Ayat-ayat Alkitab Ternama dari От Матфея 6

Berbagi

Тама̄кын апалъюқлъюку кияҳтылъыҳпысини мыгнуналъыҳпига̄ҳтыстыки Кияӷныӷым Атаныҳпагулъҳалъю, пиюкылъҳалъю. Таўатын пикуфси Кияӷныӷым тӯнылъықӣ қамахлъюки аклъюкыхкаси.

Нулъқавӣгуткыхпына̄н уна̄милъыҳқақ, қаюҳлъяк уна̄мим сыӷлылӣӷи итагнаӷьяҳқа̄гут таўавык аӷныӷмун. Сыӷлылӣқ пикаюгӯқ аҳутаңа тамаҳа̄н, иля̄ӷатаӷаҳпына̄н уна̄мим сыӷлылӣлъыҳқа̄ның».

Тама̄кын апалъюқлъюку уңипа̄тамси, нулъқавӣӷуткыхпына̄н уңвалъыҳси, сямың ныӷылъыҳқаҳси, мыӷылъыҳқаҳси, налиӷмың сямың а̄тылъыҳқаҳси. Сюмыҳтаӷақаҳтыкқун, уңувалъық мыгнунаӷатаӷаҳтуқ нықмың, югусиқлъю мыгнунаӷатаӷаҳтуқ а̄тканың.

Иўырңа юӷаӷнақныҳпыни, итыӷлютың ныхпынун ӯмгулъютын юӷаӷақи Атахпынун алӣнъыӷилгуӷмун. Атахпык лӣсимака̄ аксяқлъюку сялъҳын ынка̄м акилыҳтуҳлъықа̄тын.

Ынка̄м хўатын юӷаӷақитык: “Хўаңкута Атавут қилягмылңуқ памани, аглыӷналӷӣ а̄тҳын қӯлвалъыңли. Юӷаҳтукут Атаныҳпагулъҳын тагисқылъюку, пиюкылъҳынлъю апыӷӣӷысқылъюку нунами хўани, катам қилягмылңуӷыстун.

Ныӷьяҳқалитақыҳтикут аӷныӷми хўани.

Сыӷывутаҳтики сыӷлыҳқылъыпут, сыӷывусималюки сыӷлытун пистыпут.

Нанӷӣқулъыңыстыхпына̄мта, иўырңа югуликут та̄хкын Сыӷлыӷмың. Атаныҳпагулъық, аҳтуӷьяҳқа̄нӷилъық, ниӷуҳқылъық, лъпык пикатын қӯнпырухлъяк. Аминь”.

Сыӷывускуфсики сыӷлытун пистыси, Атахпыси қилягмылңӯм сыӷывулъықӣси.

Ысҳақаҳтыкиқун қаўа̄гыт, пӣтысиӷӣгатут, унатӣгатут, кахпагиңигатут. Нақамлъю Атахпыси қилягмылңӯм ныҳқақӣ! Лъпыси мыгнунаӷатаӷанӷитсӣ қаўа̄гның?

«Нунами хўани кахпахпынаси аклъюңимың қаюҳлъяк киңугымлъю, анаҳта̄лъҳымлъю на̄фқылъықӣ, тыглыгнӣҳтытлъю на̄фқӣлютың тыглыхлъықут. Иўырңа лъпысиның катам қилягми кахпагитык аклъюңимың қаюҳлъяк молыңитуқ, анаҳта̄ңитуқ на̄фқӣяҳқамың, тыглыӷнӣҳтыңитуқлъю на̄фқӣлютың тыглыгуӷьяҳқамың. Сюмыҳтаӷа̄ткумаңинаҳлъықаҳси аклъюңихпысинун кахпагвихси».

«Китум алңунак қыпҳа̄нъа̄нӷита̄к ма̄лӷук умӣлгык. Ма̄лӷугыгның умӣлылгукуми угумикылъықа̄ ата̄сиқ, пиниқылъықа̄ иляңа. Қа̄ткутңалъықуқ ата̄симун, пикаткынъа̄нӷита̄ иляңа. Ынка̄м пиниқна̄нӷитаҳси Кияӷнық пиниқумалюку мани.

Кияӷныӷым а̄сиҳтуӷақӣ выга̄ӷыт, иўырңа ага уна̄ми қӯкақӣт. Кияӷныӷым а̄сиҳтуқаюгукаки выӷа̄гыт, а̄сиҳтуӷатаӷаӷна̄нӷитисӣ лъпыси? Ухпыӷьюкыхтуси қилъыҳқыста̄пигуси!

Иўырңа тӯникувык аклъюмалӷӣнун, кина алңунак уңипа̄тыхпына̄н, китумун алңунак налъюкысқылъюку тӯнӣлъҳын. Атахпык ысҳапагақа̄тын ынка̄м акилыҳтуҳлъықа̄тын».

Иисусым апыҳтӯсяни нагныӷуткӣ: «Ўатаҳлъяк пинитун пилъыси ысҳаҳсяқыхпынаки. Ысҳаҳсяқыхкуфсики Атахпыси қилягмылңӯм акилыҳтуӷна̄нӷитӣси.

«Постаныҳпысини ӣлъқысюгниҳқыхпынаси пинӣюгныӷыстун. Аӷмигигатут, мысю̄наңигатут лӣгикысқылъютың постаңунилютың. Ипа уңипа̄тамси, акилыҳтӯсяңўа̄ӷлютың аюқут. Постаныҳпыни аӷмигақилъю, мысю̄на̄қилъю, иляхпынун налъюкысқылъюку посталъҳын. Иўырңа Атахпык алӣнъыӷилңӯм лӣсимака̄ ся̄қутын ынка̄м акилыҳтуҳлъықа̄тын».