<div class="version vid2373 iso6393zaj" data-vid="2373" data-iso6393="zaj">
 <div class="book bkGEN">
 <div class="chapter ch3" data-usfm="GEN.3">
 <div class="label">3</div><div class="s1">Udulu wa Munhu</div><div class="p"> 1Nyoka kakala m'bala ng'hani kubanza wang'onyo wose wa kumuhulo yaawalumbile MNDEWA Mulungu. Nyoka kamuuza ija imtwanzi, &#8220;Kweli Mulungu kawalongela kamba sambimuje mujo wa m'biki wowose uli mkihati?&#8221;</div><div class="p"> 2Ija imtwanzi kamwidika, &#8220;Todaha kuja mujo wa m'biki wowose uli mkihati, 3ila Mulungu kalonga, &#8216;Sambimuje mujo wa m'biki uli hagatigati ya ikihati ama kuukwasa. Kamba muhatenda avo, modanganhika.&#8217; &#8221;</div><div class="p"> 4Nyoka kamulongela ija imtwanzi, &#8220;Hamdanganhika, 5kwavija Mulungu kovitanga kamba kipigiti vondamje mujo uno, meso genu gogubuligwa, na mowa kamba Mulungu, mogatanga ganogile na gehile.&#8221;</div><div class="p"> 6Ija imtwanzi viyawene kamba mujo wa m'biki uja unoga kudigwa, na wonogeza meso, na vivija wosulukilwa mkongeza ng'hungwe, kasola mujo wake kauja. Kamgwelela mbigalo wake, na heyo vivija kaja. 7Kipigiti kikija viweshile kuja, meso gao gagubuligwa, na wavitanga kamba wakala mwazi. Avo washona mijani ya m'biki wa mtini wakiivaza.</div><div class="p"> 8Abaho ija imbigalo na mtwanzi wake wadihulika dizwi da MNDEWA Mulungu viyakalile yotembela mkihati mkipigiti cha zua kuhonga, wakiifisa mmibiki ili mkihati giladi MNDEWA Mulungu sambiyawone. 9Ila MNDEWA Mulungu kamkema ija imunhu, na kumuuza, &#8220;Kwa kwahi?&#8221;</div><div class="p"> 10Ija imunhu kedika, &#8220;Nikuhulika vuutembela mkihati, nidumba, kwavija nie nikala mwazi, avo nikiifisa.&#8221;</div><div class="p"> 11MNDEWA Mulungu kamulongela, &#8220;Yalihi yakulongele kamba gweye kwa mwazi? Kuja mujo uja unikulagize sambiuje?&#8221;</div><div class="p"> 12Ija imunhu kedika, &#8220;Ija imtwanzi yuunigwelele yawe hamoja na nie, iyo yanigwelele mujo uja, na nie nija.&#8221;</div><div class="p"> 13MNDEWA Mulungu kamuuza ija imtwanzi, &#8220;Habali utendile vino?&#8221;</div><div class="p">Kedika kalonga, &#8220;Nyoka kanibulunya, na nie nija.&#8221;</div><div class="s1">Nhaguso ya Mulungu</div><div class="p"> 14Abaho MNDEWA Mulungu kamulongela nyoka, &#8220;Kwavija kutenda vino, gweye wiyeka kudukumizwa mmwanza wa wang'onyo wose, wofugigwa na wa kumuhulo. Kotambala na inda yako, na koja timbwisi mazua gose ga ugima wako. 15Nokwika udumuka hagatigati yako na ija imtwanzi, hagatigati ya wanago na wanage. Heyo kokuhonda ditwi jako, na gweye komulumiza kisiginho chake.&#8221;</div><div class="p"> 16Abaho kamulongela ija imtwanzi, &#8220;Nowongeza usungu wako wa kulela, na gweye kolela na usungu, hata avo sulukila yako yowa ha mbigalo wako, na heyo kokutawala.&#8221;</div><div class="p"> 17Abaho kamulongela ija imbigalo, &#8220;Kwavija gweye kumtegeleza mtwanzi wako, na kuja mujo uja unikulongele sambiuje, isi yodukumizwa. Kopata mandia gako mkugaya ng'hani mkuilima isi mmazua gose ga ugima wako. 18Isi yokulelela miba na mijani, na mandia gako gowa mijani ya kumgunda. 19Koja mandia gako mkusang'hanika ng'hani mbaka vondauibwelele isi ija iulumbigwe nayo. Kwavija kulumbigwa na timbwisi, na kobweleganya kuwa timbwisi kabili.&#8221;</div><div class="p"> 20Adamu#3:20 Hano Adamu nhegulo yake munhu yakalile yalumbigwe kulawa mditimbwisi da isi. kamkema mtwanzi wake Hawa,#3:20 Mkieblania Hawa nhegulo yake ugima. kwavija kowa mama wa wanhu wose. 21Abaho MNDEWA Mulungu kawatendela Adamu na mtwanzi wake vivalo va ng'hwembe za wang'onyo na kawavaza.</div><div class="s1">Adamu na Hawa Wowingigwa Kulawa Mkihati cha Edeni</div><div class="p"> 22Abaho MNDEWA Mulungu kalonga, &#8220;Lola, munhu ino sambi kalinga na tweye, kogatanga ganogile na gehile. Vivija sambiyagolose mkono wake na kubawa mujo kulawa mum'biki ulava ugima, na kuuja, na kuwa mgima mazua gose.&#8221; 23Avo MNDEWA Mulungu kamuwinga kulawa Mkihati cha Edeni na kumtenda yakailime isi ija iyalumbigwe nayo. 24Viyeshile kuwawinga waja iwanhu, keka Makelubi#3:24 Makelubi wao wene ugima wali kuulanga walumbigwe na Mulungu wali na mabawa. ng'ambu ya ulawilo wa zua wa Ikihati cha Edeni na kwika zele dili na moto dimeluka dihindukahinduka kuno na kuno kwiimiliza nzila ya kuchola hana um'biki ulava ugima.</div>
 </div>
 </div>
</div>

