Malay, Papuan

<div class="version vid2690 iso6393pmy" data-vid="2690" data-iso6393="pmy">
    <div class="book bkGEN">
        <div class="chapter ch18" data-usfm="GEN.18">
            <div class="label">18</div><div class="s"><span class="heading">Allah janji kasi anak laki-laki untuk Abraham</span></div><div class="sr"><span class="heading">  </span><span class="heading">18:1-15</span></div><div class="p"><span class="content">  </span><span class="verse v1" data-usfm="GEN.18.1"><span class="label">1</span><span class="content">Satu siang pas ada panas pica ni, Abraham de duduk-duduk depan de pu pintu tenda yang dekat pohon-pohon besar di Mamre. Begini, TUHAN kas tunjuk De pu diri ke Abraham. </span></span><span class="verse v2" data-usfm="GEN.18.2"><span class="label">2</span><span class="content">Waktu Abraham de buang mata begini, de liat ada tiga orang bediri tra jau dari dia. Pas de liat dorang, dari de pu pintu tenda tu de pigi lari sambut dong. De tunduk hormat sama dong sampe ke tana.</span><span class="note x"><span class="label">#</span><span class=" body">Ibrani 13:2</span></span><span class="content">  </span></span><span class="verse v3" data-usfm="GEN.18.3"><span class="label">3</span><span class="content">Trus de bilang, &#8220;Tuan, kalo bapa mau, mari kam singga dulu sbentar di sa pu tenda. </span></span><span class="verse v4" data-usfm="GEN.18.4"><span class="label">4</span><span class="content">Biar sa suru orang ambil air untuk cuci tuan-tuan pu kaki trus tuan dong bisa istirahat sbentar di bawa pohon ini.&#8221; </span></span><span class="verse v5" data-usfm="GEN.18.5"><span class="label">5</span><span class="content">Baru Abraham bilang lagi, &#8220;Tuan dong su datang jadi, biar sa taru makanan sdikit supaya tuan-tuan bisa isi tenaga. Habis itu baru, nanti tuan dong lanjut jalan lagi.&#8221;</span></span></div><div class="p"><span class="verse v5" data-usfm="GEN.18.5"><span class="content">Trus dong jawab, &#8220;Iyo, baik! Bikin yang ko bilang itu suda.&#8221;</span></span></div><div class="p"><span class="verse v5" data-usfm="GEN.18.5"><span class="content">  </span></span><span class="verse v6" data-usfm="GEN.18.6"><span class="label">6</span><span class="content">Abraham langsung kembali ke tenda cepat-cepat trus bilang ke Sara, &#8220;Cepat! Ko pigi ambil tepung yang paling bagus satu sak trus bikin roti bulat dari situ!&#8221;</span></span></div><div class="p"><span class="verse v6" data-usfm="GEN.18.6"><span class="content">  </span></span><span class="verse v7" data-usfm="GEN.18.7"><span class="label">7</span><span class="content">Habis itu, Abraham de lari ke tempat binatang piara. De ambil anak sapi satu yang de pu daging bagus skali trus de kasi ke de pu orang kerja. De pu orang ni langsung kas siap daging itu. </span></span><span class="verse v8" data-usfm="GEN.18.8"><span class="label">8</span><span class="content">Dari situ Abraham de pigi ambil susu sapi, trus de ambil susu kental yang asam, deng daging yang su masak itu. Baru de pigi taru itu depan de pu tamu-tamu itu. Waktu de pu tamu ni dong makan, Abraham de bediri dekat dong di bawa pohon situ.</span></span></div><div class="p"><span class="verse v8" data-usfm="GEN.18.8"><span class="content">  </span></span><span class="verse v9" data-usfm="GEN.18.9"><span class="label">9</span><span class="content">Baru orang-orang ini tanya Abraham, &#8220;Ko pu istri Sara, ada dimana?&#8221;</span></span></div><div class="p"><span class="verse v9" data-usfm="GEN.18.9"><span class="content">Abraham jawab, &#8220;De ada disana, dalam tenda situ.&#8221;</span></span></div><div class="p"><span class="verse v9" data-usfm="GEN.18.9"><span class="content">  </span></span><span class="verse v10" data-usfm="GEN.18.10"><span class="label">10</span><span class="content">Satu dari dong tiga</span><span class="note f"><span class="label">#</span><span class=" body"><span class="fr">18:10 </span><span class="fq">Satu dari dong tiga </span><span class="ft">&#8210; Bahasa Ibrani: </span><span class="it">De.