Աստվածաշնչի հայտնի հատվածներ مَتَّى 18-ից

Կիսվել

وَ أَيِّ بَكَانْ الْيِلِمُّوا فَوْقَهْ النَّاسْ بِأُسْمِي، كَنْ هُمَّنْ إِتْنَيْن أَوْ تَلَاتَةْ كُلَ، أَنَا ذَاتِي قَاعِدْ فِي أُسُطْهُمْ.»

وَ بَتَّانْ نُقُولْ لَيْكُو الْحَقّ، كَنْ نَاسَيْن مِنْكُو فِي الْأَرْض أَسْتَفَقَوْا فِي أَيِّ شَيّءْ الْيِدَوْرُوهْ، أَبُويِ اللّٰهْ الْفِي السَّمَاءْ يِسَوِّيهْ لَيْهُمْ.

وَ عِيسَى نَادَى وِلَيْد صَغَيَّرْ وَ خَطَّاهْ فِي أُسُطْهُمْ. وَ عِيسَى قَالْ: «نُقُولْ لَيْكُو الْحَقّ، كَنْ إِنْتُو مَا تِبَدُّلُوا فِكِرْكُو وَ كَنْ مَا تَبْقَوْا مِثِلْ عِيَالْ دُقَاقْ، مَا تَدْخُلُوا فِي مَمْلَكَةْ اللّٰهْ.

النَّادُمْ الْيِسَوِّي نَفْسَهْ صَغَيَّرْ وَ يَبْقَى مِثِلْ الْوِلَيْد دَا، هُو بَسْ الْمُهِمّ فِي مَمْلَكَةْ اللّٰهْ.

وَ أَيِّ نَادُمْ الْيَقْبَلْ بِأُسْمِي وِلَيْد صَغَيَّرْ مِثِلْ دَا، يَقْبَلْنِي.

«أَشَانْ نُقُولْ لَيْكُو الْحَقّ، أَيِّ شَيّءْ الْجَعَلْتُوهْ حَرَامْ فِي الْأَرْض، اللّٰهْ فِي السَّمَاءْ كُلَ يَجْعَلَهْ حَرَامْ وَ أَيِّ شَيّءْ الْجَعَلْتُوهْ حَلَالْ فِي الْأَرْض، اللّٰهْ فِي السَّمَاءْ كُلَ يَجْعَلَهْ حَلَالْ.

«وَ أَبُويِ اللّٰهْ يِسَوِّي مِثِلْ دَا كَنْ أَيِّ نَادُمْ مِنْكُو مَا يِسَامِحْ أَخُوهْ مِنْ قَلْبَهْ.»

«وَ أَيِّ نَادُمْ الْيِتَلِّفْ إِيمَانْ هَنَا وَاحِدْ مِنْ الْعِيَالْ الدُّقَاقْ الْمُؤمِنِينْ بَيِّ دَوْل، الْعَذَابْ الْيَرْجَاهْ شَدِيدْ لَحَدِّي أَخَيْر لِلنَّادُمْ دَا كَنْ يَرْبُطُوا مُرْحَاكَةْ كَبِيرَةْ فِي رَقَبَتَهْ وَ يَزْقُلُوهْ فِي لُبّ بَحَرْ الْغَرِيقْ.

فِكِرْكُو شُنُو؟ نَادُمْ عِنْدَهْ 100 غَنَمْ وَ غَنَمَايْ وَاحِدَةْ وَدَّرَتْ. مَا يِخَلِّي التِّسْعَةْ وَ تِسْعِينْ فِي الْكَدَادَةْ وَ يَمْشِي يِفَتِّشْ الْمُوَدِّرَةْ وَلَّا؟