(Evangelio según San Juan) 11
11
Lázaro jakamu
1Betanianmaya Lázaro daagtin jaak pujau; María, Marta aina nuna umayí. 2Duka Mariak, Lázaro umayí Apu Jesusa nawen kugkuinui ukatuk niina intashinig ujugtujua nunú aajakui. 3Nunú, ni kaijai Jesusan chichaman akupjuinak:
—Apuh, amina kumpajum aneetaigmia duka jaawai, tiajui.
4Jesús nuna antuk, chichaak:
—Au jata duka jachataiyai, ayatak Apajuin eme anentuinak, nuigtú Apajuí Uchijiya nunú dutikamunum eme anentiagtata nuna iwainaktatus aniawai, tiuwai.
5Jesusak Martan niina kaijai, nuigtú Lazaronashkam aneejakui. 6Lázaro jaawai tabaun antukuitak, wetsuk, ni pujamunmag jimag tsawan pujusui, 7nunik ni jintintaiji aidaun chichajak:
—Judea wakitkimi, tiuwai.
8Tama dita aiinak:
—Maestroh, dukap atsujama judío aidau kayai tukugmagta tiagma nunú, nuniaigkik, ¿ataktú awi wakitkitasamesh wakegam? tuidau.
9Tiagtai Jesús ayaak:
—¿Makichik tsawantan doce hora ajatsuak? aents tsawai wekaegas wegauk tukumtsame tsaaptinnum shiig wainak wegau asa; 10untsu kashi wekaga duka tukumui, tsaaptinnum wainak wegachu asa.
11Nuna tii, nuigtú:
—Iina kumpají Lazarok kanawai, tujash wi wejin ishintagtajai, tiuwai.
12Tutai jintintaiji aidau chichajuinak: —Apuh, kanag tepauku, nantaktatajamah, tuidau.
13Tujash Jesusak Lázaro jakau asamtai tau, nuniaig ditak kanag tepaunas tawatai tuidau. 14Tiagtai Jesús paan iwainak: —Lazarok jakae, 15tujash awi pujuschag dui shiig aneajai; wagki atum dekaskeapi tiagtin asagmin. Tujash wee diisagmi, tau.
16Tutai Tomás, Jimagmamu tutaiya nu, tikich Jesusa jintintai aina nuna chichajak:
—Jutiishkam wegagmi, mainakush jutiijai mantamatnume, tiuwai.
Jesusai jakaunash inantin pujutnash sukagtin
17Jesús jegakmá, Lázaro ukusam cuatro tsawan wegaun wainkauwai. 18Betaniak Jerusalén jegattak kampatum kilómetro tumain au. 19Kuashat judío aidau Martan Mariajai jegajuawaju, umayí jakau asamtai anentain ichichtugtasag. 20Nuninai Jesús taattak minawai tabaun Marta antuk, igkugtatus jiintukiuwai, nunitai Mariak jegag juwakui. 21Nunik Marta Jesusan chichajak:
—Apuh, ame jui pujutaik mina ubajuk jamain wajakchae, 22tujash wika yamaikish ame Apajuí segamunak imatiksagkeap amastatua tajai, tiuwai.
23Tutai Jesús ayaak: —Amina umaimek aneantatui, tau.
24Tama Marta chichaak:
—Dekaske, tsawan nagkanbau atina dui jakau aidau nantakiagtina nunak dekajai, tiu.
25Tutai Jesús chichajak:
—Witjai jakaunash inannunuk, wikitjai pujutnash sukagtinnuk. Minai dekaskeapi tauk, jakau akush tuke pujutnai; 26ashí aents iwaaku pujuina nu mina dekaskeapi tujutuk, tuke jakashtin ainawai, ¿dusha dekaskeapi tamek? tiuwai.
27Tama ni ayaak:
—Ehé Apuh, wika aminak dekaskeapita Cristo Apajuí Uchijí, ju nugka jui taatnai tibauwa nuuwapi tajame.
Lázaro ukusbaunum Jesús buutbau
28Nuna tusa ukuak, Martak kai Marian jegantun, niinak akanki:
—Maestro jui taa untsugmawai, tau.
29Nu tama antamuik, Mariashkam wajaakug Jesusan wainkatatus wejiuwai. 30Jesusak yaaktanmag eke waitsuk, Marta igkugbaunmag pujau. 31María waujus jiinki wetai, judío aidau María jeen anentai ichichtuinak kauná batsatushkam: —Umayí ukusbaunum jegantá buuttasas wegatai, tusag pataetukajui.
32Nunik Mariak Jesús pujamunum jegantá tikishmatug pujus:
—Apuh, ame jui pujutaik, mina ubajuk jakachampastaih, tau.
