<div class="version vid1388 iso6393yka" data-vid="1388" data-iso6393="yka">
 <div class="book bkGEN">
 <div class="chapter ch37" data-usfm="GEN.37">
 <div class="label">37</div><div class="s">Inin sabab si Yusup anak Yakubin</div><div class="p"> 1Manjari, si Yakub patenna&#42892; la&#42892;i si lahat bakas paglahatan samanen si Ishak. Lahat miya&#42892;an in&#275;nan Kana&#42892;an. 2Manjari aka-aka inin sabab si Yakub duk pamilyanen.</div><div class="p">Anak si Yakub in&#275;nan si Yusup, subul ne, me&#42892; sempukpitun tahun ne umulnen. Magipat iye me&#42892; bili-bili samanen magsumbaya&#42892; duk me&#42892; sakanen, me&#42892; anak si Bilha duk si Silpa, me&#42892; anda samaden. Manjari sinumbung-sumbung we&#42892; si Yusup me&#42892; sakanen si samaden.</div><div class="p"> 3Na, kinalasahan si Yusup we&#42892; si Yakub amban me&#42892; anakne sinduwehin pegge&#42892; pag inanakan si Yusup bahi&#42892; ne si Yakub. Ubus bu hinanganne si Yusup badju&#42892; h&#257;p manamal. 4Saguwa&#42892; me&#42892; sakanen, pegge&#42892; kata&#42892;uhande we&#42892; kinalasahan iye we&#42892; si Yakub pes&#333;ng amban siye, bunsi siye pu si Yusup bu ga&#42892;i siye miss&#257; h&#257;p pu si Yusup.</div><div class="p"> 5Dambuwa&#42892; sangem neginep si Yusup, bu pag akahanne pungtina&#42892;inen mas pes&#333;ng siye bunsi si iye. 6Pa&#42892;inne si siye, &#8220;Pakale ka&#42892;am, niya&#42892; teginepku. 7La&#42892;i ko&#42892; kite bi miya&#42892;an magpagani buwa&#42892; tirigu. Ubus bu maghinang umpung kite bi. Manjari bessuwang umpungkun donga&#42892; duk nengge. Na, umpungbin magtipun ko&#42892; duk paliput duk pasujud si umpungkun.&#8221; 8Pa&#42892;in me&#42892; pungtina&#42892;inen si iye, &#8220;Pa&#42892;innu ke we&#42892; ka&#42892;u manjari sultan kamihin? Magbaya&#42892; ke kew iyan si kami?&#8221; Hangkan bunsi siye manamal si iye sabab tineginepne miya&#42892;an duk sabab bakas biniss&#257;nen.</div><div class="p"> 9Ubus bu neginep iye balik duk akahanne me&#42892; pungtina&#42892;inen, pa&#42892;inne, &#8220;Niya&#42892; ne isab teginepku seddili,&#8221; pa&#42892;inne. &#8220;Ellewin ko&#42892; duk bulanin duk sempukdembuwa&#42892; pote&#42892;anin pasujud si aku.&#8221; 10Inakahan isab we&#42892; ne samanen saguwa&#42892; inam&#257;han iye we&#42892; ne, pa&#42892;inne, &#8220;Ine te&#42892; bakas tineginepnu miya&#42892;an? Subey kami duk si&#42892;itnun duk me&#42892; pungtina&#42892;inun bahasa pasujud si ka&#42892;u?&#8221; 11Kinimb&#363;han iye we&#42892; me&#42892; pungtina&#42892;inen bu samanen inesseb-esseb we&#42892; ne sabab bakas tineginep si Yusup miya&#42892;an.</div><div class="s">Pinabellihan si Yusup duk tabo&#42892;o hap lahat Misir</div><div class="p"> 12Dembuwa&#42892; ellew la&#42892;i me&#42892; saka si Yusupin magipat me&#42892; bili-bili samaden tapit si lahat Sekem. 