Javanese, Caribbean - 1999 Edition (NT) Drama

<div class="version vid250 iso6393jvn" data-vid="250" data-iso6393="jvn">
 <div class="book bkMAT">
 <div class="chapter ch10" data-usfm="MAT.10">
 <div class="label">10</div><div class="s1">Rasul rolas</div><div class="p"> 1Ing sakwijin&#233; dina Gusti Y&#233;sus nglumpukk&#233; murid&#233; rolas. Murid-murid&#233; iki pada dik&#232;ki pangwasa ngetokk&#233; demit lan nambani sak wernan&#233; lara lan memala. 2Jeneng&#233; rasul rolas iki: Simon, sing uga dityeluk P&#233;trus, Andr&#233;as, sedulur&#233;; Yakobus lan Yohanes, kab&#232;h loro anak&#233; S&#233;b&#233;d&#233;us. 3Uga Filipus lan Bartolom&#233;us, Tomas lan Mat&#233;us, wong belasting; Yakobus anak&#233; Alf&#233;us, uga Tad&#233;us. 4Uga Simon, sing diparapi Patriot lan Yudas Iskariot. Yudas iki sing ngelungk&#233; Gusti Y&#233;sus marang mungsuh&#233;.</div><div class="s1">Rasul rolas dikongkon budal</div><div class="p"> 5Gusti Y&#233;sus terus ngongkon rasul rolas budal nganggo tembung ng&#233;n&#233;: &#8220;Aja pada nekani panggonan&#233; bangsa sing dudu Ju lan aja mlebu kutan&#233; bangsa Samaria. 6Sing mbok parani ndisik kudun&#233; wong Isra&#232;l sing ketriwal. 7Pada dikabari n&#232;k saiki Kraton&#233; Swarga wis diwiwiti. 8Wong lara pada diwarasna lan wong mati pada ditang&#232;kna. Wong lara l&#233;pra pada dimar&#232;kna lan demit-demit pada tundungana. Kow&#233; pada nampa pangwasa tanpa mbayar apa-apa, mulan&#233; pangwasa kuwi dikanggokna tanpa njaluk bayaran. 9Aja pada sangu duwit, ora duwit emas, ora duwit selaka apa duwit kopro. 10Aja nggawa kantongan apa s&#232;rep salin lan sepatu lan aja nggawa teken. Awit wong nyambutgaw&#233; kuwi wis sak mestin&#233; dityukupi butuh&#233;.</div><div class="p"> 11&#8220;N&#232;k kow&#233; teka nang sakwijin&#233; kuta apa d&#233;sa, nggol&#232;ka wong sing gelem mbok inepi lan nginepa nang omah kuwi nganti lungamu sangka kono. 12N&#232;k kow&#233; mlebu nang omah&#233; wong, wong&#233; dibag&#232;kk&#233; ng&#233;n&#233;: &#8216;Muga Gusti Allah mberkahi kow&#233; kab&#232;h!&#8217; 13N&#232;k wong&#233; gelem nampani kow&#233;, pamujimu berkah kuwi bakal nekani brayat kuwi. Nanging n&#232;k wong&#233; ora gelem nampani kow&#233;, pamujimu berkah bakal balik men&#232;h marang kow&#233;. 14N&#232;k &#232;n&#232;ng omah apa kuta sing ora gelem nampani kow&#233; apa ora gelem ngrungokk&#233; piwulangmu, lungaa sangka panggonan kono lan lemah&#233; diketok-ketokk&#233; sangka sikilmu. 15Pretyayaa, mb&#233;suk ing dina kruton setrapan&#233; wong sing manggon nang kuta-kuta kuwi abot&#233; bakal&#233; ngungkul-ungkuli setrapan&#233; kuta Sodom lan Gomorah!