Ayat-ayat Alkitab Ternama dari Mataos 10

Berbagi

«Mbe ga: mɨ lomo bɨn mpʉ bɨntœme teme onkœœ! No ó, diʼe ga ncye! Cɨa ga mpʉ onyʉa. Bɨn bé à tala mɨleme mpʉ mopɨba.

Waa lé ekʉ ka saa ó njɨ ekamle e tiʼ ye e, nye ódimle ye. Waa lé emɛʼle ó, nye fuo dimle tiʼ ye é lɔb wam ɨ, nyiha óbaʼle ye.»

Ajoʼo ga bʉa e bʉr. Bé dam jʉ bɨn é nko paʼ bɨpuno. Bɛɛ bé abe e nkul esa bɨn sɔʼɔ é nko paʼ sisim. Laa ó, bɨn joʼa bʉa e be, fuo joʼo ga bʉa yɛɛ e Zyɛm, waa ndɨ e nkul esa ó, nyʉl le sisim bibyɛh, byé toʼ, to dwè é Bɨ-siʼe e.

Waa ndɨ ankɛɛ klos ye, du me e, nye é dwɛhba. Nye ajala e me.

«Ebe no, ǃɨ mʉr si kuro bɨr, gban me é mih mo bʉr nɛʼɛ, mɛm nteme, me ógban nye é mih mo Sɔŋ wam ndɨ é jobo kʉ ɨ. Sa gwar, ǃɨ mʉr si lɛɛ é pyɛldweh ó, nye agʉa me nɛʼɛ, me ólɛɛ nteme ó, nye a baabe mpʉn wam, sa nɨ é mih mo Sɔŋ wam ndɨ é jobo kʉ ɨ.»

Tiʼɨ ga mɨsyoblʉ. Pɛ̀hɛ ga bʉr é mofoo. Pɛʼɛ ga sa ndɨ elœʼ mɨzɨzam é mih mo Zyɛm ɨ. Dwihɨ ga moleme. Bɨn bɨ bi, abwam. Dweʼ ga nteme, abɛma.

Ebe no, ajoʼo ga bʉa. Bɨn bé é bul buo dime, laa buobuo baatɔlɔ!

«Abuʼla ga ó, me a ze ó, lé eze sa ó, bʉr o si nwaʼ diʼe é motala. Me a bé aze gba motala paʼra wɔɔ. Me a ze ó lé eze timle fòŋ!