Ayat-ayat Alkitab Ternama dari Mateo 3

Berbagi

Dai abarabone dai ati niya, dai ene amosawamiyahi.

Neme‑ya ati kaki, “Oka Dao amane. Oka Dao onofi nafineni. Ene amose, ene ya‑yai·oneni.” Ati nematane.

Yowaho habahinirise, tokomorosame, Deoso‑ka Doni neme‑ya kise, Yeso‑ya sawiwahe, wayomata awi‑nima awi ne‑ya Yowaho awematane.

Deoso‑ka Ka‑kadika ama·orani. Faha‑ya dai‑ya haba·onirisineni, dai ene amosawamabonehe. Kamaki‑bona kitabotebisa amane. Owa‑ta towebisa ama·oni. Amosabotebisa amane. Ati ene Deoso‑ka Doni dai one‑ya sawiwahebonane. Ai nafi‑ya kadikeya, ai one‑ya sarikanebonane.

Awa bono bonora toha, awa bono kabi amosara toha na, ade ai kaana, ai sarikiteni. Fara‑nima Deoso bari‑ya maakani hawa tohane. Dai ene amosawami awiriya, awa kaana‑nima Deoso dai‑ya niwahebonane. Dai‑ya nanahabeya, dai‑ya sarikanebonane.

Hibati‑ya Yowaho tamine‑bona‑ya i‑di Isa·iya kanahano, “Bofe‑ke mai‑ka owa kabani‑kaya ati yananeya, ‘Ai‑ka Hidi webote hawine‑bona dai namosahi.’ Ati nebonane.” Deoso ati ne, ati‑ya i‑di Isa·iya kanahanomatamonane.