Luka 16
16
Xızmetkaro xilebaz
1İsay telebanê xo rê mesela de nanênı qeşi kerdı: “Waxtê jüyê de, jü bego de variyetın esti biyo. Ni begi saba guriyê xo, jü xızmetkar gıroto pê. Rocê, heqa ni xızmetkari de gerrı sono begi rê, vanê, ‘No mêrık peranê to zay keno.’ 2Beg veng dano cı, vano, ‘Ni çı qeseyê heqa to de ênê gosê mın? To bı peranê mın'a se kerd? Hesab bıdı. Tı endi xızmetkarê mın niyay.’
3“Xızmetkar xo xo de vano, ‘Ez nay ra tepia se kenan? Beg mın guri ra erceno. Dest payê mın qewetın niyê kı hêgan de bıguri. Dest akerdenı ra ki serm kenan. 4Feqet, ez zanan se bıkeri. Ezo xo rê havalan bıvêneri; begi kı ez guri ra estan, i mın bigêrê kêyanê xo.’
5“Nay sera, kamo kı begê iy rê dêndaro, veng dano inan. Mordemê sıfteyıni ra pers keno, ‘Begê mı rê çıqa dênê to esto?’
6“O ki vano, ‘Se bıros ronê zeytıni.’
“Xızmetkar xeta dêni dano cı, vano, ‘Bigi phancas bıros bınusnı.’
7“Na rey dêndarê bini ra pers keno, ‘Dênê to çıqawo?’
“O ki vano, ‘Dênê mın se çalık genımo.’
“Xızmetkar ki vano, ‘Bigi na xetı, heştay çalık bınusnı.’
8“Key kı beg xızmetkarê xilebazi nia baqıl vêneno, iy goyneno. Xora mordemê na dina, mabênê neslê xo de, mordemê kı Heqê xo de rastê#16:8 Mordemê kı Heqê xo de rastê: Greki de “Domanê Roşti”, inan ra daa baqılê. 9Ez sıma rê nay vaceri: Na dina de, mal-mılkê xo saba havalinı zay bıkerê. Ekı sıma nia bıkerê, mal-mılkê sıma kı qediya, a dina de, banê kı qe nêrıjinê, sıma uca de qebul benê.”
Hem Heqi rê hem peran rê xızmetı nêbena
10İsay nia dewam kerd: “Kamo kı guriyê qıci de guvan dano, guriyê gırsi de ki guvan dano. Kamo kı guriyê qıci de xilebazo, guriyê gırsi de ki xilebaz beno. 11Ekı sıma, mal-mılkê na dina de wayirê guvani niyê, kam ğezna dina binı amanatê sıma keno? 12Ekı sıma amanatê sari de wayirê guvani niyê, a waxt kam thaba dano sıma kı cı rê wayirinı bıkerê?
13“Qe kes nêşkino dı wayiran rê xızmetı bıkero. Ya jüyê ra hez keno, i bini ra hez nêkeno; ya ki jüyê rê sadıq beno, i bini çımê xo nêvêneno. Sıma nêşkinê hem Heqi rê hem ki peran rê xızmetı bıkerê.”
14 Ferisiyê kı peran ra hez kenê, ni qesanê İsay kı eşiyay pê, pê cı kayê xo kerdê. 15İsay inan rê nia vat: “Sıma wazenê kı verê mıleti de xo pak bımuskınê. Feqet Heq, zerria sıma de çık esto, zano. Çiyo kı çımê mordemi de hewlo, qatê Heqi de sermo.
16“Qanunê Pêxember Musay u kıtabê pêxemberan#16:16 Qanunê Pêxember Musay u kıtabê pêxemberan: Ninan Kıtabê Bımbarekê kı Yahudi qebul kenê., hata waxtê Yahyay, ray muskıtê sıma. Yahyay dıma, Mijdania Hukumdariya Heqi êna dayenı; a roc ra nat, her kes qeyret keno kı Hukumdariya Heqi kuyo. 17Herd u asmên daa ret vindi beno, feqet Qanunê Heqi ra jü herfı bilı vindi nêbena.
18“Kamo kı ciniya xo ca verdo, ciniya de bin'a bızeweciyo, na zina bena. Owo kı, cinıka kı mêrdê xo ca verdo, bı a cinık'a bızeweciyo, o ki zina keno.”
Mêrıko variyetın u Lazar
19İsay vat: “Waxtê jüyê de, mêrıko de variyetın esti biyo. Wertê kıncanê suranê ketenan de, wertê bolixiyê de, her roc kêf kerdo. 20Jü ki, jü mêrıko de feqir esti biyo. Namê ni mêrıki Lazar biyo. Canê ni Lazari pêro wertê khulan de biyo. No mêrık her waxt berdê, verê kêberê ni mêrıkê variyetıni de vêrdê ra. 21Pino kı çık kı xonça ni mêrıkê variyetıni ra peyser mano, iy boro, vêrê xo mırd kero. Hetê ra ki kutıki ênê, khulanê niy bales kenê.
22“Rocê, no feqir Lazar mıreno. Meleki iy benê lê İbrahimi. No mêrıko variyetın ki mıreno, iy kenê mezelı. 23Diyarê merdan de wertê decanê gıranan de biyo. Duri ra İbrahimi, lê İbrahimi de ki Lazari vêneno, 24vano, ‘İbrahim, piyê mın! Mı rê bê ramı! Lazari bırusnı lê mın kı bêçıka xo awkı ra no, zianê mı ra no. Wertê na adırı kılı de can-roê mın ancino.’
25“İbrahim vano, ‘Lacê mın, biya xo viri, to a dina de hêsa xoa rındinı gırotı, Lazari ki hêsa xoa xırabiye gırotı. Nıka o nıta de wertê retiyê dero; tı wertê decanê gıranan deray. 26Jü ki mabênê ma de, çala henênı esta kı nı kes nıta ra şikino bêro lê to, nı ki uca ra kes şikino bêro nıta.’
27“Na rey mêrıko variyetın vano, ‘İbrahim, piyê mın, se beno, Lazari peyser bırusnı dina, kê piyê mın. 28Ê mın, phanc bıraê mın estê. Sêro inan rê vacero, i ki mêrê mekuyê wertê ni cayê deci.’
29“İbrahim vano, ‘İnan de kıtabê Musay u ê pêxemberanê binan estê. Gos bıderê ni qesan, beso.’
30“Mêrıko variyetın vano, ‘Nê, İbrahim piyê mın! Ekı wertê merdan ra jü merdı sêro lê inan, i tobı kenê.’
31“İbrahim nia vano, ‘Ekı bıraê to Musa u pêxemberanê binan say nêkenê, merdan ra jüyê wes bêro, i ancia ki inam nêkenê.’ ”
Nke Ahọpụtara Ugbu A:
Luka 16: kiu
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2023 (Active), Wycliffe Bible Translators, Inc. All rights reserved.