Zaramo Bible Translation Project: © 2023 Pioneer Bible Translators  New Testament is a revision of: Zaramo New Testament: © 2020 The Word for the World International and © 2020 Pioneer Bible Translators

Nyoka kakala m'bala ng'hani kubanza wang'onyo wose wa kumuhulo yaawalumbile MNDEWA Mulungu. Nyoka kamuuza ija imtwanzi, “Kweli Mulungu kawalongela kamba sambimuje mujo wa m'biki wowose uli mkihati?”
Ija imtwanzi kamwidika, “Todaha kuja mujo wa m'biki wowose uli mkihati, ila Mulungu kalonga, ‘Sambimuje mujo wa m'biki uli hagatigati ya ikihati ama kuukwasa. Kamba muhatenda avo, modanganhika.’ ”
Nyoka kamulongela ija imtwanzi, “Hamdanganhika, kwavija Mulungu kovitanga kamba kipigiti vondamje mujo uno, meso genu gogubuligwa, na mowa kamba Mulungu, mogatanga ganogile na gehile.”
Ija imtwanzi viyawene kamba mujo wa m'biki uja unoga kudigwa, na wonogeza meso, na vivija wosulukilwa mkongeza ng'hungwe, kasola mujo wake kauja. Kamgwelela mbigalo wake, na heyo vivija kaja. Kipigiti kikija viweshile kuja, meso gao gagubuligwa, na wavitanga kamba wakala mwazi. Avo washona mijani ya m'biki wa mtini wakiivaza.
Abaho ija imbigalo na mtwanzi wake wadihulika dizwi da MNDEWA Mulungu viyakalile yotembela mkihati mkipigiti cha zua kuhonga, wakiifisa mmibiki ili mkihati giladi MNDEWA Mulungu sambiyawone. Ila MNDEWA Mulungu kamkema ija imunhu, na kumuuza, “Kwa kwahi?”
Ija imunhu kedika, “Nikuhulika vuutembela mkihati, nidumba, kwavija nie nikala mwazi, avo nikiifisa.”
MNDEWA Mulungu kamulongela, “Yalihi yakulongele kamba gweye kwa mwazi? Kuja mujo uja unikulagize sambiuje?”
Ija imunhu kedika, “Ija imtwanzi yuunigwelele yawe hamoja na nie, iyo yanigwelele mujo uja, na nie nija.”
MNDEWA Mulungu kamuuza ija imtwanzi, “Habali utendile vino?”
Kedika kalonga, “Nyoka kanibulunya, na nie nija.”

Abaho MNDEWA Mulungu kamulongela nyoka, “Kwavija kutenda vino, gweye wiyeka kudukumizwa mmwanza wa wang'onyo wose, wofugigwa na wa kumuhulo. Kotambala na inda yako, na koja timbwisi mazua gose ga ugima wako. Nokwika udumuka hagatigati yako na ija imtwanzi, hagatigati ya wanago na wanage. Heyo kokuhonda ditwi jako, na gweye komulumiza kisiginho chake.”
Abaho kamulongela ija imtwanzi, “Nowongeza usungu wako wa kulela, na gweye kolela na usungu, hata avo sulukila yako yowa ha mbigalo wako, na heyo kokutawala.”
Abaho kamulongela ija imbigalo, “Kwavija gweye kumtegeleza mtwanzi wako, na kuja mujo uja unikulongele sambiuje, isi yodukumizwa. Kopata mandia gako mkugaya ng'hani mkuilima isi mmazua gose ga ugima wako. Isi yokulelela miba na mijani, na mandia gako gowa mijani ya kumgunda. Koja mandia gako mkusang'hanika ng'hani mbaka vondauibwelele isi ija iulumbigwe nayo. Kwavija kulumbigwa na timbwisi, na kobweleganya kuwa timbwisi kabili.”
Adamu kamkema mtwanzi wake Hawa, kwavija kowa mama wa wanhu wose. Abaho MNDEWA Mulungu kawatendela Adamu na mtwanzi wake vivalo va ng'hwembe za wang'onyo na kawavaza.

Abaho MNDEWA Mulungu kalonga, “Lola, munhu ino sambi kalinga na tweye, kogatanga ganogile na gehile. Vivija sambiyagolose mkono wake na kubawa mujo kulawa mum'biki ulava ugima, na kuuja, na kuwa mgima mazua gose.” Avo MNDEWA Mulungu kamuwinga kulawa Mkihati cha Edeni na kumtenda yakailime isi ija iyalumbigwe nayo. Viyeshile kuwawinga waja iwanhu, keka Makelubi ng'ambu ya ulawilo wa zua wa Ikihati cha Edeni na kwika zele dili na moto dimeluka dihindukahinduka kuno na kuno kwiimiliza nzila ya kuchola hana um'biki ulava ugima.

Listen to MWANDUSO 3