33Tusa María buuttai, judío Marian pataetuk kaunkaushkam buutiagtatman Jesús wainak, shiig senchi wake besemag dekapjauwai. 34Nunik iniak: —¿Tuwí ukusmaugme? tau.
Tutai aiinak: —Apuh jui ukusmaji, tantá diistá, tuidau.
35Tama jegan diikmá wainak Jesús buutiu. 36Nunitai judío aidau:
—¡Diisjuah, yaitnaku aneejakuajah! tuidau.
37Tiagtai dita aina nuiya chichainak:
—¿Jujú wainmachunash wainmitkauwe ibaush, Lázaro jataish utugkatnuki, ni pujutaish jakatnasha? tuidau.
Jesús Lázaro inankimu
38Jesús ataktú shiig senchi wake besemag dekapeg, ukusbaunum jegantú. Duka makichik waa, waitaiji kaya aputuamu aajakui.
39Nunik Jesús chichaak: —Kayak ekektajum, tiuwai.
Tutai Marta, jakauwa nuna umayí chichaak:
—Apuh, mejeawastaih, wagki jaka cuatro tsawan wega dui, tau.
40Tutai Jesús ayaak:
—¿Ame dekaskeapi takumek, Apajuí senchijí iwainamu wainkattame tichamkajam? tiuwai.
41Tama kayan ekekaju, dutikamtai Jesús nayaimpin pagkai diyak:
—Apawah see tajame, wagki antugtukum dui. 42Wika dekajai, amek minak tuke antugtam nunak; tujash ju aents ijunaina nu shiig wainkag, ame awetiuwaitam nuna dekaskeapi tujuttinme tabaunum tajame, tau.
43Nuna tii, senchi untsuká:
—¡Lázaro, nantakim agaa jiinkita! tiuwai.
44Tama jakauwa dushakam, uwejinish nawenish pempeagbau nuigtú jaanchi yapijai pempeagbauk imanisag jiinkiuwai. Nunikmatai Jesús chichaak:
—Atiajum idaisatajum, wetí, tiuwai.
Jesús maami tusa chicham umigkamu
(Mt. 26.1-5; Mr. 14.1-2; Lc. 22.1-6)
45Kuashat judío aidau Marian uyunainak kaunawajuk, Jesús dutikamun wainkag: Dekas juka Apajuí Uchijimpapita, tiajui. 46Tujash ujumak dita aina nuiya fariseo aidaun wejiag, Jesús dutikamun ujakajui. 47Dutikam fariseo aidau, sacerdote apuji aidaujai apu chichaman inagnau aidaun ipawag ijunjag: —¿Utugkattaji, au aents aentsush dutikmainchaun iwainag kuashat takaa aush? 48Aikasaik idaijinig, ashí niinig dekaskeapi tiagtatui; nuniamunum romanmaya kaunawag iinu jega Apajuí ememattaiya nuna tsainak, ashí jutiijai amupaktatajama, tuidau.
49Tiagtai dita aina nuiya, Caifás daagtin, nunú mijantin sumo sacerdote wajas pujau asa, chichaak:
—Atumek makichkish dekatsjume, 50anentaimsagmesh diyatsjume, ashí aents jinumaina nuna makichik aents mantamnamaina duka, tiuwai.
51Nunak Caifasak nigki nagkamig tichauwai, nunú mijantin sumo sacerdote wajas pujau asa, Jesús judío aidaunum mantamnatnun etsegkauwai; 52tujash imá judío aidaunmagkek mantamnatsuk, ashí Apajuí uchijí pampag batsataina nu ijumja makichik emata tabaunum nuniktinun tiuwai. 53Nunikag, nunú tsawanta duik, mantamnati tusag chichaman umigkajui.
54Nuadui Jesusak judío aidaunmag wantinkag wekaechau, nuniau asa Judeanak ukuak, makichik yaakat yaijuch Efraín tutai uwejush tikiju anem aunum weuwai. Nunik nui jegaa niina jintintaiji aidaujai pujusui.
55Judío aidau fiestamtaiji Pascua tikiju wajasú asamtai, kuashat aents yaaktanmaya aidau Jerusalén weedau, eke Pascua jegatsaig pegkeniagtatus. 56Nunik Jesusan egaidau asag, jega Apajuí ememattainum wayawag pempeentunisag iniininak:
—¿Wajuk Jesusash anentaimtagme? ¿Fiestanmash taatpash? tuidau.
57Sacerdote apuji aidau, fariseo aidaujai: —Makichkitigmekesh Jesús pujamuji dekagkugmek etsegkatajum achikmí, tiajui.
Nke Ahọpụtara Ugbu A:
(Evangelio según San Juan) 11: AGR
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2020, Wycliffe Bible Translators, Inc.