&#8221;</div><div class="s1">Bab kang&#232;lan lan kasangsaran</div><div class="p"> 16Gusti Y&#233;sus nerusk&#233; tembung&#233; marang rasul rolas mau: &#8220;Dirungokk&#233; sing apik! Kow&#233; tak kongkon budal kaya wedus sing dietyulk&#233; nang tengah&#233; asu alasan. Mulan&#233; kow&#233; kudu sing ati-ati kaya ula lan atimu sing resik kaya manuk dara. 17Sing ati-ati ing apa wa&#233;, awit kow&#233; bakal dityekel lan digawa nang ngarep&#233; Kruton Agama. Kow&#233; bakal dipetyuti nang sinaguk&#233; wong-wong kuwi. 18Kow&#233; bakal digawa nang ngarep&#233; para pangwasa lan para ratu, jalaran kow&#233; nglabuhi Aku. Kuwi kelunggaranmu kanggo ngek&#232;ki paseksi bab Aku marang para pengged&#233; lan marang wong-wong sing ora kenal marang Gusti Allah. 19Nanging n&#232;k kow&#233; dikongkon maju nang ngarepk&#233; kruton, aja pada wedi bab kepriy&#233; sing ngomong lan apa sing kudu mbok omong. Awit ing waktu kuwi Gusti Allah bakal ngek&#232;ki tembung&#233; marang kow&#233;. 20Awit dudu kow&#233; sing bakal ngomong, nanging Roh&#233; Gusti Allah Bapakmu sing bakal ngomong lantaran kow&#233;.</div><div class="p"> 21&#8220;Bakal klakon &#232;n&#232;ng wong masrahk&#233; sedulur&#233; d&#233;w&#233; supaya dipat&#232;ni. Semono uga bapak bakal masrahk&#233; anak&#233; supaya dipat&#232;ni. Anak-anak bakal nglawan marang bapa lan ibun&#233; lan bakal masrahk&#233; wong tuwan&#233; supaya dipat&#232;ni. 22Wong kab&#232;h bakal sengit marang kow&#233;, jalaran kow&#233; m&#232;lu Aku. Nanging sapa sing mantep tekan ent&#232;k-ent&#232;kan&#233;, kuwi sing bakal slamet. 23N&#232;k kow&#233; dikuya-kuya nang sakwijin&#233; kuta, pada lungaa nang kuta liyan&#233;. Pretyayaa, Anak&#233; Manungsa bakal teka, sakdurung&#233; kow&#233; kemput enggonmu nglakoni kongkonanmu nang kuta-kuta sak Isra&#232;l kab&#232;h.</div><div class="p"> 24&#8220;Murid mesti ora ngungkuli gurun&#233; lan slaf mesti ora ngungkuli sing nduw&#233;. 25Kanggo murid mesti ya wis tyukup n&#232;k bisa kaya gurun&#233;, semono uga slaf, ya wis tyukup n&#232;k bisa kaya sing nduw&#233;. Lah n&#232;k sing nduw&#233; omah wa&#233; diarani B&#232;lsebul, lah brayat&#233; sak omah men&#232;h ora diarani kepriy&#233;!&#8221;</div><div class="s1">Gusti Allah sing kudu diwed&#232;ni</div><div class="p"> 26Gusti Y&#233;sus nerusk&#233; tembung&#233; ng&#233;n&#233;: &#8220;Aja pada wedi marang wong-wong kuwi. Apa sing ditutupi bakal k&#233;tok lan apa sing didelikk&#233; bakal kebukak. 27Apa sing tak omongk&#233; marang kow&#233; ing petengan kudu mbok kabark&#233; ing padangan. Apa sing dibisik-bisikk&#233; nang kupingmu, kuwi diomong-omongk&#233; nang endi-endi. 28Aja pada wedi marang manungsa, awit manungsa namung bisa mat&#232;ni badan&#233;. Pada wedia marang Gusti Allah sing bisa mat&#232;ni badan lan nyawamu pisan nang neraka. 