Psalmyn 6
6
EVENING PRAYER.
PSAL. 6.
Domine, ne.
1O Hiarn, ny cur oghsan dooys ayns dty chorree:
cha-moo smaghtee mee ayns dty yymmoose.
2Jean myghin orrym, O Hiarn, son ta mee annoon:
O Hiarn, slaanee mee, son ta my chraueyn seaghnit.
3Ta sou-aigney trome myrgeddin orrym:
agh, Hiarn, caid nee oo mish y cherraghey?
4Chyndaa uss, O Hiarn, as livrey m’annym:
O saue mee er graih dty vyghinyn.
5Son ayns baase cha vel dooinney erbee cooinaghtyn orts:
as quoi ver moylley dhyts ayns yn oaie?
6Ta mee deïnagh lesh gaccan; dy-chooilley oie ta mee gushtaghey my lhiabbee:
as fluighey my lhiaght lesh my yeïr.
7Ta my aalid er n’immeeaght lesh eer seaghyn:
as er ny lheïe ersooyl kyndagh rish ooilley my noidyn.
8Ersooyl voym shiuish ooilley ta gobbraghey molteyrys:
son ta’n Chiarn er chlashtyn coraa my ghobberan.
9Ta’n Chiarn er chlashtyn my accan:
nee’n Chiarn soiaghey jeh my phadjer.
10Bee ooilley my noidyn er nyn stroie as dy-trome seaghnit:
chyndaa-ee ad nyn gooyl, as hig ad gys nearey doaltattym.
Pilihan Saat Ini:
Psalmyn 6: PS1765
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
maintained by the British and Foreign Bible Society