Zoque de Francisco Leon - 1984 Edition (NT) Non-Drama

Zoque de Francisco Leon - 1984 Edition (NT)

<div class="version vid784 iso6393zos" data-vid="784" data-iso6393="zos">
 <div class="book bkMAT">
 <div class="chapter ch6" data-usfm="MAT.6">
 <div class="label">6</div><div class="s">Jesusis chamdzajcu jujche va'c&#248; nd&#248; tz&#248;c&#248;</div><div class="p"> 1&#8221;Cuando mi ndz&#248;ctamba v&#248;jp&#248; tiy&#248;, u mi ndz&#248;ctam p&#248;'nis vyi'nan&#817;d&#248;jqui va'c&#248; mi &#8319;vy&#248;n&#817;gotz&#248;c p&#248;'nis; porque o'ca mi ndz&#248;cpa v&#248;j&#248; va'c&#248; mi &#8319;vy&#248;n&#817;gotz&#248;c p&#248;'nis, entonces nd&#248; Janda tzajpom ijtup&#248;'is ji'n mi &#241;chi' ni ti coyoja. 2Cuando mi n&#817;gotzon&#817;ba pobre, uy mi ndzamg&#248;pucs ti mi ndz&#248;jcu. Porque ityaj p&#248;n chi'yajpap&#248;'is pobre tumin v&#248;ti p&#248;'nomo va'c&#248; isyaj v&#248;ti p&#248;'nis; que sea tu'mguy t&#248;jcomo, sea calle'omo. Jic chi'yajpap&#248;'is tumin sunba va'c&#248; vy&#248;cotz&#248;cyaj v&#248;ti p&#248;'nis. Pero mi n&#248;jandyamba viyun&#817;sye que jic chi'yajpap&#248;'is pobre tumin vy&#248;cotz&#248;cyajpa p&#248;'nis, pero ni ti coyoja ji'n ma chi'yaj Diosis. 3Pero mitz cuando mi ndzi'pa pobre tumin, ni i u mi yac musu, ne'c mus&#248; ti mi ndzi'u. 4Jetse nu'mdzi'&#248;; aunque nu'mdi n&#248; mi ndz&#248;jcu, pero nd&#248; Janda'is n&#248;mdi isu, y je'is man&#817;ba mi &#241;chi' mi ngoyoja.</div><div class="s">Jesusis chamu jujche va'c&#248; nd&#248; o'n&#248;y Dios</div><div class="p"> 5&#8221;Y cuando mi o'n&#248;ndyamba Dios, u mi ndz&#248;ctam jujche ch&#248;cyajpase vya'n&#817;jamba tz&#248;cpa'is. Jetseta'mb&#248;'is gyustatz&#248;cyajpa va'c&#248; tye'&#241;aj tu'mguy t&#248;jcomo y calle tzove'omo va'c&#248; jen conocsyaj&#248; va'c&#248; isyaj aunque i'is, jeteme gyustatz&#248;cyajpap&#248;. Pero viyun&#817; n&#248; mi ndzajmayu que lo que gyusto &#241;&#248;'ityaju, jetemete cyoyoja. Ni ti cyoyoja ji'n ma chi'yaj Diosis. 6Pero mijtzi cuando mi o'n&#248;mbya Dios, t&#248;jc&#248;y mi n&#817;guarto'omo y an&#817;goj&#248;y mi &#8319;vin, y o'n&#248;y nd&#248; Janda lo que ji'n nd&#248; isi. Y nd&#248; Janda'is t&#248; ispa aunque nd&#248; tumg&#248;'y t&#248; it&#248;, y je'is man&#817;ba mi n&#817;gyoyoje.</div><div class="p"> 7&#8221;Y cuando mi o'n&#248;mbya Dios, uy comeque jana tumnac ndzama misma oraci&#243;n. Porque jetse ch&#248;cyajpa ji'n cyomusyaje'is Dios. Cyomo'yajpa que Diosis man&#817;ba myane o'ca jana ndumnac n&#248; chamyaj tiyete. 8Pero u mi ndz&#248;ctam je'is ch&#248;cyajpase. Porque nd&#248; Janda'is ispa ti'is mi nch&#248;jcapya falta antesti mi &#8319;va'cpa ti sunba mi &#8319;va'n&#817;g&#248;. 9Pero cuando mi o'n&#248;ndyamba Dios, y&#248;'cse n&#248;mdam&#248;:</div><div class="q">&#216; Jandata'm tzajpom mi ijtup&#248;'is,</div><div class="q">yaj c&#248;na'tz&#248;jay mi n&#248;yi.</div><div class="q"> 10Min&#248; mi an&#817;gui'moya.</div><div class="q">Yac tuc&#248; mi sunbase; jujche tzajpomo, jetze nasc&#248;s yac tuc&#248;.</div><div class="q"> 11T&#248; tzi'tam tumdum jama nd&#248; jaman&#817;g&#248;tcuy.</div><div class="q"> 12T&#248; yaj cotocotyam&#248; &#248; n&#817;goja, jujche &#248;tz &#8319;yaj cotocotya'mb&#248;jtzi ti tz&#248;jcatya'mb&#248;jtzi aunque i'is.</div><div class="q"> 13O'ca yatzip&#248;'is tz&#248;jquista'mb&#248;jtzi va'c&#248; jujche yaj cojapajtam&#248;, uy t&#248; yac man&#817;dam jeni, sino t&#248; yaj cotzoctam jana t&#248; nuc yatzip&#248;'is.</div><div class="q">Porque mijtzi an&#817;gui'mopyap&#248; my&#248;ja'n&#817;omb&#248;, y v&#248;j va'c&#248; mi v&#248;n&#817;gotz&#248;ctam &#248;jtzi mumu jamac&#248;toya.</div><div class="p"> 14&#8221;Porque o'ca mitz &#8319;yaj cotocotyamba mi &#241;ch&#248;jcatyambap&#248;'is yatzitzoco'yajcuy, entonces man&#817;ba mi &#8319;yaj cotocotyan&#817;gue't nd&#248; Janda'is. 15Pero o'ca ji'n mi &#8319;yaj cotocotyam mi &#241;ch&#248;jcatyambap&#248;'is yatzitzoco'yajcuy, entonces nd&#248; Janda'is ji'n ma mi &#8319;yaj cotocojatyam mi yandzitzoco'yajcuy.</div><div class="s">Jesusis chamu jujche va'c&#248; jana t&#248; vi'c&#248; nd&#248; va'n&#817;jamocuc&#248;toya</div><div class="p"> 16&#8221;Cuando jana cu'ti mi ijtamba mi va'n&#817;jajmocuyc&#248;toya, u yacsyu quene como ch&#248;cyajpase an&#817;g&#248;ma'c&#248;'oyajpap&#248; p&#248;'nis. Pero &#241;e'cti jetse n&#248; cyenu va'c&#248; myusyaj p&#248;'nis que jana cu'ti ityajpa. Viyun&#817; n&#248; mi ndzajmayu que jetemete cyoyoja, ni ti coyoja ji'n ma chi' Diosis. 