13Pa&#42892;in si Yakub pu si Yusup, &#8220;La&#42892;i ne me&#42892; sakanun &#299;&#42892; tapit si Sekem magipat me&#42892; bili-bili. P&#299; kew si siye.&#8221; Nambung si Yusup, pa&#42892;inne, &#8220;Memes ne ku.&#8221; 14Pa&#42892;in samanen, &#8220;P&#299; ne kew payamanun bang s&#257;&#42892;ingge me&#42892; sakanu ley duk me&#42892; bili-bilihin. Ubus akahanun ku bang s&#257;&#42892;ingge ne siye.&#8221; Manjari tahala&#42892; si Yusup amban lahat Hebron p&#299; si Sekem.</div><div class="p"> 15Tekka ne si Yusup la&#42892;i si Sekem, maglengngan-lengngan iye miha pungtina&#42892;inen. Tadugpak iye we&#42892; dembuwa&#42892; lella bu pa&#42892;inne, &#8220;Ine pinihanun?&#8221; 16&#8220;Ga&#42892;. Miha ku hadja me&#42892; pungtina&#42892;iku,&#8221; pa&#42892;inne. &#8220;Kata&#42892;uhannu ke bang intag pagipatande me&#42892; bili-bilihin?&#8221; 17Nambung a&#42892;ahin, pa&#42892;inne, &#8220;La&#42892;i ne siye tahala&#42892;. Bakas takaleku biss&#257;de, pa&#42892;inde we&#42892; p&#299; siye tudju puweblo Dotan.&#8221; Ubus paturul si Yusup si me&#42892; pungtina&#42892;inen hap Dotan duk tekesuwa&#42892;ne siye la&#42892;i.</div><div class="p"> 18Tala pe iye, takite ne iye we&#42892; me&#42892; sakanen. Magisun ne siye we&#42892; subey iye papateyde. 19Pa&#42892;inde, &#8220;Tiya&#42892; pitu a&#42892;a luwal maneginepin! 20Papateyte bi iye ubus bu labo&#42892;te iye dem kupung ga&#42892; niya&#42892; bohe&#42892;ne. Ubus miya&#42892;an pa&#42892;inte bi we&#42892; niya&#42892; hayep talun bakas mangan iye. Payamante sa&#42892; bang ine ka&#42892;ujuran teginepnen!&#8221; Iye miya&#42892;an pagisunden. 21Pag kale sakaden si Ruben pagisunde miya&#42892;an bin&#275;bbegan we&#42892; ne si Yusup pegge&#42892; mabaya&#42892; timbulne si Yusup amban antanande. Pa&#42892;inne, &#8220;Da&#42892;a iye papateyte bi.&#8221; 22Tambahanne pe, &#8220;Da&#42892;a iye papateyun bi, labo&#42892;un bi hadja iye dem kupung tu&#42892;u si lahat ga&#42892; niya&#42892; a&#42892;ane inin. Da&#42892;a iye bakatanun bi.&#8221; Pu&#42892;unne miss&#257; s&#257; miya&#42892;an pegge&#42892; tapikilne timbulne si Yusup duk t&#363;rananne p&#299; si samaden.</div><div class="p"> 23Hangkan pag tekka si Yusup si me&#42892; pungtina&#42892;inen ilarit we&#42892; de badju&#42892;ne mah&#257;p manamalin. 24Ubus bu siniggew iye we&#42892; de duk ilabo&#42892; dem kupung ga&#42892; niya&#42892; bohe&#42892;ne. 25Ubus ningkolo&#42892; duk mangan ne me&#42892; pungtina&#42892;ine sinduwehin. S&#257;bude mamanganin niya&#42892; takitede grupu me&#42892; a&#42892;a pililitu bangsa Isma&#42892;el duk me&#42892; unta&#42892;den. Duwa&#42892;anden me&#42892; bayu&#42892;-bayu&#42892;an bengngi kuwe&#42892; kamanyan duk tambal. Tekka billa&#42892;i siye amban lahat Gil&#42892;ad p&#299; hap lahat Misir.