Jɛnɛsis 10
10
Noa In Pikin dɛn ɛn dɛn Jɛnareshɔn
(1 Kronikuls 1:5-23)
1Dɛn pipul ya so na Noa in pikin dɛn, Shɛm, Am ɛn Jefɛt, dɛn jɛnareshɔn. Afta di flɔd dɛn bin bigin bɔn pikin dɛn ɛn gɛt grampikin ɛn jɛnareshɔn dɛn.
2Jefɛt in bɔypikin dɛn na bin Goma, Magɔg, Maday, Javan, Tubal, Mishɛk ɛn Tayras. 3Goma in bɔypikin dɛn na Ashkɛnaz, Rifat, ɛn Togama. 4Javan in bɔypikin dɛn na Ilaysha, Tashish, Kitim ɛn Dodanim. 5Dɛn pipul ya, we na Jefɛt in yon jɛnareshɔn na bin di grampa dɛn fɔ di pipul dɛn we bin de na di kost ɛn ayland dɛn. Dɛn bin gɛt dɛn yon kɔntri, ɛn ɔlman bin de tɔk difrɛn laŋwej wit in yon pipul dɛn.
6Am in bɔypikin dɛn na Kush, Ijipt, Put, ɛn Kenan. 7Kush in bɔypikin dɛn na Sɛba, Avila, Sabta, Raama, ɛn Sabtɛka. Raama in bɔypikin dɛn na Shiba ɛn Didan. 8Kush bin gɛt wan bɔypikin we nem Nimrɔd. In na bin di fɔs sojaman: i gɛt trɛnk ɛn sabi fɔ fɛt. 9PAPA GƆD gi am skil fɔ ɔntin. Ɛn na dat mek pipul dɛn kin tɔk se, “PAPA GƆD dɔn mek pɔsin sabi ɔntin lɛkɛ Nimrɔd!” 10In yon say we i bigin rul na Babilɔn, Irɛk, Akad ɛn Kalnɛ; dɛn ɔl bin de insay Shina. 11Frɔm de, i go na Asiria ɛn bil Ninivɛ, Rɛobɔt Ir, Kala, 12ɛn Resɛn, we de bitwin Ninivɛ ɛn da big big siti we nem Kala.
13Ijipt na di papa fɔ dɛn na Ludayt dɛn, Anamayt dɛn Liabayt dɛn, Naftuayt dɛn, 14Patrɔsayt dɛn, Kaslɔayt dɛn, we na frɔm dɛn, dɛn Filistin dɛn kɔmɔt ɛn dɛn Kaftɔrayt dɛn.
15Kenan na di papa fɔ Saydɔn, we na bin di fɔs wan pan dɛn Itayt, 16dɛn Jɛbyusayt, dɛn Amɔrayt, dɛn Gagashayt, 17dɛn Ivayt, dɛn Akayt, dɛn Sinayt, 18dɛn Avadayt, dɛn Zɛmarayt, ɛn dɛn Amatayt dɛn: ɔl di difrɛn Kenan pipul dɛn prɛd ɔlɔbɔt, 19sote dɛn bawndri rich na Saydɔn te go na Gɛra we de nia Gaza, ɛn na Sɔdɔm, Gomɔra, Adma, ɛn Zɛboim we de nia Lasha. 20Dɛn wan ya so na Am in yon jɛnareshɔn dɛn, we bin gɛt dɛn yon kɔntri, ɛn ɔlman bin de tɔk difrɛn laŋwej wit in yon pipul dɛn.
21Di Ibru pipul dɛn na bin Shɛm, we na Jefɛt in big brɔda in jɛnareshɔn dɛn ɛn dɛn na Eba in bɔypikin dɛn. 22Shɛm in bɔypikin dɛn na Ilam, Ashɔ, Apakshad, Lud, ɛn Aram. 23Aram in bɔypikin dɛn na Ɔz, Ɔl, Gɛtha, ɛn Mishɛk. 24Apakshad bɔn Shila, dɔn Shila in bɔn Eba. 25Eba bin gɛt tu bɔypikin dɛn: wan nem Pɛlɛg,#10:25 Pɛlɛg Di wɔd pɛlɛg fiba di Ibru wɔd fɔ sheb. bikɔs nain tɛm di pipul dɛn na di wɔl bin sheb dɛnsɛf bay dɛn laŋwej; ɛn di ɔda wan nem Joktan. 26Joktan in jɛnareshɔn dɛn na Almɔdad, Shɛlɛf, Azamavɛt, Jɛra, 27Adoram, Yuzal, Dikla, 28Obal, Abimaɛl, Shiba, 29Ofir, Avila, ɛn Jobab. Ɔl dɛn wan ya na bin Joktan in jɛnareshɔn dɛn. 30Di say we dɛn bin tap bigin frɔm Mɛsha sote rich Sɛfa we de ɔp il na di ist pat na di kɔntri. 31Dɛn wan ya so na Shɛm in yon jɛnareshɔn dɛn. Dɛn bin gɛt dɛn yon kɔntri ɛn ɔlman bin de tɔk difrɛn laŋwej wit in yon pipul dɛn.
32Ɔl dɛn pipul ya so na Noa in jɛnareshɔn dɛn, dɛn bin de bay dɛn yon neshɔn, bay usay dɛn kɔmɔt. Na frɔm dɛn wan ya ɔlman kam na di wɔl afta di flɔd.
Nke Ahọpụtara Ugbu A:
Jɛnɛsis 10: KRIO13
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Krio Bible © The Bible Society of Sierra Leone, 2013.