17Pero mitz cuando jana cu'ti &#8319;ijtu, jas mi &#8319;vay y vinche'a, 18va'c&#248; jana myusyaj p&#248;'nis que jana cu'ti mi &#8319;ijtu. Pero nd&#248; Janda ji'n nd&#248; isip&#248;, je'is mi &#8319;ispa. Y je'is man&#817;ba mi &#241;chi' mi n&#817;goyoja p&#248;'nis vyi'nan&#817;d&#248;jqui.</div><div class="s">Ricu'ajcuy tzajpomo</div><div class="p"> 19&#8221;U mi an&#817;ne'c ricu'ajcuy y&#248;'c nasc&#248;si, porque y&#248;'c y&#248;'p&#248;'pa y putzpa y yajpa mumu tiy&#248;; y ityaj nu'myajpap&#248;, je'is &#241;u'myajpa. 20Pero m&#225;s v&#248;j&#248; va'c&#248; mi an&#817;ne'c mi ringu'ajcuy tzajpomo. Jin&#817; ni ti ji'n y&#248;'p&#248;'i, ni ji'n pyutzi, ni ji'n yaje, ni ja ij nu'mbap&#248; va'c&#248; &#241;u'm&#248;. 21Porque jut ijtum&#248; mi ricu'ajcuy, jendi man&#817;ba itque't mi ndzocoy.</div><div class="p"> 22&#8221;Nd&#248; vind&#248;m por cuenta nd&#248; con&#817;&#241;a'is &#241;o'ase. O'ca nd&#248; vind&#248;m s&#248;'n&#817;ba v&#248;j&#248;, muspa t&#248; vit&#248;. Jetse nd&#248; tum&#248; chocoy va'c&#248; nd&#248; sun&#248; tzajpomb&#248; ricu'ajcuy, v&#248;j t&#248; itpa, nd&#248; tzi'pa cuenta tiy&#248; v&#248;jp&#248;. 23Pero o'ca ji'n sy&#248;'n&#817; nd&#248; vind&#248;m, pitz&#248;'ajcu'yom t&#248; itpa. Jetse o'ca nd&#248; sunba nasc&#248;sp&#248; ricu'ajcuy, como pi'tz&#248;'omse t&#248; itpa. As&#237; es que o'ca nd&#248; qui'psocuy ji'n vy&#248;j&#248;, ni ti ja it vy&#248;'om putpa.</div><div class="s">O'ca nd&#248; sunba Dios o nd&#248; sunba ricu'ajcuy</div><div class="p"> 24&#8221;Ji'n mus nd&#248; yosay tumnajc&#248;si metzcuy comi. Porque tum comi man&#817;ba nd&#248; suni, y tum ji'n man&#817;ba nd&#248; suni; o tum nd&#248; comi nd&#248; yosapya v&#248;j&#248;, y tum ji'n nd&#248; yosay v&#248;j&#248;. O'ca Dios nd&#248; yosapya, ji'n mus nd&#248; yosay ricu'ajcuy.</div><div class="s">Diosis cyoque&#241;ajpa 'yune</div><div class="p"> 25&#8221;Por eso n&#248; mi ndzajmatyamu: U mi n&#248;maya'tamu ti man&#817;ba mi n&#817;gu'jtame ti man&#817;ba mi uctame, ni u mi n&#248;maya'tamu jujche man&#817;ba mi nducu'&#248;tyam mi &#8319;vin. Porque Diosis m&#225;s mi yac yajmapya mi n&#817;guenguy que ji'n cu'tcuy; y mi &#8319;vin m&#225;s mi yac yajmapya que ji'n tucu. 26A'mdam m&#248;ji sititvityajpap&#248; paloma. Ni ti ji'n &#241;ipyaje, ni ji'n cyosechatz&#248;cyaje; ni ji'n jyoj&#248;yaj troja, pero py&#248;'n&#248;yajpa tzajpom ijtup&#248; nd&#248; Janda'is, y mitz mas v&#248;ti mi yac yamdamba je'is que ji'n paloma. 27&#191;Ser&#225; que it mijtzomda'm muspap&#248; ye'n&#817;an&#817;&#248;y medio metro v&#248;ti n&#248; qui'psu an&#817;c&#248;? Pues ji'n musi.</div><div class="p"> 28&#8221;&#191;Tic&#248;toya mi maya'ndamba ti man&#817;ba mi mestame? A'mdam&#248; lirio j&#248;y&#248; tza'mom ityajpap&#248; jujche tzocyajpa. Ji'n yosyaje ni ji'n pi'tyaje. 29Pero &#248;tz n&#248; mi ndzajmatyamu que m&#248;ja'n&#817; an&#817;gui'mba Salom&#243;n v&#248;jp&#248; itcu'yomo ja o mesc&#248;yoje va'c&#248; chi'n&#817;&#248; como tum j&#248;y&#248; chi'n&#817;base. 30Por eso o'ca Diosis jetse su&#241;i yaj quenba ta'n&#817;&#248; que y&#248;ti ijtu y jyo'pit pon&#817;b&#248;'t&#248;jpa jucty&#248;jcomo, est&#225; seguro Diosis man&#817;ba mi yac mesc&#248;yojtam mijta'm; mijtzi mi mby&#248;nda'm usyp&#248;tite mi va'n&#817;jajmon&#817;gutya'm. 31Por eso u myaya'tamu, u &#241;&#248;mdamu: &#8220;&#191;Ti man&#817;ba nd&#248; cu'jtame, ti man&#817;ba nd&#248; uctame, ti man&#817;ba nd&#248; mestame?&#8221; 32Porque jetseta'mb&#248; tiy&#248; mye'chajpa ji'n Diosis cuenta'n&#817;omda'mb&#248;'is. Pero tzajpom nd&#248; Janda'is ispa mumu ti ja mi n&#248;'ind&#248;p&#248;. 33Mejor me'tzam vi'na va'c&#248; mi ijtam Diosis 'yan&#817;gui'mgu'yomo, y va'c&#248; mi ijtam Diosis syunbase, jetse Diosis man&#817;ba mi &#241;chi'a'n&#817;&#248;tyam tucusep&#248; cu'tcusep&#248;. 34Por eso u mi myaya'ndamu jujche man&#817;ba mi ijtam jyo'pit, porque jyo'pit man&#817;ba it otro eyap&#248; ti va'c&#248; mi n&#817;g&#248;maya'que'ta. Tumdum jama it ti va'c&#248; nd&#248; c&#248;maya'&#248;.</div>
 </div>
 </div>
</div>

