Kananet 5
5
Biilet ci Adami
1Een icu lelet ci Adami e̱he̱rye̱ ko̱.
Eenyca bali Ta̱mu̱ta̱dde̱n e̱e̱t ci diiri kudukto ki nonno. 2Eteehenya enne nogo, ci maci ki ci nga̱a̱ye̱ kar zin ka̱mu̱yu̱k nogo. Imma bali ngati idimana enne nogo, akatek zar cik azi ne, “E̱e̱t.”
3Baling abak Adami zee kize e̱rki̱nya̱ o̱bo̱n co̱de̱ ki moten i̱i̱yo̱ (130), i̱ti̱rra̱ zin do̱le̱c ci a̱du̱wo̱ ki nonno kar zin kakatek zar kize Seth.
4Ma baling i̱ti̱rra̱i̱ Sethi, abak zin Adami zee kizeto e̱rki̱to̱wa̱ obet tu̱rge̱ (800) ngati i̱ti̱rra̱i̱ logoz ki buuwecci u̱gge̱. 5Abak zin Adami zee kizeto e̱rki̱to̱wa̱ obet torkoc ki moten i̱i̱yo̱ (930), kar zin ka̱da̱k.
6Baling abak Sethi kizeto e̱rki̱to̱wa̱ o̱bo̱n co̱de̱ ki tu̱r (105), i̱ti̱rra̱ zin logozit ci een zara Enosh. 7Baling ize enne be̱e̱ti̱ Enoshi, abak zin Sethi e̱rki̱to̱k obet tu̱rge̱ ki turgerem (807). I̱ti̱rra̱ bo̱do̱k logoz ki buuwecci u̱gge̱, 8kar zin Sethi ka̱da̱k ngati izeto e̱rki̱to̱wa̱ do̱o̱k obet torkoc ki omoto ki ram (912).
9Baling izeto e̱rki̱to̱wa̱ cik Enoshi moten torkoc (90), i̱ti̱rra̱ ngerinne ci azi zar ne, Kenan. 10Baling i̱ti̱rra̱i̱ Kenani, abak zin Enoshi e̱rki̱nya̱ obet tu̱rge̱ ki omoto ki tu̱r (815). 11Kar zin Enoshi ka̱da̱k ngati izeto e̱rki̱nya̱ do̱o̱k obet torkoc ki tu̱r (905).
12Baling izeto e̱rki̱nya̱ cik Kenani moten turgerem, i̱ti̱rra̱ ngerinne ci een zara Mahalalel. 13Baling ize enne be̱e̱ti̱ Mahalalel, abak zin Kenani e̱rki̱nya̱ cik een obet tu̱rge̱ ki moten we̱c (840). I̱ti̱rra̱ bo̱do̱k dooli u̱gge̱ 14kar zin Kenani ka̱da̱k baling izeto e̱rki̱to̱wa̱ do̱o̱k obet torkoc ki omoto (910).
15Baling abak Mahalaleli kizeto e̱rki̱to̱wa̱ moten torkonom ki tu̱r (65), i̱ti̱rra̱ ngerinne ci een zara Jared. 16Imma baling ize enne be̱e̱ti̱ Jaredi, abak Mahalaleli e̱rki̱nya̱ obet tu̱rge̱ ki moten i̱i̱yo̱ (830), i̱ti̱rra̱ bo̱do̱k logoz ki buuwecci u̱gge̱, 17kar zin Mahalaleli ka̱da̱k ngati izeto e̱rki̱nya̱ do̱o̱k obet tu̱rge̱ ki moten torkoc ki tu̱r (895).
18Baling abak Jaredi kizeto e̱rki̱to̱wa̱ o̱bo̱n co̱de̱ ki moten torkonom ki ram (162), i̱ti̱rra̱ ngerinne ci azi zar ne Enok. 19Baling okko enne een be̱e̱ti̱ Enoki, abak zin Jaredi e̱rki̱nya̱ obet tu̱rge̱ (800), i̱ti̱rra̱ zin bo̱do̱k logoz ki buuwecci u̱gge̱. 20Kar zin Jaredi ka̱da̱k ngati izeto e̱rki̱to̱wa̱ do̱o̱k obet torkoc ki moten torkonom ki ram (962).
21Baling izeto e̱rki̱nya̱ cik Enoki moten torkonom ki tu̱r (65) i̱ti̱rra̱ ngerinne ci een zara Methuselah. 22Baling i̱ti̱rra̱ enne Methuselah, abak zin Enoki ngati owowo ki Ta̱mu̱ta̱dde̱no̱ e̱rki̱nya̱ obet i̱i̱yo̱ (300), kar zin ki̱ti̱rra̱ bo̱do̱k logoz ki buuwecci u̱gge̱. 23Abak Enoki zee kizeto e̱rki̱nya̱ obet i̱i̱yo̱ ki moten torkonom ki tu̱r, (365). 24Ma baling ngen Enoki owowo ki Ta̱mu̱ta̱dde̱n niko, u̱ku̱we̱ zin enne ne dakdak rugetet, eci Ta̱mu̱ta̱dde̱n uwe nonno. 25Baling abak Methuselah kizeto e̱rki̱to̱wa̱ o̱bo̱n co̱de̱ ki moten tu̱rge̱ ki turgerem (187), i̱ti̱rra̱ ngerinne ci een Lamech. 26Baling ize enne be̱e̱ti̱ Lamechi, abak zin bo̱do̱k Methuselah zee kizeto e̱rki̱nya̱ obet turgerem ki moten tu̱rge̱ ki ram (782), i̱ti̱rra̱ bo̱do̱k logoz ki buuwecci u̱gge̱ dee, 27kar zin Methuselah ka̱da̱k ngati izeto e̱rki̱to̱wa̱ do̱o̱k obet torkoc ki moten torkonom ki torkoc (990).
28Baling abak Lamechi kizeto e̱rki̱to̱wa̱ o̱bo̱n co̱de̱ ki moten tu̱rge̱ ki ram (182), i̱ti̱rra̱ ngerinne, 29kar zin kakatek zar cik een Nowa,#5:29 Nowa: Utuge ci I̱bu̱ru̱, azi keng cik zar ne̱ko̱ ne, yu̱bze̱ne̱t. kar kize ne “Anyahakket atin do̱le̱c cu ti̱ri̱ze̱ne̱t ki u̱yu̱bi̱ ngati ka̱li̱ngli̱nge̱ todowai balik otor Manyi Ta̱mu̱ta̱dde̱n ke̱.” 30Ma baling i̱ti̱rra̱i̱ Nowa, abak zin Lamechi e̱rki̱nya̱ obet tu̱r ki moten torkoc ki tu̱r (595), kar bo̱do̱k ki̱ti̱rra̱ logoz ki buuwecci u̱gge̱, 31kar zin Lamechi ka̱da̱k ngati izeto e̱rki̱nya̱ obet turgerem ki moten turgerem ki turgerem (777).
32Baling abak Nowa zee kizeto e̱rki̱to̱wa̱ obet tu̱r (500), i̱ti̱rra̱ zin enne logoz i̱i̱yo̱, azi imma zar ne Shem, okko co̱de̱ een Ham kar zin imma bo̱do̱k kize Japheth.
Արդեն Ընտրված.
Kananet 5: tex
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
© 2018, Wycliffe Bible Translators, Inc. All rights reserved.