</span><span class="ft"> &#8216;De&#8217; itu TUHAN.</span></span></span><span class="content"> bilang ke Abraham, &#8220;Taun depan di waktu yang sama macam skarang ini, Sa pasti datang ketemu ko lagi. Waktu itu, ko pu istri Sara ni nanti su lahir anak laki-laki satu.&#8221;</span><span class="note x"><span class="label">#</span><span class=" body">Roma 9:9</span></span></span></div><div class="p"><span class="verse v10" data-usfm="GEN.18.10"><span class="content">Waktu itu, tuan itu ada duduk depan tenda, trus Sara de ada duduk dengar dari blakang pintu tenda. </span></span><span class="verse v11" data-usfm="GEN.18.11"><span class="label">11</span><span class="content">Waktu itu, Abraham deng Sara su tua skali, trus Sara su brenti datang bulan. </span></span><span class="verse v12" data-usfm="GEN.18.12"><span class="label">12</span><span class="content">Jadi, waktu dengar itu Sara de rasa lucu trus de ketawa dalam hati, de pikir, &#8220;Sa yang su layu begini? Macam sa masi mo rasa snang tidur deng sa pu suami ka, tamba lagi sa pu tuan Abraham</span><span class="note x"><span class="label">#</span><span class=" body">1 Petrus 3:6</span></span><span class="content"> juga su tua begitu.&#8221;</span></span></div><div class="p"><span class="verse v12" data-usfm="GEN.18.12"><span class="content">  </span></span><span class="verse v13" data-usfm="GEN.18.13"><span class="label">13</span><span class="content">TUHAN</span><span class="note f"><span class="label">#</span><span class=" body"><span class="fr">18:13 </span><span class="fq">TUHAN </span><span class="ft">tu sama deng De yang tadi mulai bicara di ayat 10. </span></span></span><span class="content"> tanya ke Abraham,</span></span></div><div class="pi2"><span class="verse v13" data-usfm="GEN.18.13"><span class="content">&#8220;Knapa Sara de ketawa? Knapa de tra percaya kalo de bisa lahir anak di de pu umur yang su tua ka? </span></span><span class="verse v14" data-usfm="GEN.18.14"><span class="label">14</span><span class="content">Sa ini TUHAN! Trada yang susa untuk Sa! Taun depan, di waktu yang Sa su bilang itu, Sa nanti datang ketemu ko lagi. Waktu itu, Sara de nanti su lahir anak laki-laki satu.&#8221;</span></span></div><div class="p"><span class="verse v14" data-usfm="GEN.18.14"><span class="content">  </span></span><span class="verse v15" data-usfm="GEN.18.15"><span class="label">15</span><span class="content">Karna Sara de takut jadi, de alasan bilang, &#8220;Sa tra ketawa.&#8221;</span></span></div><div class="p"><span class="verse v15" data-usfm="GEN.18.15"><span class="content">Tapi TUHAN jawab dia, &#8220;Trada. Ko memang ketawa tadi!&#8221;</span></span></div><div class="s"><span class="heading">Abraham sembayang untuk kota Sodom</span></div><div class="sr"><span class="heading">  </span><span class="heading">18:16-33</span></div><div class="p"><span class="verse v15" data-usfm="GEN.18.15"><span class="content">  </span></span><span class="verse v16" data-usfm="GEN.18.16"><span class="label">16</span><span class="content">Habis itu Abraham antar tiga orang ni dong lanjut jalan lagi. </span></span></div><div class="p"><span class="verse v16" data-usfm="GEN.18.16"><span class="content">Pas dong sampe di tempat yang dari jau dong bisa liat kota Sodom di bawa sana, </span></span><span class="verse v17" data-usfm="GEN.18.17"><span class="label">17</span><span class="content">TUHAN De pikir,</span></span></div><div class="pi2"><span class="verse v17" data-usfm="GEN.18.17"><span class="content">&#8220;Masa Sa tra kastau Abraham apa yang Sa mo bikin sama kota Sodom? </span></span><span class="verse v18" data-usfm="GEN.18.18"><span class="label">18</span><span class="content">Abraham ini yang, de pu anana cucu nanti jadi bangsa besar yang pu kuasa besar. Trus, lewat de Sa mo kas berkat smua bangsa di dunia ini baru? </span></span><span class="verse v19" data-usfm="GEN.18.19"><span class="label">19</span><span class="content">Tra bisa! Karna Sa su pili de supaya de ajar de pu anana deng cucu-cucu hidup ikut Sa pu mau. Dong pu hidup tu harus benar trus bikin yang adil. Kalo dong bikin smua yang Sa bilang ini, Sa, TUHAN, pasti nanti bikin smua yang Sa su janji ke Abraham itu.