”Cuando mi ndzøctamba vøjpø tiyø, u mi ndzøctam pø'nis vyi'naṉdøjqui va'cø mi ⁿvyøṉgotzøc pø'nis; porque o'ca mi ndzøcpa vøjø va'cø mi ⁿvyøṉgotzøc pø'nis, entonces ndø Janda tzajpom ijtupø'is ji'n mi ñchi' ni ti coyoja. Cuando mi ṉgotzoṉba pobre, uy mi ndzamgøpucs ti mi ndzøjcu. Porque ityaj pøn chi'yajpapø'is pobre tumin vøti pø'nomo va'cø isyaj vøti pø'nis; que sea tu'mguy tøjcomo, sea calle'omo. Jic chi'yajpapø'is tumin sunba va'cø vyøcotzøcyaj vøti pø'nis. Pero mi nøjandyamba viyuṉsye que jic chi'yajpapø'is pobre tumin vyøcotzøcyajpa pø'nis, pero ni ti coyoja ji'n ma chi'yaj Diosis. Pero mitz cuando mi ndzi'pa pobre tumin, ni i u mi yac musu, ne'c musø ti mi ndzi'u. Jetse nu'mdzi'ø; aunque nu'mdi nø mi ndzøjcu, pero ndø Janda'is nømdi isu, y je'is maṉba mi ñchi' mi ngoyoja.