</div><div class="p"> 26Manjari pa&#42892;in si Yahud si me&#42892; pungtina&#42892;inen, &#8220;Ine te&#42892; kah&#257;pan ta&#42892;eddo&#42892;ten bi bang papateyte bi saliten bi ubus bu tapukante bi bangkeynen? 27G&#257;m pe iye pabellihante bi si me&#42892; a&#42892;a bangsa Isma&#42892;el miya&#42892;an. Da&#42892;a iye papateyte bi pegge&#42892; pungtina&#42892;ite bi hep iye.&#8221; Ngasip me&#42892; pungtina&#42892;inen si iye. 28Pag labey me&#42892; a&#42892;a Isma&#42892;elin inonot we&#42892; de si Yusup amban dem kupung bu pinabellihan we&#42892; de duwemp&#363;&#42892; kayu&#42892; pilak te&#42892;ed.#37:28 Masa miya&#42892;an, iye halga&#42892;nen bang lella bata&#42892;-bata&#42892; pinabellihan manjari banyaga&#42892;. Ubus bu bino&#42892;o we&#42892; me&#42892; a&#42892;a Isma&#42892;elin si Yusup p&#299; si lahat Misir.</div><div class="p"> 29Pag balik si Ruben p&#299; si kupung ga&#42892; ne la&#42892;i si Yusup. Manjari hawal susenen ginaret we&#42892; ne badju&#42892;nen, 30duk p&#299; iye balik si me&#42892; pungtina&#42892;inen. Pa&#42892;inne si siye, &#8220;Ga&#42892; ne la&#42892;i si Yusup,&#8221; pa&#42892;inne. &#8220;Inumeyku ne si iyehin?&#8221; 31Manjari, inin hininangden, ineddo&#42892; we&#42892; de badju&#42892; Yusupin duk numbali&#42892; siye kambing. Pag ubus sumbali&#42892;de papuwa&#42892; siye ngalege badju&#42892;nen dem laha&#42892; kambingin. 32Ubus pabo&#42892;ohande badju&#42892; si Yusup mah&#257;p manamalin p&#299; si samaden duk masan siye, pa&#42892;inde, &#8220;Inin takesuwa&#42892; kami. Payamanun bang badju&#42892; anaknun ke inin.&#8221; 33Takilale we&#42892; si Yakub badju&#42892;in duk pa&#42892;inne, &#8220;Badju&#42892; anakkun du inin. All&#333;, kinakan we&#42892; hayep talun si Yusup!&#8221; 34Ubus ginaret we&#42892; si Yakub badju&#42892;nen bu ne magsemmek karut iye pegge&#42892; iye miya&#42892;an addat me&#42892; a&#42892;ahin bang siye dukka manamalan, duk magdukka iye tiggel manamal. 35K&#275;mon me&#42892; anaknen lella-dende pahemokande iye, saguwa&#42892; ga&#42892;i iye ngatu pinahemokan. Pa&#42892;inne, &#8220;Dukka ku si anakkun sampay matey ku.&#8221; Manjari, masi pe si Yakub magdukka sabab anaknen.</div><div class="p"> 36S&#257;bu miya&#42892;an la&#42892;i si Misir pinabellihan we&#42892; me&#42892; a&#42892;a bangsa Isma&#42892;elin si Yusup pu si Potipar, a&#42892;a Misir. Potipar miya&#42892;an dembuwa&#42892; a&#42892;a langkew si me&#42892; kapangandelan we&#42892; sultan Misirin duk iye kapitan me&#42892; guwaldiya sultanin.</div>
 </div>
 </div>
</div>

Manjari, si Yakub patennaꞌ laꞌi si lahat bakas paglahatan samanen si Ishak. Lahat miyaꞌan inēnan Kanaꞌan. Manjari aka-aka inin sabab si Yakub duk pamilyanen.
Anak si Yakub inēnan si Yusup, subul ne, meꞌ sempukpitun tahun ne umulnen. Magipat iye meꞌ bili-bili samanen magsumbayaꞌ duk meꞌ sakanen, meꞌ anak si Bilha duk si Silpa, meꞌ anda samaden. Manjari sinumbung-sumbung weꞌ si Yusup meꞌ sakanen si samaden.