&#8221;</span></span></div><div class="p"><span class="verse v19" data-usfm="GEN.18.19"><span class="content">  </span></span><span class="verse v20" data-usfm="GEN.18.20"><span class="label">20</span><span class="content">Habis itu, TUHAN bicara ke Abraham begini,</span></span></div><div class="pi2"><span class="verse v20" data-usfm="GEN.18.20"><span class="content">&#8220;Abraham, ada banyak orang yang triak tentang Sodom deng Gomora, trus memang dong pu dosa su terlalu banyak skali. </span></span><span class="verse v21" data-usfm="GEN.18.21"><span class="label">21</span><span class="content">Itu jadi, Sa ada mo turun kesana untuk liat kalo memang yang dong triak tentang Sodom deng Gomora tu betul ka tra.&#8221;</span></span></div><div class="p"><span class="verse v21" data-usfm="GEN.18.21"><span class="content">  </span></span><span class="verse v22" data-usfm="GEN.18.22"><span class="label">22</span><span class="content">Trus Abraham pu tamu-tamu ni dong jalan pigi ke kota Sodom. Tapi Abraham de masi tetap bediri deng TUHAN disitu. </span></span><span class="verse v23" data-usfm="GEN.18.23"><span class="label">23</span><span class="content">Baru Abraham de ke dekat-dekat baru de tanya TUHAN,</span></span></div><div class="pi2"><span class="verse v23" data-usfm="GEN.18.23"><span class="content">&#8220;Betul ka, Tuhan mo kas lenyap orang-orang jahat, lapis deng de pu orang-orang benar juga? </span></span><span class="verse v24" data-usfm="GEN.18.24"><span class="label">24</span><span class="content">Bagemana kalo ada 50 orang benar di kota situ, Tuhan tetap kas lenyap kota itu smua ka? Tuhan betul-betul trakan kas ampun kota itu ka, supaya 50 orang tu slamat? </span></span><span class="verse v25" data-usfm="GEN.18.25"><span class="label">25</span><span class="content">Pasti Tuhan tra mau kas lenyap orang benar sama-sama deng orang jahat to? Su pasti skali, Tuhan tra mungkin bikin begitu. Tra mungkin Tuhan hukum orang jahat deng orang benar sama-sama to? Tuhan tu hakim untuk sluru dunia, pasti bikin yang adil.&#8221;</span></span></div><div class="p"><span class="verse v25" data-usfm="GEN.18.25"><span class="content">  </span></span><span class="verse v26" data-usfm="GEN.18.26"><span class="label">26</span><span class="content">Trus TUHAN bilang, &#8220;Kalo Sa ketemu 50 orang benar di kota Sodom itu, Sa nanti kas ampun dong satu kota tu smua, karna ada 50 orang benar ini.&#8221;</span></span></div><div class="p"><span class="verse v26" data-usfm="GEN.18.26"><span class="content">  </span></span><span class="verse v27" data-usfm="GEN.18.27"><span class="label">27</span><span class="content">Abraham lanjut tanya lagi, &#8220;Tuhan, Sa ni memang cuma debu tana saja tapi, jang mara sa ka, karna sa mo tanya lagi. </span></span><span class="verse v28" data-usfm="GEN.18.28"><span class="label">28</span><span class="content">Bagemana kalo hanya ada 45 orang benar di kota Sodom, Tuhan tetap kas lenyap dong smua ka, karna hanya ada 45 orang saja?&#8221;</span></span></div><div class="p"><span class="verse v28" data-usfm="GEN.18.28"><span class="content">TUHAN jawab, &#8220;Kalo sa ketemu 45 orang benar, Sa trakan kas lenyap tana itu.&#8221;</span></span></div><div class="p"><span class="verse v28" data-usfm="GEN.18.28"><span class="content">  </span></span><span class="verse v29" data-usfm="GEN.18.29"><span class="label">29</span><span class="content">Abraham lanjut lagi, &#8220;Bagemana kalo ada 40 orang benar, Tuhan?&#8221;</span></span></div><div class="p"><span class="verse v29" data-usfm="GEN.18.29"><span class="content">TUHAN jawab, &#8220;Kalo ada 40 orang benar saja, Sa trakan kas lenyap tana itu.