”Y cuando mi o'nøndyamba Dios, u mi ndzøctam jujche chøcyajpase vya'ṉjamba tzøcpa'is. Jetseta'mbø'is gyustatzøcyajpa va'cø tye'ñaj tu'mguy tøjcomo y calle tzove'omo va'cø jen conocsyajø va'cø isyaj aunque i'is, jeteme gyustatzøcyajpapø. Pero viyuṉ nø mi ndzajmayu que lo que gyusto ñø'ityaju, jetemete cyoyoja. Ni ti cyoyoja ji'n ma chi'yaj Diosis. Pero mijtzi cuando mi o'nømbya Dios, tøjcøy mi ṉguarto'omo y aṉgojøy mi ⁿvin, y o'nøy ndø Janda lo que ji'n ndø isi. Y ndø Janda'is tø ispa aunque ndø tumgø'y tø itø, y je'is maṉba mi ṉgyoyoje.
”Y cuando mi o'nømbya Dios, uy comeque jana tumnac ndzama misma oración. Porque jetse chøcyajpa ji'n cyomusyaje'is Dios. Cyomo'yajpa que Diosis maṉba myane o'ca jana ndumnac nø chamyaj tiyete. Pero u mi ndzøctam je'is chøcyajpase. Porque ndø Janda'is ispa ti'is mi nchøjcapya falta antesti mi ⁿva'cpa ti sunba mi ⁿva'ṉgø. Pero cuando mi o'nøndyamba Dios, yø'cse nømdamø:
Ø Jandata'm tzajpom mi ijtupø'is,
yaj cøna'tzøjay mi nøyi.
Minø mi aṉgui'moya.
Yac tucø mi sunbase; jujche tzajpomo, jetze nascøs yac tucø.
Tø tzi'tam tumdum jama ndø jamaṉgøtcuy.
Tø yaj cotocotyamø ø ṉgoja, jujche øtz ⁿyaj cotocotya'mbøjtzi ti tzøjcatya'mbøjtzi aunque i'is.
O'ca yatzipø'is tzøjquista'mbøjtzi va'cø jujche yaj cojapajtamø, uy tø yac maṉdam jeni, sino tø yaj cotzoctam jana tø nuc yatzipø'is.
Porque mijtzi aṉgui'mopyapø myøja'ṉombø, y vøj va'cø mi vøṉgotzøctam øjtzi mumu jamacøtoya.
”Porque o'ca mitz ⁿyaj cotocotyamba mi ñchøjcatyambapø'is yatzitzoco'yajcuy, entonces maṉba mi ⁿyaj cotocotyaṉgue't ndø Janda'is. Pero o'ca ji'n mi ⁿyaj cotocotyam mi ñchøjcatyambapø'is yatzitzoco'yajcuy, entonces ndø Janda'is ji'n ma mi ⁿyaj cotocojatyam mi yandzitzoco'yajcuy.

”Cuando jana cu'ti mi ijtamba mi va'ṉjajmocuycøtoya, u yacsyu quene como chøcyajpase aṉgøma'cø'oyajpapø pø'nis. Pero ñe'cti jetse nø cyenu va'cø myusyaj pø'nis que jana cu'ti ityajpa. Viyuṉ nø mi ndzajmayu que jetemete cyoyoja, ni ti coyoja ji'n ma chi' Diosis. Pero mitz cuando jana cu'ti ⁿijtu, jas mi ⁿvay y vinche'a, va'cø jana myusyaj pø'nis que jana cu'ti mi ⁿijtu. Pero ndø Janda ji'n ndø isipø, je'is mi ⁿispa. Y je'is maṉba mi ñchi' mi ṉgoyoja pø'nis vyi'naṉdøjqui.

”U mi aṉne'c ricu'ajcuy yø'c nascøsi, porque yø'c yø'pø'pa y putzpa y yajpa mumu tiyø; y ityaj nu'myajpapø, je'is ñu'myajpa. Pero más vøjø va'cø mi aṉne'c mi ringu'ajcuy tzajpomo. Jiṉ ni ti ji'n yø'pø'i, ni ji'n pyutzi, ni ji'n yaje, ni ja ij nu'mbapø va'cø ñu'mø. Porque jut ijtumø mi ricu'ajcuy, jendi maṉba itque't mi ndzocoy.
”Ndø vindøm por cuenta ndø coṉña'is ño'ase. O'ca ndø vindøm sø'ṉba vøjø, muspa tø vitø. Jetse ndø tumø chocoy va'cø ndø sunø tzajpombø ricu'ajcuy, vøj tø itpa, ndø tzi'pa cuenta tiyø vøjpø. Pero o'ca ji'n syø'ṉ ndø vindøm, pitzø'ajcu'yom tø itpa. Jetse o'ca ndø sunba nascøspø ricu'ajcuy, como pi'tzø'omse tø itpa. Así es que o'ca ndø qui'psocuy ji'n vyøjø, ni ti ja it vyø'om putpa.

”Ji'n mus ndø yosay tumnajcøsi metzcuy comi. Porque tum comi maṉba ndø suni, y tum ji'n maṉba ndø suni; o tum ndø comi ndø yosapya vøjø, y tum ji'n ndø yosay vøjø. O'ca Dios ndø yosapya, ji'n mus ndø yosay ricu'ajcuy.

”Por eso nø mi ndzajmatyamu: U mi nømaya'tamu ti maṉba mi ṉgu'jtame ti maṉba mi uctame, ni u mi nømaya'tamu jujche maṉba mi nducu'øtyam mi ⁿvin. Porque Diosis más mi yac yajmapya mi ṉguenguy que ji'n cu'tcuy; y mi ⁿvin más mi yac yajmapya que ji'n tucu. A'mdam møji sititvityajpapø paloma. Ni ti ji'n ñipyaje, ni ji'n cyosechatzøcyaje; ni ji'n jyojøyaj troja, pero pyø'nøyajpa tzajpom ijtupø ndø Janda'is, y mitz mas vøti mi yac yamdamba je'is que ji'n paloma. ¿Será que it mijtzomda'm muspapø ye'ṉaṉøy medio metro vøti nø qui'psu aṉcø? Pues ji'n musi.
”¿Ticøtoya mi maya'ndamba ti maṉba mi mestame? A'mdamø lirio jøyø tza'mom ityajpapø jujche tzocyajpa. Ji'n yosyaje ni ji'n pi'tyaje. Pero øtz nø mi ndzajmatyamu que møja'ṉ aṉgui'mba Salomón vøjpø itcu'yomo ja o mescøyoje va'cø chi'ṉø como tum jøyø chi'ṉbase. Por eso o'ca Diosis jetse suñi yaj quenba ta'ṉø que yøti ijtu y jyo'pit poṉbø'tøjpa juctyøjcomo, está seguro Diosis maṉba mi yac mescøyojtam mijta'm; mijtzi mi mbyønda'm usypøtite mi va'ṉjajmoṉgutya'm. Por eso u myaya'tamu, u ñømdamu: “¿Ti maṉba ndø cu'jtame, ti maṉba ndø uctame, ti maṉba ndø mestame?” Porque jetseta'mbø tiyø mye'chajpa ji'n Diosis cuenta'ṉomda'mbø'is. Pero tzajpom ndø Janda'is ispa mumu ti ja mi nø'indøpø. Mejor me'tzam vi'na va'cø mi ijtam Diosis 'yaṉgui'mgu'yomo, y va'cø mi ijtam Diosis syunbase, jetse Diosis maṉba mi ñchi'a'ṉøtyam tucusepø cu'tcusepø. Por eso u mi myaya'ndamu jujche maṉba mi ijtam jyo'pit, porque jyo'pit maṉba it otro eyapø ti va'cø mi ṉgømaya'que'ta. Tumdum jama it ti va'cø ndø cømaya'ø.

Geere nke a ntị San Mateo 6