29Manuk tyilik loro lak ora &#232;n&#232;ng ajin&#233; ta regan&#233;? Nanging ora &#232;n&#232;ng sijia tiba nang lemah tanpa Bapakmu nglilani. 30Lah kow&#233; men&#232;h, g&#232;k rambut nang sirahmu wa&#233; wis diitung kab&#232;h. 31Mulan&#233; aja pada wedi. Kanggo Gusti Allah kow&#233; kuwi ajin&#233; ngungkuli sak &#232;n&#232;ng&#233; manuk tyilik kab&#232;h.&#8221;</div><div class="s1">Ngakoni Gusti Y&#233;sus</div><div class="s2">nang ngarep&#233; wong</div><div class="p"> 32Tembung&#233; Gusti Y&#233;sus: &#8220;Sapa sing ngakoni n&#232;k dadi muridku nang ngarep&#233; wong, Aku ya bakal ngakoni nang ngarep&#233; Gusti Allah Bapakku, n&#232;k wong kuwi panty&#232;n muridku. 33Nanging sapa sing wedi ngakoni n&#232;k dadi muridku nang ngarep&#233; wong, Aku ya bakal ny&#233;laki d&#232;kn&#233; nang ngarep&#233; Bapakku nang swarga.&#8221;</div><div class="s1">Ora rukun, malah pisah</div><div class="p"> 34Gusti Y&#233;sus terus ngomong: &#8220;Kow&#233; aja mikir n&#232;k tekaku nggawa rukun nang jagat. Ora, tekaku ora nggawa rukun, nanging malah misah. 35Tekaku malah misah anak lanang sangka bapak&#233; lan anak w&#233;dok sangka ibun&#233;, uga anak w&#233;dok mantu sangka ibu maratuwan&#233;. 36Malah wong sak omah bakal dadi mungsuh marang sakpada-pada.&#8221;</div><div class="s1">Sapa sing bisa dadi murid</div><div class="p"> 37Gusti Y&#233;sus nerusk&#233; tembung&#233; ng&#233;n&#233;: &#8220;Sapa sing nr&#233;snani bapa apa biyung&#233; ngungkuli enggon&#233; nr&#233;snani Aku, wong kuwi ora pantes dadi muridku. Uga wong sing nr&#233;snani anak&#233; lanang apa anak&#233; w&#233;dok ngungkuli enggon&#233; nr&#233;snani Aku, wong kuwi uga ora pantes dadi muridku. 38Sapa sing ora gelem manggul pent&#232;ngan&#233; lan nurut Aku, kuwi ora pantes dadi muridku. 39Sapa sing ng&#233;man urip&#233;, kuwi malah bakal k&#233;langan urip&#233;. Nanging sapa sing ora wedi k&#233;langan urip&#233; kanggo Aku, iku sing bakal nemu urip&#233;.&#8221;</div><div class="s1">Upah&#233; wong sing nggaw&#233; betyik</div><div class="p"> 40Gusti Y&#233;sus ngrampungk&#233; piwulang&#233; marang rasul rolas ng&#233;n&#233;: &#8220;Sapa sing nampani kow&#233;, kuwi uga nampani Aku. Lan sapa sing nampani Aku, kuwi ya nampani Bapakku nang swarga. 41Sapa sing nampani wong kongkonan&#233; Gusti Allah, jalaran wong&#233; kongkonan&#233; Gusti Allah, wong kuwi bakal nampa upah sing bakal dik&#232;kk&#233; marang wong kongkonan&#233; Gusti Allah mau. Sapa sing nampani wong betyik, jalaran wong betyik, wong kuwi ya bakal nampa upah&#233; wong betyik kuwi. 42Sapa sing ngek&#232;ki ngomb&#233; marang salah-sakwijin&#233; muridku sing tyilik iki, jalaran muridku, senajan namung banyu anyes sak gelas, pretyayaa, wong kuwi bakal nampa upah.&#8221;</div>
 </div>
 </div>
</div>

