GENESIS 6
6
Kapapan olon
1Limbah olon sasar are tuntang tayap hong hunjun petak, tinai kare anak bawi inakan, 2maka kare anak Hatalla#6:2: kare anak Hatalla atawa taloh belom ain hatalla. mite kare anak bawi te bahalap ampie. Balalu ewen kawin dengan kare oloh bawi je eka karajin ewen. 3Maka Tuhan hamauh, “Aku dia nahuang olon belom katatahie; ewen te olon je belom pandehan, je musti akan matei. Nampara bara toh umur ewen dia labih bara 120 nyelo.” 4#Num. 13:33 Hong jaman te, tuntang kea limbah te aton kare oloh panjang hai intu hunjun petak. Ewen te turonan kare bawin olon je kawin dengan kare anak Hatalla. Kare olon te iete kare oloh bahanyi tuntang kare oloh je basewut hong jaman horan.
5 #
Mat. 24:37; Luk. 17:26; 1 Ptr. 3:20 Tuhan mite paham toto kapapan kare olon hong hunjun petak; uras tirok itong ewen harajur papa. 6Te ie manyasal awi jari manampa ewen tuntang mingkes ewen intu hunjun petak. Paham toto kanyasale, 7sampai ie hamauh, “Aku handak mampalomos olon je jari injapaku te, kalote kea kare burong tuntang meto je beken, awi aku manyasal jari manjapa ewen.” 8Tapi Noah mampasanang atei Tuhan.
Noah
9-10 #
2 Ptr. 2:5
Toh saritan Noah. Ie bara anak telo biti hatue, iete Sem, Ham, Yapet. Noah jaton mawi kasalan, tuntang tikas ie ih oloh je bahalap metoh te. Ie belom rantep dengan Hatalla. 11Tapi oloh je beken uras papa hong tampayah Hatalla, tuntang katulas aton hong hete-hete. 12Tuhan manampayah kalunen toh tuntang ie baya mite kapapa ih, awi uras olon papa pambelome.
13Balalu Hatalla hamauh dengan Noah, “Aku jari manukas mampatei uras kare taloh belom. Aku handak mapalomos ewen tuntang petak, basa petak jari kontep awi katulas ewen. 14Keleh nampa akam ije kapal bara kayu je dehen; kare kamar huange, tuntang nantilap hapan dampul bara huange tuntang bara luare. 15Kapal te kapanjange 133 meter, tuntang kabukae 22 meter, tuntang kagantonge 13 meter. 16Nampa sapau kapal te, tuntang helange 44 sentimeter bara sapau#6:16: sapau atawa baunsengok. sampai kare dindinge. Nampa kapal te susun telo, tuntang nampa ije bauntonggang hong balikate. 17Aku handak mawi danum soho hapa mampatei kare taloh belom. Uras taloh je hong kalunen akan matei, 18tapi dengam aku handak mampendeng janji. Keleh tame akan huang kapal te dengan sawam, tuntang kare anakm dengan kare sawan ewen. 19-20Imbit akan huang kapal te ije kongan jagau tuntang ije kongan pehok bara genep macam burong tinai meto hatuee tuntang meto je bawie, mangat ewen dia tamput binasa. 21Imbit kea uras kakare macam panginan akam tuntang akan kare meto te.” 22#Ibr. 11:7 Noah malalus kare taloh je inyoho Hatalla akae.
Pilihan Saat Ini:
GENESIS 6: NIJ
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk