Amaokwu Akwụkwọ Nsọ Ndị Ama Ama siteré na San Marcos 13

Kesaa

Pãachdeu mʉ iek ʉkha durrum gaaimuajã thumaam khʉʉnau pãar oomapha aju. Mamʉ magʉm gaaimua phithur dau aug wau nʉmjã igba mʉ dʉi ubʉ kherʉmʉn ʉu peerdʉjugui ajim anʉm.

’Mag pãachdeu mʉ beeju orajã khaugba naawai muan pãragan, nem parhoobam nem wauba Ẽwandamagpaita jeeu nʉʉ jeeu nʉʉ abat a chirʉmgui ajim anʉm.

Mag pãach pʉr aauwai, thethemnaan khĩirphee iekhaagpaawai, oob pãrau, “¿Khan ata mʉ iekhajuuta mʉgbaadema?” a khĩirjumiet ajim anʉm. ¿Khan jãgwi mua mag chirʉ́? Ya maig chan pãar pãach khĩirjugdamaupai iekhabam; magbaadem aiguin ich Ẽwandam Akharauta pãrag iekhamkhĩir khĩirjug deeju aawaita mua mag chirabahab ajim anʉm.

Edaujãjã mʉg jẽb dʉi thum chukhu aadeju, mamʉ cha mua pãrag jaau chirʉm chan seukhaawai khabam; jãan thumaa ich ag ee obebergmajugui ajim anʉm.

’Mamʉ mag mʉ beeju ed chan ni ãbmuajã khaugbamgui ajim anʉm. Ẽwandam chognaan ʉ̃gthar thʉnʉm khʉʉnaujã khaugba, ni mʉchdeujã khaugba, ãba ich mʉ Ayaupaita mag mʉ beeju orajã khaphʉ simgui ajim anʉm.

’Juurhi phiidʉju theega jajaaukhamjã pãrau ũrjugui ajim anʉm. Mamʉ pãachdeu mag ũurwai oob jãphierrmiet. Ichiita jerrba chadcha ich mag aju. Magjup mamʉ ma chan agtha Ẽwandamau pãar i agkha nʉm khabamgui ajim anʉm.

Mamʉ pãrau ni ãbmuajã mag mʉ beeju khaugba naawai sĩi wajaphata khĩir khaug nʉisit ajim anʉm, mʉ beewaim ithee. Pãrau khaugbam, khan orata mʉ beeju: kheeuraa aadem ee, edachanaa, ãspa urumua ãthãrr bĩebaadem ee, wa edpherre khãijã, ni ãbmuajã khaugbamgui ajim anʉm. Eeu sĩi degolp mʉ dʉnʉʉubaicheewai mʉ dʉi wetaag pãar agtha khĩir khaugba khãi nʉmjo nʉm khãijã oochedukham. Cha mua pãrag mag jaau chirʉm chan sĩi pãragpaijã khabam; maan thumaam khʉʉn itheeta mag jaau chirʉmgui ajim anʉm. Maguata muan pʉaba, khĩir khaugbathʉ̃ a chirʉmgui ajim anʉm, mʉ beewaim ithee.

Magbaadem dʉi ĩchab durr mʉg wejom ee amach eepai jũrr durr chaauram khʉʉn dʉi werbʉjurau, amachta jũrr chikhamnaan khãyau ʉ̃rpai am khõchgau. Mag nʉm dʉi ĩchab durrpierr ʉʉur theega duuimam dʉi jãdau theegjã burrju. Mamʉ mag nʉmʉn sĩi warrpem Jooirau õor dau aug waupi simʉugui ajim anʉm.

Ẽwandamau mʉg durr i agkhaju nawe mʉg õor peerdʉ aaujem iekhan ichiita thumaa durr warpham magwe meupierr jaaudubjugui ajim anʉm ĩchab.

Mua pãrag mag chirʉmʉn, mʉg atag paawai õor khapankham khʉʉnau amach iekpai mʉ iek gaai thʉwia, “Mʉʉta ag Cristoou Ẽwandamau pʉiju aajerr” awia, õor pom khũgurmaju aawaita mag chirʉmgui ajim anʉm. Pari makhʉʉnau pãachig magwia khãijã oob pãrau am iek ʉkhamiet ajim anaabá, am wawimamua.

’Pãach mordam wir aig ʉʉrkhabathʉ̃. Thethem khʉʉnag pãar pʉr deewi judionaan Ẽwandam iek jaaujem degjã pãar gaai amau mas deemaju. Mʉ gaaimua pãar khaibag waumkhĩir amau pãar gobernadornaan aarjã warrwi reinaan aarjã warrmaju. Mamʉ magʉm khʉʉn aar pãar warrwaita warag pãrau mʉ iek jaauwímʉcha amag jaaujugui ajim anʉm.

Mua mag chirʉmʉn amach iiupai amta Ẽwandamau pʉijim anʉm khʉʉn dʉi Ẽwandam i jaaumien anʉm khʉʉnjã sĩi seukha chikham khũgur wenʉrraju aawaita mag chirʉmgui ajim anʉm, khap amkhĩir. Makhʉʉnaun chadcha Ẽwandamauta amach pʉijim amkhĩir, ag na õrau nem ooba aajempa õor dauderraa wau wenʉrraju. Mag nem wau wenʉrrʉmua ich Ẽwandamaucha jʉr auwi ich iek ʉkhapi autarr khʉʉnpa khũgur ẽkhajugui ajim anʉm.

’Mag õor ajappha dau aug wau dichtarr khur ĩchab ãsdawam edaujã khĩwia edaram edau argjã khĩjugui ajim anʉm. Magbaadem dʉi phĩdagjã edjã eemua khʉibaadeewai tagam nem Ẽwandamau nem waumatarr edjã ee sĩsidʉmpata sĩi parhooba amach sĩsid arr chaaur aaidʉ jorrjee thʉnʉisijugui ajim anʉm.