&#8221;</span></span></div><div class="p"><span class="verse v29" data-usfm="GEN.18.29"><span class="content">  </span></span><span class="verse v30" data-usfm="GEN.18.30"><span class="label">30</span><span class="content">Abraham tanya lagi, &#8220;Tuhan, tolong jang mara karna sa mo tanya lagi. Bagemana kalo ada 30 orang benar saja?&#8221;</span></span></div><div class="p"><span class="verse v30" data-usfm="GEN.18.30"><span class="content">TUHAN jawab, &#8220;Kalo sa ketemu 30 orang benar, Sa trakan kas lenyap tana itu.&#8221;</span></span></div><div class="p"><span class="verse v30" data-usfm="GEN.18.30"><span class="content">  </span></span><span class="verse v31" data-usfm="GEN.18.31"><span class="label">31</span><span class="content">Abraham tanya lagi, &#8220;Tuhan, sa memang su terlalu brani skali tapi, bagemana kalo ada 20 orang benar saja?&#8221;</span></span></div><div class="p"><span class="verse v31" data-usfm="GEN.18.31"><span class="content">TUHAN jawab, &#8220;Kalo Sa ketemu 20 orang benar, Sa trakan kas lenyap tana itu.&#8221;</span></span></div><div class="p"><span class="verse v31" data-usfm="GEN.18.31"><span class="content">  </span></span><span class="verse v32" data-usfm="GEN.18.32"><span class="label">32</span><span class="content">Trakir Abraham bilang, &#8220;Tuhan, jang mara eh, ini yang trakir sa tanya. Bagemana kalo ada spulu orang benar saja di tana itu?&#8221;</span></span></div><div class="p"><span class="verse v32" data-usfm="GEN.18.32"><span class="content">TUHAN jawab, &#8220;Karna spulu orang benar itu, Sa trakan kas lenyap tana itu.&#8221;</span></span></div><div class="p"><span class="verse v32" data-usfm="GEN.18.32"><span class="content">  </span></span><span class="verse v33" data-usfm="GEN.18.33"><span class="label">33</span><span class="content">Habis bicara deng Abraham, TUHAN pigi dari situ trus Abraham de pulang ke de pu ruma.</span></span></div>
        </div>
    </div>
</div>

Satu siang pas ada panas pica ni, Abraham de duduk-duduk depan de pu pintu tenda yang dekat pohon-pohon besar di Mamre. Begini, TUHAN kas tunjuk De pu diri ke Abraham. Waktu Abraham de buang mata begini, de liat ada tiga orang bediri tra jau dari dia. Pas de liat dorang, dari de pu pintu tenda tu de pigi lari sambut dong. De tunduk hormat sama dong sampe ke tana. Trus de bilang, “Tuan, kalo bapa mau, mari kam singga dulu sbentar di sa pu tenda. Biar sa suru orang ambil air untuk cuci tuan-tuan pu kaki trus tuan dong bisa istirahat sbentar di bawa pohon ini.” Baru Abraham bilang lagi, “Tuan dong su datang jadi, biar sa taru makanan sdikit supaya tuan-tuan bisa isi tenaga. Habis itu baru, nanti tuan dong lanjut jalan lagi.”
Trus dong jawab, “Iyo, baik! Bikin yang ko bilang itu suda.”
Abraham langsung kembali ke tenda cepat-cepat trus bilang ke Sara, “Cepat! Ko pigi ambil tepung yang paling bagus satu sak trus bikin roti bulat dari situ!”
Habis itu, Abraham de lari ke tempat binatang piara. De ambil anak sapi satu yang de pu daging bagus skali trus de kasi ke de pu orang kerja. De pu orang ni langsung kas siap daging itu. Dari situ Abraham de pigi ambil susu sapi, trus de ambil susu kental yang asam, deng daging yang su masak itu. Baru de pigi taru itu depan de pu tamu-tamu itu. Waktu de pu tamu ni dong makan, Abraham de bediri dekat dong di bawa pohon situ.
Baru orang-orang ini tanya Abraham, “Ko pu istri Sara, ada dimana?”
Abraham jawab, “De ada disana, dalam tenda situ.”
Satu dari dong tiga bilang ke Abraham, “Taun depan di waktu yang sama macam skarang ini, Sa pasti datang ketemu ko lagi. Waktu itu, ko pu istri Sara ni nanti su lahir anak laki-laki satu.”
Waktu itu, tuan itu ada duduk depan tenda, trus Sara de ada duduk dengar dari blakang pintu tenda. Waktu itu, Abraham deng Sara su tua skali, trus Sara su brenti datang bulan. Jadi, waktu dengar itu Sara de rasa lucu trus de ketawa dalam hati, de pikir, “Sa yang su layu begini? Macam sa masi mo rasa snang tidur deng sa pu suami ka, tamba lagi sa pu tuan Abraham juga su tua begitu.”