Na, kinalasahan si Yusup weꞌ si Yakub amban meꞌ anakne sinduwehin peggeꞌ pag inanakan si Yusup bahiꞌ ne si Yakub. Ubus bu hinanganne si Yusup badjuꞌ hāp manamal. Saguwaꞌ meꞌ sakanen, peggeꞌ kataꞌuhande weꞌ kinalasahan iye weꞌ si Yakub pesōng amban siye, bunsi siye pu si Yusup bu gaꞌi siye missā hāp pu si Yusup.
Dambuwaꞌ sangem neginep si Yusup, bu pag akahanne pungtinaꞌinen mas pesōng siye bunsi si iye. Paꞌinne si siye, “Pakale kaꞌam, niyaꞌ teginepku. Laꞌi koꞌ kite bi miyaꞌan magpagani buwaꞌ tirigu. Ubus bu maghinang umpung kite bi. Manjari bessuwang umpungkun dongaꞌ duk nengge. Na, umpungbin magtipun koꞌ duk paliput duk pasujud si umpungkun.” Paꞌin meꞌ pungtinaꞌinen si iye, “Paꞌinnu ke weꞌ kaꞌu manjari sultan kamihin? Magbayaꞌ ke kew iyan si kami?” Hangkan bunsi siye manamal si iye sabab tineginepne miyaꞌan duk sabab bakas binissānen.
Ubus bu neginep iye balik duk akahanne meꞌ pungtinaꞌinen, paꞌinne, “Niyaꞌ ne isab teginepku seddili,” paꞌinne. “Ellewin koꞌ duk bulanin duk sempukdembuwaꞌ poteꞌanin pasujud si aku.” Inakahan isab weꞌ ne samanen saguwaꞌ inamāhan iye weꞌ ne, paꞌinne, “Ine teꞌ bakas tineginepnu miyaꞌan? Subey kami duk siꞌitnun duk meꞌ pungtinaꞌinun bahasa pasujud si kaꞌu?” Kinimbūhan iye weꞌ meꞌ pungtinaꞌinen bu samanen inesseb-esseb weꞌ ne sabab bakas tineginep si Yusup miyaꞌan.

Dembuwaꞌ ellew laꞌi meꞌ saka si Yusupin magipat meꞌ bili-bili samaden tapit si lahat Sekem. Paꞌin si Yakub pu si Yusup, “Laꞌi ne meꞌ sakanun īꞌ tapit si Sekem magipat meꞌ bili-bili. Pī kew si siye.” Nambung si Yusup, paꞌinne, “Memes ne ku.” Paꞌin samanen, “Pī ne kew payamanun bang sāꞌingge meꞌ sakanu ley duk meꞌ bili-bilihin. Ubus akahanun ku bang sāꞌingge ne siye.” Manjari tahalaꞌ si Yusup amban lahat Hebron pī si Sekem.
Tekka ne si Yusup laꞌi si Sekem, maglengngan-lengngan iye miha pungtinaꞌinen. Tadugpak iye weꞌ dembuwaꞌ lella bu paꞌinne, “Ine pinihanun?” “Gaꞌ. Miha ku hadja meꞌ pungtinaꞌiku,” paꞌinne. “Kataꞌuhannu ke bang intag pagipatande meꞌ bili-bilihin?” Nambung aꞌahin, paꞌinne, “Laꞌi ne siye tahalaꞌ. Bakas takaleku bissāde, paꞌinde weꞌ pī siye tudju puweblo Dotan.” Ubus paturul si Yusup si meꞌ pungtinaꞌinen hap Dotan duk tekesuwaꞌne siye laꞌi.
Tala pe iye, takite ne iye weꞌ meꞌ sakanen. Magisun ne siye weꞌ subey iye papateyde. Paꞌinde, “Tiyaꞌ pitu aꞌa luwal maneginepin! Papateyte bi iye ubus bu laboꞌte iye dem kupung gaꞌ niyaꞌ boheꞌne. Ubus miyaꞌan paꞌinte bi weꞌ niyaꞌ hayep talun bakas mangan iye. Payamante saꞌ bang ine kaꞌujuran teginepnen!” Iye miyaꞌan pagisunden. Pag kale sakaden si Ruben pagisunde miyaꞌan binēbbegan weꞌ ne si Yusup peggeꞌ mabayaꞌ timbulne si Yusup amban antanande. Paꞌinne, “Daꞌa iye papateyte bi.” Tambahanne pe, “Daꞌa iye papateyun bi, laboꞌun bi hadja iye dem kupung tuꞌu si lahat gaꞌ niyaꞌ aꞌane inin. Daꞌa iye bakatanun bi.” Puꞌunne missā sā miyaꞌan peggeꞌ tapikilne timbulne si Yusup duk tūrananne pī si samaden.
