Sgaw Mason Bible © Bible Society of Myanmar, 1853.

ဒီးယွၤဆိၣ်ဂ့ၤစီၤနိအၤ, ဒီးအဖိခွါသ့ၣ်တဖၣ်, ဒီးစံး ဘၣ်အီၤ, မ်သုသၣ်ထီၣ်, ဒီးအါထီၣ်, ဒီးမၤပှဲၤထီၣ် ဟီၣ်ခိၣ်တက့ၢ်. ဒီးတၢ်ပျံၤသုဒီးတၢ်ဖုးသုကအိၣ်လၢ ကယဲၢ်ဆၣ်ဖိကီၢ်ဖိအလိၤလၢဟီၣ်ခိၣ်ချၢ, ဒီးလၢက ယဲၢ်ထိၣ်ဖိလံၣ်ဖိအလိၤလၢတၢ်ဖးဖီ, ဒီးလၢကယဲၢ်တၢ် လၢအစွါလၢဟီၣ်ခိၣ်ချၢအလိၤ, ဒီးလၢကယဲၢ်ဒ့ၣ်ဧိၤ ညၣ်ဧိၤအလိၤလၢပီၣ်လဲၣ်ပူၤလီၤ. တၢ်ဟ့ၣ်လီၤအီၤလၢ သုစုပူၤလီၤ. ကယဲၢ်တၢ်ဂဲၤလၢအမူဝဲ တမံၤလၢ်လၢ် န့ၣ်ကကဲထီၣ်တၢ်အီၣ်လၢသုဂီၢ်, ဒ်တၢ်မဲတၢ်မါအသံ ကစဲာ်အသိးန့ၣ် ယဟ့ၣ်လီၤသုလၢ တၢ်ခဲလၢာ်လီၤ.-
မ့မ့ၢ်တၢ်ညၣ်အိၣ်ဒီးအတၢ်မူ ဒ်ပစံးတၢ်အသိးအသွံၣ် န့ၣ်, အီၣ်အီၤတဂ့ၤ.
ဒီးယကဃုသုသးသမူအသွံၣ်သပှၢ်တၢၢ်လီၤ. ယက ဃုအီၤလၢကယဲၢ်ဆၣ်ဖိကီၢ်ဖိအစုပူၤ, ဒီးလၢကယဲၢ်ပှၤ ကညီအစုပူၤလီၤ. လၢကယဲၢ်ပှၤကညီ အဒီပုၢ်ဝဲၢ်အစု ပူၤတဂၤလၢ်လၢ်န့ၣ် ယကဃုပှၤကညီအသးသမူလီၤ.
ပှၤလၢအလူလီၤပှၤကညီအသွံၣ်န့ၣ်, အသွံၣ်ကဘၣ် တၢ်လူလီၤအီၤလၢ ပှၤကညီအစုပူၤလီၤ. အဂ့ၢ်ဒ်အံၤ တၢ်တ့လီၤပှၤကညီလၢယွၤအဂီၢ်လီၤ. ဒီးသုဝဲသ့ၣ်တ ဖၣ်အံၤသၣ်ထီၣ်, ဒီးအါထီၣ်တက့ၢ်. ထီၣ်ဖိအါဂၤလၢ ဟီၣ်ခိၣ်ချၢ, ဒီးအါထီၣ်လၢအဖီခိၣ်တက့ၢ်.