Ing sakwijiné dina Gusti Yésus nglumpukké muridé rolas. Murid-muridé iki pada dikèki pangwasa ngetokké demit lan nambani sak wernané lara lan memala. Jenengé rasul rolas iki: Simon, sing uga dityeluk Pétrus, Andréas, seduluré; Yakobus lan Yohanes, kabèh loro anaké Sébédéus. Uga Filipus lan Bartoloméus, Tomas lan Matéus, wong belasting; Yakobus anaké Alféus, uga Tadéus. Uga Simon, sing diparapi Patriot lan Yudas Iskariot. Yudas iki sing ngelungké Gusti Yésus marang mungsuhé.

Gusti Yésus terus ngongkon rasul rolas budal nganggo tembung ngéné: “Aja pada nekani panggonané bangsa sing dudu Ju lan aja mlebu kutané bangsa Samaria. Sing mbok parani ndisik kuduné wong Israèl sing ketriwal. Pada dikabari nèk saiki Kratoné Swarga wis diwiwiti. Wong lara pada diwarasna lan wong mati pada ditangèkna. Wong lara lépra pada dimarèkna lan demit-demit pada tundungana. Kowé pada nampa pangwasa tanpa mbayar apa-apa, mulané pangwasa kuwi dikanggokna tanpa njaluk bayaran. Aja pada sangu duwit, ora duwit emas, ora duwit selaka apa duwit kopro. Aja nggawa kantongan apa sèrep salin lan sepatu lan aja nggawa teken. Awit wong nyambutgawé kuwi wis sak mestiné dityukupi butuhé.
“Nèk kowé teka nang sakwijiné kuta apa désa, nggolèka wong sing gelem mbok inepi lan nginepa nang omah kuwi nganti lungamu sangka kono. Nèk kowé mlebu nang omahé wong, wongé dibagèkké ngéné: ‘Muga Gusti Allah mberkahi kowé kabèh!’ Nèk wongé gelem nampani kowé, pamujimu berkah kuwi bakal nekani brayat kuwi. Nanging nèk wongé ora gelem nampani kowé, pamujimu berkah bakal balik menèh marang kowé. Nèk ènèng omah apa kuta sing ora gelem nampani kowé apa ora gelem ngrungokké piwulangmu, lungaa sangka panggonan kono lan lemahé diketok-ketokké sangka sikilmu. Pretyayaa, mbésuk ing dina kruton setrapané wong sing manggon nang kuta-kuta kuwi aboté bakalé ngungkul-ungkuli setrapané kuta Sodom lan Gomorah!”

Gusti Yésus neruské tembungé marang rasul rolas mau: “Dirungokké sing apik! Kowé tak kongkon budal kaya wedus sing dietyulké nang tengahé asu alasan. Mulané kowé kudu sing ati-ati kaya ula lan atimu sing resik kaya manuk dara. Sing ati-ati ing apa waé, awit kowé bakal dityekel lan digawa nang ngarepé Kruton Agama. Kowé bakal dipetyuti nang sinaguké wong-wong kuwi. Kowé bakal digawa nang ngarepé para pangwasa lan para ratu, jalaran kowé nglabuhi Aku. Kuwi kelunggaranmu kanggo ngekèki paseksi bab Aku marang para penggedé lan marang wong-wong sing ora kenal marang Gusti Allah. Nanging nèk kowé dikongkon maju nang ngarepké kruton, aja pada wedi bab kepriyé sing ngomong lan apa sing kudu mbok omong. Awit ing waktu kuwi Gusti Allah bakal ngekèki tembungé marang kowé. Awit dudu kowé sing bakal ngomong, nanging Rohé Gusti Allah Bapakmu sing bakal ngomong lantaran kowé.
“Bakal klakon ènèng wong masrahké seduluré déwé supaya dipatèni. Semono uga bapak bakal masrahké anaké supaya dipatèni. Anak-anak bakal nglawan marang bapa lan ibuné lan bakal masrahké wong tuwané supaya dipatèni. Wong kabèh bakal sengit marang kowé, jalaran kowé mèlu Aku. Nanging sapa sing mantep tekan entèk-entèkané, kuwi sing bakal slamet. Nèk kowé dikuya-kuya nang sakwijiné kuta, pada lungaa nang kuta liyané. Pretyayaa, Anaké Manungsa bakal teka, sakdurungé kowé kemput enggonmu nglakoni kongkonanmu nang kuta-kuta sak Israèl kabèh.
“Murid mesti ora ngungkuli guruné lan slaf mesti ora ngungkuli sing nduwé. Kanggo murid mesti ya wis tyukup nèk bisa kaya guruné, semono uga slaf, ya wis tyukup nèk bisa kaya sing nduwé. Lah nèk sing nduwé omah waé diarani Bèlsebul, lah brayaté sak omah menèh ora diarani kepriyé!”

