Ayat-ayat Alkitab Ternama dari Mataayo 5

Berbagi

Nantele, abhantu saga bhakhozya ɨkolobooyi na huyikwinshile nɨ nsonta, lyoli bhabhɨɨha pa mwanya pa mbeeje huje ɨbhakhozezyaje bhonti ɨbho bhali mu nyumba. Ɨsho shɨ‑ɨhwanziwa, huje ɨhozyo zyenyu zibhakhozezyaje abhantu aje bhalolaje ɨmbombo zyenyu ɨnyinza na humʼmwamishe ʉDaada weetu wa‑ali hu mwanya.”

Amwɨ muli nanshi ʉlukhozyo hwa bhantu abha mu nsi. Ibooma lya lizengwilwe pa mwanya pi‑igamba, saga libhajiiye ahwifise.

Bhasayiiwe bha bhali nʉ mwoyo ʉnʼzelu, pɨpo bhahayihunʼnola ʉNgʉlʉbhɨ.

Bhasayiiwe bha bhali nɨ nzala nɨ nyoota ɨyɨ golosu, pɨpo bhahayingutiziwa.

Leelo anɨ ɨhubhabhʉʉzya huje, mubhaganaje abhalʉgʉ bheenyu. Nantele, mubhaputilaje hwa Ngʉlʉbhɨ bhonti ɨbho bhahubhalavya.

“Bhasayiiwe bha bhahwilola bhapɨɨna mu mwoyo, pɨpo ʉwumwɨnɨ ʉwa hu mwanya waabho.

Bhasayiiwe bha bhakʉndanya, pɨpo ʉNgʉlʉbhɨ ahayihubhakwizya bhaana bhaakwe.

Bhasayiiwe bha bhali nʉ zugumizu, pɨpo ʉNgʉlʉbhɨ ahayihubhajinjizya.

Bhasayiiwe bha bhalabha hu nongwa ya‑aje bhabhomba zya zihwanziwa pitagaalila lya Ngʉlʉbhɨ, pɨpo ʉwumwɨnɨ ʉwa hu mwanya waabho.

Bhasayiiwe bha bhahubhalolela ɨnkʉmbʉ abhanjɨ, pɨpo bhope bhahayilolelwa ɨnkʉmbʉ nʉ Ngʉlʉbhɨ.

Musayiiwe amwɨ abhantu lwa bhahubhaliga, bhahubhalavya na hubhayanje shibhiibhi hu minji agi‑ilenga hu nongwa yaanɨ. Ɨsho sha shɨɨsho sha bhahabhalavyaga abhakuwi bha Ngʉlʉbhɨ ɨbho bhahabhatagaliiye amwɨ. Seshelaji na hwanje, hu nongwa ya‑aje ʉNgʉlʉbhɨ abhabhɨshɨɨye ɨmpeesya ɨngoosi hu mwanya.”

Bhasayiiwe bha bhali bholoolo, pɨpo ʉNgʉlʉbhɨ ahayihubhapeela ʉgaali ʉwɨ nsi.

ɄYeesu ahonjela ayanje ahaga, “Amwɨ muli nanshi ibheeya hwa bhantu abha mu nsi. Leelo ibheeya nkashele linanjiishe ʉwinza waakwe, ʉgalʉnga hantu heenu huje likhole nantele? Saga libhajiiye abhe linza nantele hu hantu hohonti, leelo libha lya‑ataagwe hwʉnzɨ na‑akhanyangwe na bhantu.

Ɨshi mubhanje bhagolosu nanshi ʉDaada weenyu ʉyo ali hu mwanya sha‑ali nʼgolosu.”

Ɨshi, nkashele muhwɨtɨha, ɨtɨhaji. Awe nkashele mukhaana, khaanaji, pɨpo gonti ɨgo gahwonjela mwɨ‑ɨgo, gafuma hwa Mʼmiibhi ʉla ʉSeetano.”

“Mwʉmvwɨzye ɨndajizyo ɨyo ɨyiga, ‘Iliiso hwi‑iliiso, iliino hwi‑iliino.’ Leelo anɨ ɨhubhabhʉʉzya huje mugandi humʼmwezezye ʉmuntu ʉbhiibhi ʉyo abhabhombɨɨye ʉbhiibhi. Nkashele ʉmuntu aʼbavuuye idele ɨlya hu lɨɨlo, ʉnʼgalulizyaje ni‑idele ɨlya hu mongo.

Ɨshi, iliiso lyaho ɨlya hu lɨɨlo nkashele lihuhwalanganya abhombe ɨmbiibhi, ʉlifyonkole na hulitaaje hutali. Hwashi ayazye ɨshipelwa sheeka ɨshɨ mʼbɨlɨ gwaho, ashile huje ʉmʼbɨlɨ gwaho gwonti gwahataagwe hu mwoto gwa saga guzima nka lumo. Nantele, ʉnʼkhono gwaho ʉgwa hu lɨɨlo nkashele guhuhwalanganya abhombe ɨmbiibhi, ʉgudumule na hugutaaje hutali. Hwashi ayazye ɨshipelwa sheeka ɨshɨ mʼbɨlɨ gwaho, ashile huje ʉmʼbɨlɨ gwaho gwonti gwahataagwe hu mwoto gwa saga guzima nka lumo.”