Luka 17
17
Guna, itıqat, u efkerdiş
1İsay telebanê xo rê nia vat: “Çiyê kı mordeman ray ra vecerê, benê, feqet kam kı beno sebebê çiyê nanênan, wey halê iy! 2Kam kı ni qıckekan ra jüyê ray ra vecero, wey halê inan! Kam kı ninan ray ra vecero, kemera arêy vılê iy ra bêro gırêdayenı, bercio dengız, saba iy daa rındo. 3Hadar bêrê! Ekı bıranê sıma ra jüyê guna kerdı, cı rê xuli bêrê; iy kı tobı kerd, iy ef bıkerê. 4Ekı rocê de hawt rey sıma rê guna kerdı, feqet hawt rey ama, vat, ‘Tobı kenan’, sıma iy ef bıkerê.”
5 Hawariyan İsay rê vat: “İtıqatê ma bızêdını.”
6İsay inan rê nia vat: “Ekı hente toxımê xerdeli itıqatê sıma bıbo, na dara tüye rê vanê, ‘Kokê xo herd ra vecı, so wertê dengızi de ronı’, a ki sıma say kena.
7“Vacım, jü xızmetkarê sıma esto, sıma rê cıtı ramıno ya ki şüaneyenı keno. Key kı hêga ra ama, cı rê vanê, ‘Bê sıfra de ronisı’? 8Nê, sıma vanê, ‘Nanê mın hazır kı, so peşmala xo gırê de, key kı ez wenan, sımınan, mı rê xızmetı bıkı. Tı bado borı, bısımı.’ 9Ekı xızmetkarê sıma vatena sıma kerdı, sıma cı rê vanê, ‘Heq raji bo’? 10Sıma ki iyê kı sıma ra amê wastenı, i pêro kı kerdê, saba inan vacerê, ‘Ma xızmetkarê bêqimetım. No guriyê ma bi, ma kerd.’ ”
Des mordemê kı nêweşiya cuzamı gırotê
11İsay hetê suka Yeruşalim ser raya xo rê dewam kerd. Cao kı mabênê Samirye bı Celile dero, uca ra vêrd ra. 12İsa kı kut jü dewı, uca de des mordeman de nêweşiya cuzamı#17:12 Nêweşiya cuzamı: Nêweşiya de gıranı biye. Her cayê cani de khuli veciyenê. Na nêweşiye şikiyenê jüyê ra ravê ro jüyê bini, ay ra kam kı biyenê nêwes, mıleti i nêgırotenê wertê xo. esti biye. İ duri de fındetê, 13inan veng da u vat: “İsa, Wayirê ma, ma rê bê ramı!”
14Key kı İsay i di, vat: “Sêrê, rayibi sıma bıvênerê.” Ni des mordemi key kı kutê ray, biyê wes. 15Wertê ninan ra jüyê sêr keno kı biyo wes, êno lê İsay. Veng dareno we, Heqi rê şukır keno. 16Xo erceno nınganê İsay ver, rüyê xo nano herdi ser, iy rê vano: “Heq to ra raji bo!” No mêrık Samirye ra bi.
17İsay vat: “İyê kı biyê wes des teni nêbi? İ new teniyê bini koti derê? 18Ni mordemê ğeribi ra zobina kes niama, Heqi rê şukır bıkero?” 19Bado İsay mêrıki rê vat: “Urcı pay, so; itıqatê to tı xelesnay ra.”
Hukumdariya Heqi key êna?
20 Ferisiyan İsay ra pers kerd, vat: “Hukumdariya Heqi key êna?”
İsay vat: “Hukumdariya Heqi kı bêro, hini bı çıman'a nêna vênıtenı. 21Mordemi nêvanê, ‘Sêr kerê, Hukumdariya Heqi nıta dera!’ ya ki ‘Uca dera!’ Çıkı Hukumdariya Heqi mabênê sıma dera.”
22Bado İsay telebanê xo rê vat: “Rocê henêni ênê kı sıma wazenê rocanê Lacê Mordemi ra jü rocı bıvênerê, feqet nêvênenê. 23Mordemi sıma rê vanê, ‘Sêr kerê, Lacê Mordemi uca dero’, ‘Sêr kerê nıta dero!’ Sıma meserê cayê, ninan dıma mevazerê. 24Amayena Lacê Mordemi zê buluski bena. Senên kı bulusk sano asmên, uca de her ca keno roşti, amayena Lacê Mordemi ki hini bena. 25Feqet sıftı, gereko kı Lacê Mordemi zaf decan bancero u hetê ni nesli ra mêro qebul kerdenı.
26“Waxto kı Lacê Mordemi ama, her çi beno zê rocanê waxtê Nuhi. 27Hata a roca kı Nuh nist gemi, mıleti werdenê, sımıtenê, zeweciyenê. Bado thofanı ama, pêro qırr kerdê. 28Waxtê Luti de ki hini bi. A waxt ki mıleti werdenê, sımıtenê, gırotenê, rotenê, ramıtenê, bani vırastenê. 29Feqet roca kı Lut Sodom ra veciyo, asmên ra adır-kılı vara. Mıletê ucay pêro qırr biyo. 30Roca kı Lacê Mordemi reyna bıaşiyo, a rocı ki hini beno.
31“A rocı de kamo kı serê bani dero, mekuyo zerrê kêyi, çiyê xo megêro. Kamo kı hêga dero, o ki peyser mêro. 32Çiyê kı amay bi ciniya Luti#17:32 Waxto kı cinıka Luti suka Sodom ra rema, gos nêda Heqi u pê xo ro sêr kerd; ay ra hurindia xo de, solı ra biya ustını. ser, inan biyarê xo viri! 33Kam kı wazeno canê xo bıxelesno ra, iy vindi keno. Kam kı canê xo vindi keno, iy xelesneno ra. 34Sıma rê nay vaceri: A peşew, dı teniyê kı jü cılı derê, inan ra jüyê êno gırotenı, jüyê uca de verdino. 35-36Dı cinıkê kı pia genım renê ra, inan ra jüyê êna gırotenı, jüyê uca de verdina.”
37Teleban vat: “Wayir, na koti de bena?”
İsay ki vat: “Bınatı kı koti de bi, heli topê ucay benê.”
Nke Ahọpụtara Ugbu A:
Luka 17: kiu
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2023 (Active), Wycliffe Bible Translators, Inc. All rights reserved.