Gusti Yésus neruské tembungé ngéné: “Aja pada wedi marang wong-wong kuwi. Apa sing ditutupi bakal kétok lan apa sing didelikké bakal kebukak. Apa sing tak omongké marang kowé ing petengan kudu mbok kabarké ing padangan. Apa sing dibisik-bisikké nang kupingmu, kuwi diomong-omongké nang endi-endi. Aja pada wedi marang manungsa, awit manungsa namung bisa matèni badané. Pada wedia marang Gusti Allah sing bisa matèni badan lan nyawamu pisan nang neraka. Manuk tyilik loro lak ora ènèng ajiné ta regané? Nanging ora ènèng sijia tiba nang lemah tanpa Bapakmu nglilani. Lah kowé menèh, gèk rambut nang sirahmu waé wis diitung kabèh. Mulané aja pada wedi. Kanggo Gusti Allah kowé kuwi ajiné ngungkuli sak ènèngé manuk tyilik kabèh.”


Tembungé Gusti Yésus: “Sapa sing ngakoni nèk dadi muridku nang ngarepé wong, Aku ya bakal ngakoni nang ngarepé Gusti Allah Bapakku, nèk wong kuwi pantyèn muridku. Nanging sapa sing wedi ngakoni nèk dadi muridku nang ngarepé wong, Aku ya bakal nyélaki dèkné nang ngarepé Bapakku nang swarga.”

Gusti Yésus terus ngomong: “Kowé aja mikir nèk tekaku nggawa rukun nang jagat. Ora, tekaku ora nggawa rukun, nanging malah misah. Tekaku malah misah anak lanang sangka bapaké lan anak wédok sangka ibuné, uga anak wédok mantu sangka ibu maratuwané. Malah wong sak omah bakal dadi mungsuh marang sakpada-pada.”

Gusti Yésus neruské tembungé ngéné: “Sapa sing nrésnani bapa apa biyungé ngungkuli enggoné nrésnani Aku, wong kuwi ora pantes dadi muridku. Uga wong sing nrésnani anaké lanang apa anaké wédok ngungkuli enggoné nrésnani Aku, wong kuwi uga ora pantes dadi muridku. Sapa sing ora gelem manggul pentèngané lan nurut Aku, kuwi ora pantes dadi muridku. Sapa sing ngéman uripé, kuwi malah bakal kélangan uripé. Nanging sapa sing ora wedi kélangan uripé kanggo Aku, iku sing bakal nemu uripé.”

Gusti Yésus ngrampungké piwulangé marang rasul rolas ngéné: “Sapa sing nampani kowé, kuwi uga nampani Aku. Lan sapa sing nampani Aku, kuwi ya nampani Bapakku nang swarga. Sapa sing nampani wong kongkonané Gusti Allah, jalaran wongé kongkonané Gusti Allah, wong kuwi bakal nampa upah sing bakal dikèkké marang wong kongkonané Gusti Allah mau. Sapa sing nampani wong betyik, jalaran wong betyik, wong kuwi ya bakal nampa upahé wong betyik kuwi. Sapa sing ngekèki ngombé marang salah-sakwijiné muridku sing tyilik iki, jalaran muridku, senajan namung banyu anyes sak gelas, pretyayaa, wong kuwi bakal nampa upah.”

Listen to Matéus 10