ဒီးယွၤစံးဘၣ်စီၤနိအၤဒီးအဖိခွါအိၣ်ဒီးအီၤ, ဒီးစံးဝဲ ဒၣ်, ဒီးယဲဒၣ်အံၤ, ကွၢ်ကွၢ်, ယပာ်ယတၢ်အၢၣ်လီၤ အီလီၤဒီးသု, ဒီးသုချံသုသၣ်လၢသုလီၢ်ခံ, ဒီးကယဲၢ် တၢ်သးအိၣ်ဒီးသုလၢထိၣ်ဖိလံၣ်ဖိ, လၢဆၣ်ဖိကီၢ်ဖိအ ဒၢ, ဒီးလၢကယဲၢ်ဆၣ်ဖိကီၢ်ဖိလၢ ဟီၣ်ခိၣ်ချၢသ့ၣ်တ ဖၣ်အကျါအိၣ်ဒီးသု, လၢကယဲၢ်တၢ်လၢအယုၢ်လီၤလၢ ကဘီပူၤပၢၢ်လၢ ကယဲၢ်ဆၣ်ဖိကီၢ်ဖိလၢဟီၣ်ခိၣ်ချၢတ မံၤလၢ်လၢ်လီၤ. ဒီးယကပာ်ယတၢ်အၢၣ်လီၤအီလီၤ ဒီးသုလီၤ. ဒီးကယဲၢ်တၢ်ညၣ်တဘၣ်လၢၤဘၣ်တၢ်ဒီၣ် တဲာ်ကွံာ်အီၤလၢ ထံလုၣ်ဘၢတၢ်ဘၣ်ဒီး ထံလုၣ်ဘၢ တၢ်လၢအကမၤဟးဂီၤကွံာ်ဟီၣ်ခိၣ်အံၤ, တအိၣ်ထီၣ် လၢၤဘၣ်လီၤ.
ဒီးယွၤစံးဝဲဒၣ်, ယတၢ်အၢၣ်လီၤအီလီၤအပနီၣ်လၢ ယအၢၣ်လီၤအီလီၤဒီးသုဒီး ကယဲၢ်တၢ်သးလၢအအိၣ် ဒီးသုအစိၤစိၤအဃၣ်ဃၣ်န့ၣ်မ့ၢ်အအံၤ, ယပာ်ယချံၣ် လၢတၢ်အၢၣ်အလိၤ, ဒီးကကဲထီၣ်တၢ်အၢၣ်လီၤအီလီၤ အပနီၣ်လၢယအၢၣ်လီၤအီလီၤဒီးဟီၣ်ခိၣ်န့ၣ်လီၤ. ဒီး တၢ်ကမၤအသးတုၤယဒုးထီၣ် တၢ်အၢၣ်လၢဟီၣ်ခိၣ်အ ဖီခိၣ်ဒီး, ချံၣ်န့ၣ်ကအိၣ်ဖျါလၢတၢ်အၢၣ်အလိၤလီၤ.-
ဒီးယကသ့ၣ်နီၣ်ထီၣ်က့ၤယတၢ်အၢၣ်လီၤအီလီၤလၢယ အၢၣ်လီၤအီလီၤဒီးသု, ဒီးကယဲၢ်တၢ်သးအိၣ်လၢ က ယဲၢ်တၢ်ညၣ်အကျါန့ၣ်လီၤ. ဒီးထံတကဲထီၣ်လၢၤဘၣ် ထံလုၣ်ဘၢတၢ် ဒ်သိးအကမၤဟးဂီၤကွံာ် ကယဲၢ်တၢ် ညၣ်န့ၣ်ဘၣ်. ဒီးတၢ်လၢချံၣ်န့ၣ်ကအိၣ်လၢတၢ်အၢၣ် အလိၤ, ဒီးယကကွၢ်အီၤဒ်သိးယကသ့ၣ်နီၣ်ထီၣ်က့ၤ တၢ်အၢၣ်လီၤအီလီၤအထူအယိာ်လၢ ယွၤအၢၣ်လီၤအီ လီၤဒီးကယဲၢ်တၢ်သးလၢ ကယဲၢ်တၢ်ညၣ်အကျါလၢ အအိၣ်လၢဟီၣ်ခိၣ်ချၢလီၤ. ဒီးယွၤစံးဘၣ် စီၤနိအၤ, အဝဲအံၤမ့ၢ်တၢ်အၢၣ်လီၤအီလီၤလၢ ယအၢၣ်လီၤအီလီၤ ဒီးကယဲၢ်တၢ်ညၣ်လၢဟီၣ်ခိၣ်ချၢအပနီၣ်လီၤ.