Hangkan pag tekka si Yusup si meꞌ pungtinaꞌinen ilarit weꞌ de badjuꞌne mahāp manamalin. Ubus bu siniggew iye weꞌ de duk ilaboꞌ dem kupung gaꞌ niyaꞌ boheꞌne. Ubus ningkoloꞌ duk mangan ne meꞌ pungtinaꞌine sinduwehin. Sābude mamanganin niyaꞌ takitede grupu meꞌ aꞌa pililitu bangsa Ismaꞌel duk meꞌ untaꞌden. Duwaꞌanden meꞌ bayuꞌ-bayuꞌan bengngi kuweꞌ kamanyan duk tambal. Tekka billaꞌi siye amban lahat Gilꞌad pī hap lahat Misir.
Manjari paꞌin si Yahud si meꞌ pungtinaꞌinen, “Ine teꞌ kahāpan taꞌeddoꞌten bi bang papateyte bi saliten bi ubus bu tapukante bi bangkeynen? Gām pe iye pabellihante bi si meꞌ aꞌa bangsa Ismaꞌel miyaꞌan. Daꞌa iye papateyte bi peggeꞌ pungtinaꞌite bi hep iye.” Ngasip meꞌ pungtinaꞌinen si iye. Pag labey meꞌ aꞌa Ismaꞌelin inonot weꞌ de si Yusup amban dem kupung bu pinabellihan weꞌ de duwempūꞌ kayuꞌ pilak teꞌed. Ubus bu binoꞌo weꞌ meꞌ aꞌa Ismaꞌelin si Yusup pī si lahat Misir.
Pag balik si Ruben pī si kupung gaꞌ ne laꞌi si Yusup. Manjari hawal susenen ginaret weꞌ ne badjuꞌnen, duk pī iye balik si meꞌ pungtinaꞌinen. Paꞌinne si siye, “Gaꞌ ne laꞌi si Yusup,” paꞌinne. “Inumeyku ne si iyehin?” Manjari, inin hininangden, ineddoꞌ weꞌ de badjuꞌ Yusupin duk numbaliꞌ siye kambing. Pag ubus sumbaliꞌde papuwaꞌ siye ngalege badjuꞌnen dem lahaꞌ kambingin. Ubus paboꞌohande badjuꞌ si Yusup mahāp manamalin pī si samaden duk masan siye, paꞌinde, “Inin takesuwaꞌ kami. Payamanun bang badjuꞌ anaknun ke inin.” Takilale weꞌ si Yakub badjuꞌin duk paꞌinne, “Badjuꞌ anakkun du inin. Allō, kinakan weꞌ hayep talun si Yusup!” Ubus ginaret weꞌ si Yakub badjuꞌnen bu ne magsemmek karut iye peggeꞌ iye miyaꞌan addat meꞌ aꞌahin bang siye dukka manamalan, duk magdukka iye tiggel manamal. Kēmon meꞌ anaknen lella-dende pahemokande iye, saguwaꞌ gaꞌi iye ngatu pinahemokan. Paꞌinne, “Dukka ku si anakkun sampay matey ku.” Manjari, masi pe si Yakub magdukka sabab anaknen.
Sābu miyaꞌan laꞌi si Misir pinabellihan weꞌ meꞌ aꞌa bangsa Ismaꞌelin si Yusup pu si Potipar, aꞌa Misir. Potipar miyaꞌan dembuwaꞌ aꞌa langkew si meꞌ kapangandelan weꞌ sultan Misirin duk iye kapitan meꞌ guwaldiya sultanin.

Listen to Panagnaꞌan 37