Icitendekelo 5
5
Ifikolwe ukufuma pali Adamu ukufika kuli Noa
1 #
Icite 1:27-28; Mateo 19:4 Ubu e butantiko bwa lupwa lwakwa Adamu.
Ilyo Lesa abumbile umuntu, amubumbile mu cata cakwe. 2#Mateo 19:4; Mako 10:6Ababumbile umwaume no mwanakashi elyo abapaala. Ilyo ababumbile abetile nokuti, “Bantu.”#5:2 Bantu: Mu lulimi lwa Cihibulu batila, “muntu.” 3Ilyo Adamu aikele imyaka umwanda umo na makumi yatatu (130) elyo afyele umwana umwaume uwamupala, uwaba mu cata cakwe, amwinika ne shina lya Seti. 4Panuma ya kufyalwa kwakwa Seti, Adamu aikele imyaka imyanda cine konse konse (800), kabili alifyele na bambi abana abaume na banakashi. 5Imyaka yonse pamo Adamu aikele umumi yali imyanda pabula na makumi yatatu (930), elyo afwa.
6Ilyo Seti aikele imyaka umwanda umo na isano (105) elyo afyele Enoshi. 7Kabili panuma yakufyala Enoshi, Seti aikele umumi imyaka imyanda cine konse konse na cine lubali (807), afyele na bambi abana abaume na banakashi. 8Imyaka yonse pamo Seti aikele yali imyanda pabula ne kumi limo na ibili (912), elyo afwa.
9Ilyo Enoshi aikele imyaka amakumi pabula (90), afyele Kenani. 10Kabili panuma yakufyala Kenani, Enoshi aikele imyaka imyanda cine konse konse ikumi limo na isano (815), afyele na bambi abana abaume na banakashi. 11Imyaka yonse pamo Enoshi aikele yali imyanda pabula na isano (905), elyo afwa.
12Ilyo Kenani aikele imyaka amakumi cine lubali (70), elyo afyele Mahalale. 13Kabili panuma yakufyala Mahalale, Kenani aikele imyaka imyanda cine konse konse na makumi yane (840), afyele na bambi abana abaume na banakashi. 14Imyaka yonse pamo Kenani aikele yali imyanda pabula ne kumi limo (910), elyo afwa.
15Ilyo Mahalale aikele imyaka amakumi mutanda na isano (65), afyele Yaledi. 16Kabili panuma yakufyala Yaledi, Mahalale aikele imyaka imyanda cine konse konse na makumi yatatu (830), afyele na bambi abana abaume na banakashi. 17Imyaka yonse pamo Mahalale aikele umumi yali imyanda cine konse konse amakumi pabula na isano (895), elyo afwa.
18Ilyo Yaledi aikele imyaka umwanda umo amakumi mutanda na ibili (162), afyele Enoki. 19Kabili panuma yakufyala Enoki, Yaledi aikele imyaka imyanda cine konse konse (800), afyele na bambi abana abaume na banakashi. 20Imyaka yonse pamo Yaledi aikele yali imyanda pabula amakumi mutanda na ibili (962), elyo afwa.
21Ilyo Enoki aikele imyaka amakumi mutanda na isano (65), afyele Metusela. 22Kabili panuma yakufyala Metusela, Enoki aendele na Lesa pa myaka imyanda itatu (300), kabili afyele na bambi abana abaume na banakashi. 23Imyaka yonse pamo iyo Enoki aikele yali imyanda itatu amakumi mutanda na isano (365). 24#Bahi 11:5; Yuda 1:14Enoki aendele na Lesa, elyo alekele ukulamoneka, ico Lesa alimusendele.
25Ilyo Metusela aikele imyaka umwanda umo amakumi cine konse konse na cine lubali (187), afyele Lameki. 26Kabili panuma yakufyala Lameki, Metusela aikele imyaka imyanda cine lubali amakumi cine konse konse na ibili (782), kabili afyele na bambi abana abaume na banakashi. 27Imyaka yonse pamo iyo Metusela aikele yali imyanda pabula amakumi mutanda na pabula (969), elyo afwa.
28Ilyo Lameki aikele imyaka umwanda umo amakumi cine konse konse na ibili (182), afyele umwana umwaume. 29Amwinike ishina lya Noa,#5:29 Noa: Mu Cihibulu ishina lya Noa lyalola mukutila “ukutalalikwa”. asosa ati, “Uyu eukatuletela icitalaliko mu macushi yakubomba ne minwe yesu apo Yawe alilapisha umushili.” 30Panuma ya kufyala Noa, Lameki aikele imyaka imyanda isano amakumi pabula na isano (595), kabili afyele na bambi abana abaume na banakashi. 31Imyaka yonse pamo iyo Lameki aikele yali imyanda cine lubali na makumi cine lubali na cine lubali (777), elyo afwa. 32Panuma Noa ali ne myaka imyanda isano (500), afyele Shemu, Hamu na Yafeti.
Nke Ahọpụtara Ugbu A:
Icitendekelo 5: ILL15
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Bible Society of Zambia