha. Ma ke: «Wa yase yɛ kwamte te ɓerama kanewe wa? Bəremə nya kegaŋkəɗə va sefə na? Wa yase yɛ kanewe tsagha wa? Wəndə nya keseɗete lekwesa ganji na? Ama ma mbeli nyi keseɗe lekwesa ganji nyi kaka galɛpi ne, kwa degha ta ka meghea kɛfi nza hɛ wəka? Nde mɛ ŋkwa yase yɛ kanewe na? Ma 'ya sha gheyɛ ne, kaganda shɛ ŋkɛ, ama za ma ŋkɛ ke nde mɛ ŋkwa. Kwa nza ŋkɛ ma ke Ghena ta Shala gezete te ghəa Zhaŋe:
Wa nya 'ya nya kaghwene nde mɛ ŋkwa ta ɗa
te kema ta ŋa kezha hi ŋa hweŋkwa.»
Ma ke Yɛsə mtsehete: «Ma 'ya sha gheyɛ: wəndə shɛ keyake geva hwa male kwele ma ke Zhaŋe Batiste we. Ndagwara kwele ma wəndə nya ɓɛhwɛ mbe Meghea Shala ke Zhaŋe.
Pa pɛtɛ mbeli ba'a ka tsehe jaɓeregwale fate ghena ta Zhaŋe. Nahe hɛ keɗepete tiɗiɗi Shala, vatse 'yɛwe batɛme hɛ va Zhaŋe. Ama ka Fariziyɛn ba'a ka rafe wəsə mahalegə ne, nahe hɛ kewəfəyite wəsə nya ɗe Shala kamene nda ke hɛ, hɛreɗɛ hɛ ɗema batɛmea Zhaŋe.»
Ma ke Yɛsə zhɛkwa: «Le wa nza 'ya kayipəte mbeli nyi tsetse ŋkwa tse wa? Wa wəndə nya nza hɛ yipə yipə le tse wa? Yipə yipə hɛ le ŋwale nyi ketsenete geva te ŋkwa shikwə, ma ke kweci sha zlape nda ghena ke kweci mbelia nci: Nahe ghen'yɛ kevɛte ŋayɛ shela, kese yɛ kawetse we. Nahe ghen'yɛ keghate ŋayɛ nehwene, kese yɛ kanehwene we. Kwa nza ŋkɛ nahe Zhaŋe Batiste kese. Kazeme ɗafa ŋkɛ ba'a kasa tɛ ŋkɛ we. Ama ma pe yɛ sha geze: 'Yi'yɛghwə ya yitea ghə ve. Nahe Wəzege ta za kese, kazeme wəsə kezeme ba'a kasa wəsə kesa ŋkɛ. Ama ma pe yɛ gezete: Wa nya nde ɓerawe ba'a nde ghwəyi nya kamcɛnyɛa ka tsehe jaɓeregwale ba'a ka jaɗafa nya gɛ! Ama nahe ntsehwele ta Shala kenza tiɗiɗi sha mbeli nyi keyɛ ŋkɛ pɛtɛ.»

Pa kwete nde Fariziyɛn hekakɛ Yɛsə yitea zeme wəsə ki ghɛa ŋkɛ. Cape Yɛsə kalə shɛ, ntake ŋkɛ kazeme wəsə kezeme. Pɛkwe kwete male se mbe meleme, male mefətekwə nde. Nahe nde kefave ki ghɛa nde Fariziyɛn Yɛsə kazeme ɗafa. Pa nde keleke tereme viɗi 'wərdə te. Gwəɗəŋə nde yitea seɗa ta Yɛsə. Ntake nde kanehwene sərəɓə sərəɓə ba'a kaɓasle seɗa ta ŋkɛ le nehwene. Kwa sebe ta ŋkɛ, kasehwe hɛ nde le shintia ghəa nta, kahəməwə hɛ nde ba'a kasheke 'wərdə nde te hɛ. Ma kwa nakɛ wəsəa shɛ nde Fariziyɛn nya kehekakɛ Yɛsə ne, ma ke mbe ghəa ŋkɛ: «Ma ya nde mɛ ŋkwa wəndə nya kaganda ne, nza wərə ŋkɛ kaɗepete male nya kekwaɗe ŋkɛ nya tsetsenya kakwa jaɗafa.» Ma ke Yɛsə sha nde Fariziyɛn shɛ: «Simon, kwete ghena ya shɛ va 'ya kageze ŋa.» Ma ke Simon: «Geze gi, nde sleke ɗa.» Ma ke Yɛsə shɛ: «Pa kwete wəndə nzəɓəave nda cɛdɛ ke kweci mbeli bake. Slibə mcɛfemsə ya va kwete, slibə mcɛfe ŋa kwete. Ma kwa ɗema wəsə va hɛ kezha ŋki nda ne, pa zhɛakɛ heli yitea hɛ bakea nci. Nyama wəndə hwa mbeli nyi bake nyi nde teɗe ŋkɛ za ma wa?» Ma ke Simon shɛ: «Ma zəzə 'ya ne, za ma wəndə nya sərəakɛ nda dewa ta ŋkɛ nya kwele ŋkɛ.» Ma ke Yɛsə shɛ: «Kaganda ya va gha.»
Pa Yɛsə zhɛrete geva laka malea shɛ, ma ke sha Simon: «Kanewe male nya na na? Nahe 'ya kesəaki ghɛa ŋa, ama kegəate ɗa yɛmə na te seɗa ta ɗa we, ama ghenta ne, nahe nde kepɛkɛ ɗa seɗa ta ɗa le nehwene ta nta ba'a kesehwemte hɛ le shintia ghəa nta. Kehəməwəve ɗa na we, ama ghenta, ghala səaki nde ne, kefɛa nde yitea həməwə seɗa ta ɗa we. Keshekeyi ɗa n'yi na mbe ghəa ɗa we, ama ghenta ne, nahe nde keshekeyi 'wərdə te seɗa ta ɗa. Vatse gɛ, ma 'ya sha gha: nahe ɗe nya wəba nya ncɛte nya nde kencɛte nahe jaɗafa ta nta nyi kwele kwele kekelemte geva te wənə. Ama wəndə nya kelemte nda ghena mbeli ɓɛhwɛ te wənə ne, ɓɛhwɛ ncɛ ɗe ŋkɛ.» Ma ke Yɛsə sha malea shɛ: «Nahe yɛ jaɗafa ta ŋa kekelemte geva te wənə.» Ma ke mbeli nyi kezeme ɗafa le Yɛsə kwelɛ ghəa nci: «Wa sləa nya wəndə nya kekelemte nya pa le jaɗafa te wənə wa?» Ama ma ke Yɛsə sha malea shɛ: «Yɛ ta ŋa nde mbelete ŋa. Kwiɗi kwelɛŋe.»

Listen to Ləwke 7