Ayat-ayat Alkitab Ternama dari Mark 11

Berbagi

“Tebyan sese ge le, nam rrō fe byane gimi ge, bone ge mim rrō whu sese hu lon tamtamyaōan, mi rrinkete ge mim kutu sese nan rru burr. Yafukon eb sene sese ha ge mim wuhune.

“Nam rrō fe fetinan byane gimi. He gimi ge hu he mwenan rrinketean eb hel e fe byane bukōkō ge a ge, ‘Ō ku neng te vya koōne neng lon tee,’ he mwenan rrinrrinan eb lōn ve ru, te eb rrinkete ha nge rrō fe, Yafukon eba rrwene eb yen mwenan rrinketean.

“Te bone ge mim rrō tamtamyaō, te he vanten hu te rrwene te hakbe byane gimi, emi rrumyune nge. Te tōmōmi ge mu rru mre eb rrumyune rruan hakbe ge mim tewene ho.”

Ngate Iyesu te surmōl byane nyer te fe, “Mwenami rrinketean eb rru ra Yafukon.

Ngate te whure vanten nyer ge, “Mwi yi be, mirr rrlō yekya ge Yafukon rrō fe lon mwenan Tuuankon ge, “ ‘Mweng imkon, mwe jene an rru ge be im ne tamtamyaōan mwenan vanten nyer ne vere bonga ran tan ge fyan ge li.’ Te gimi mim kilhi ma me e ōrr ne lu an ge rrwu mwenan vanten ne laaan nyer!”

Bone ge Iyesu te rrō yel bya Jerrusalem, vanten err ve lol ge err rrō rrumō, a ge nyer ge err rrō rrutō Iyesu, err rrō ii bya mre te err rrō fe, “Yihaa, monomnoan byane ge hu ge rrō me! Yafukon rrō tarvya ge hu ge rrō me lon myayan !

“Yafukon eb tarvya limhian ge rrō me lon buluim ma King Tefit, ge be temyangken! Yihaa! Gimi ge mim ho mre krine Yafukon emi mnomno Iyesu!”