Աստվածաշնչի հայտնի հատվածներ 1 Koorinti 1-ից

Կիսվել

Anutufa faiqí faiqi irirana faqaasa nisauriranaki quqaannee qimasee misakiaqa furufari mariasee qimariasa Anutufa mi furufarira fasiqa anaaseesara faqa nári irirana faqa qumareenoo minara qini amiqira irirana faqaasee qidanoo. Anutufa maqasaaqaraa afeeka faqaasa nisauruaqee qimasee faiqí faiqi akaqausara sia afeekee qimariasa Anutufa mi sia afeeka fasiqa anaaseesa faqa nári irirana namufaqa qumareenoo minara qini afeeka faqaasee qinau.

Asauku mundirafa aunirira saqarisaa kuqu ufana kuridiranaki fimariasa irisee furufarira ufa fee qidaqa. Maasa asumu mariranaki fimariasa sia miqi qidaqa mi ufanara Anutuna afeeka mi ufanara kai mari ifoo qidaqa.

Anee Anutuna irirana iriseenana minara furufarammi ifoo qinanoo Anutuna mi irirafa faiqí irirana urinaaqaranoo maridanoo. Anee Anutuna moo ainainara sia afeeka ainainammiifoo qinanoo Anutuna mi sia afeeka ainainafa faiqí afeeka urinaaqaranoo maridanoo.

Anutufa inniara narí amaaku narí asauku mundirana maasa karaambaiqa Yisuna faqa aqoondikiaqeera inni naaree marifa marinara sia inni nikaruqimasee kasaaqai mininnisaannoo innee minasaa nifaaqa quqeemariafa maridanoo.

Qini qikaqaafasaa Koorinti maqannaa mariasa, maasa karaambaiqa asauku mundirafa Yisufa inni qimannimira saika qimunara irisee inni reendeenamandee kai qimannimidaqa, inneeqa sia raina rainida furufariaqee qimasee moodaa ufa qimasee moodaanaki mariaqa kuqaa uqanna moodaanaki mariasa maridaqa moodaa irirana faqa moodaannai firana faqa mariaqa.

Qinee Pauroosa minara kafaa maaqi qidaqa. Irirana faqaasa iriranara minara naqi fee qianauree. Uriqarara sukuraki keeqee mariasara naqi fee qianauree. Maa maqa maaqanasaaqaraa ufa akoofasauqa iriranara naqi fee qianauree. Misara maaqi qianaura, doo Anutufa ooqai uqannifiaqoofa kooroo inoo maridanoo qimaqiminoo. Maa maqa maaqanakinaasa irirafa Anutunara furufarirafa maridanoo.