ဒီးစီၤနိအၤအဖိခွါ လၢအယုၢ်လီၤလၢကဘီပူၤန့ၣ်မ့ၢ် စီၤရှ့ၣ်, ဒီးစီၤဃၣ်, ဒီးစီၤယ့ဖ့းသးလီၤ. ဒီးစီၤဃၣ်မ့ၢ် စီၤကနၤဧၣ်အပၢ်လီၤ. အဝဲသ့ၣ်တဖၣ်န့ၣ် မ့ၢ်စီၤနိ အၤအဖိခွါသၢဂၤ, ဒီးဟီၣ်ခိၣ်ပှဲၤဒီးပှၤကညီသကုၤဆး ဒးလၢအီၤလီၤ.
ဒီးစီၤနိအၤကဲထီၣ် ပှၤမၤဟီၣ်ခိၣ်ဒီးသူၣ်စပံးအလီၢ် လီၤ. ဒီးအီစပံးထံ, ဒီးအီမူၤဝဲ, ဒီးအိၣ်ဘ့ၣ်ဆ့လၢ အဒဲပူၤလီၤ. ဒီးစီၤကနၤဧၣ်အပၢ်စီၤဃၣ်တဂၤ ထံၣ် ဘၣ်အပၢ်အိၣ်ဘ့ၣ်ဆ့, ဒီးစံးဘၣ်အဒီပုၢ်ဝဲၢ်ခံဂၤအိၣ်ဝဲ လၢခိလီၤ. ဒီးစီၤရှ့ၣ်, ဒီးစီၤယ့ဖ့းသးဟံးန့ၢ်ယၣ်တ ဘ့ၣ်,ဒီးပာ်ဝဲလၢအဖံဘၣ်ခိၣ်ခံဂာ်လၢာ်, ဒီးလဲၤဂုၤခံ, ဒီး မၤဘံၣ်အပၢ်အိၣ်ဘ့ၣ်ဆ့, ဒီးဃၣ်ဒူၣ်ချၢအသးသတး ဒီး, တထံၣ်ဘၣ်အပၢ်အိၣ်ဘ့ၣ်ဆ့ဘၣ်လီၤ.
ဒီးစီၤနိအၤဖုသံနီၣ်ထီၣ်က့ၤလၢ အစပံးထံဒီးတၢ်လၢ အဖိသဒါမၤအီၤန့ၣ်သ့ၣ်ညါဝဲလီၤ. ဒီးစံးဝဲဒၣ်, မ်စီၤ ကနၤဧၣ်ဘၣ်တၢ်ဆိၣ်အၢတက့ၢ်. ကကဲထီၣ်ကုၢ်တ ဖၣ်အကုၢ်လၢအဒီပုၢ်ဝဲၢ်အဂီၢ်လီၤ. ဒီးစံးဝဲဒၣ်, ယွၤ စီၤရှ့ၣ်အကစၢ်န့ၣ်, မ်အဘၣ်တၢ်ဆိၣ်ဂ့ၤအီၤတက့ၢ်.ဒီး စီၤကနၤဧၣ်ကကဲထီၣ်အကုၢ်လီၤ. ယွၤကမၤလဲၢ်ထီၣ် စီၤယ့ဖ့းသးအလီၢ်, ဒီးကအိၣ်ဝဲဆိးဝဲလၢစီၤရှ့ၣ်အဒဲတ ဖၣ်အပူၤ, ဒီးစီၤကနၤဧၣ်ကကဲထီၣ်အကုၢ်လီၤ.
ဒီးစီၤနိအၤအိၣ်ဝဲလၢ ထံလုၣ်ဘၢတၢ်အလီၢ်ခံ,အနံၣ် သၢကယၤယဲၢ်ဆံလီၤ. ဒီးစီၤနိအၤအမုၢ်နံၤခဲလၢာ်မ့ၢ် အနံၣ်ခွံကယၤယဲၢ်ဆံ, ဒီးသံဝဲလီၤ.

Dengarkan လံာ်စီၤမိၤရှ့အခီၣ်ထံးတဘ့ၣ်. ၉