TUHAN tanya ke Abraham,
“Knapa Sara de ketawa? Knapa de tra percaya kalo de bisa lahir anak di de pu umur yang su tua ka? Sa ini TUHAN! Trada yang susa untuk Sa! Taun depan, di waktu yang Sa su bilang itu, Sa nanti datang ketemu ko lagi. Waktu itu, Sara de nanti su lahir anak laki-laki satu.”
Karna Sara de takut jadi, de alasan bilang, “Sa tra ketawa.”
Tapi TUHAN jawab dia, “Trada. Ko memang ketawa tadi!”


Habis itu Abraham antar tiga orang ni dong lanjut jalan lagi.
Pas dong sampe di tempat yang dari jau dong bisa liat kota Sodom di bawa sana, TUHAN De pikir,
“Masa Sa tra kastau Abraham apa yang Sa mo bikin sama kota Sodom? Abraham ini yang, de pu anana cucu nanti jadi bangsa besar yang pu kuasa besar. Trus, lewat de Sa mo kas berkat smua bangsa di dunia ini baru? Tra bisa! Karna Sa su pili de supaya de ajar de pu anana deng cucu-cucu hidup ikut Sa pu mau. Dong pu hidup tu harus benar trus bikin yang adil. Kalo dong bikin smua yang Sa bilang ini, Sa, TUHAN, pasti nanti bikin smua yang Sa su janji ke Abraham itu.”
Habis itu, TUHAN bicara ke Abraham begini,
“Abraham, ada banyak orang yang triak tentang Sodom deng Gomora, trus memang dong pu dosa su terlalu banyak skali. Itu jadi, Sa ada mo turun kesana untuk liat kalo memang yang dong triak tentang Sodom deng Gomora tu betul ka tra.”
Trus Abraham pu tamu-tamu ni dong jalan pigi ke kota Sodom. Tapi Abraham de masi tetap bediri deng TUHAN disitu. Baru Abraham de ke dekat-dekat baru de tanya TUHAN,
“Betul ka, Tuhan mo kas lenyap orang-orang jahat, lapis deng de pu orang-orang benar juga? Bagemana kalo ada 50 orang benar di kota situ, Tuhan tetap kas lenyap kota itu smua ka? Tuhan betul-betul trakan kas ampun kota itu ka, supaya 50 orang tu slamat? Pasti Tuhan tra mau kas lenyap orang benar sama-sama deng orang jahat to? Su pasti skali, Tuhan tra mungkin bikin begitu. Tra mungkin Tuhan hukum orang jahat deng orang benar sama-sama to? Tuhan tu hakim untuk sluru dunia, pasti bikin yang adil.”
Trus TUHAN bilang, “Kalo Sa ketemu 50 orang benar di kota Sodom itu, Sa nanti kas ampun dong satu kota tu smua, karna ada 50 orang benar ini.”
Abraham lanjut tanya lagi, “Tuhan, Sa ni memang cuma debu tana saja tapi, jang mara sa ka, karna sa mo tanya lagi. Bagemana kalo hanya ada 45 orang benar di kota Sodom, Tuhan tetap kas lenyap dong smua ka, karna hanya ada 45 orang saja?”
TUHAN jawab, “Kalo sa ketemu 45 orang benar, Sa trakan kas lenyap tana itu.”
Abraham lanjut lagi, “Bagemana kalo ada 40 orang benar, Tuhan?”
TUHAN jawab, “Kalo ada 40 orang benar saja, Sa trakan kas lenyap tana itu.”
Abraham tanya lagi, “Tuhan, tolong jang mara karna sa mo tanya lagi. Bagemana kalo ada 30 orang benar saja?”
TUHAN jawab, “Kalo sa ketemu 30 orang benar, Sa trakan kas lenyap tana itu.”
Abraham tanya lagi, “Tuhan, sa memang su terlalu brani skali tapi, bagemana kalo ada 20 orang benar saja?”
TUHAN jawab, “Kalo Sa ketemu 20 orang benar, Sa trakan kas lenyap tana itu.”
Trakir Abraham bilang, “Tuhan, jang mara eh, ini yang trakir sa tanya. Bagemana kalo ada spulu orang benar saja di tana itu?”
TUHAN jawab, “Karna spulu orang benar itu, Sa trakan kas lenyap tana itu.”
Habis bicara deng Abraham, TUHAN pigi dari situ trus Abraham de pulang ke de pu ruma.

Geere nke a ntị Kejadian 18