Աստվածաշնչի հայտնի հատվածներ Pin'ilʋg 1-ից

Կիսվել

Ka Wina'am yɛl ye, “Kɛl ka ti maal ninsaal nwɛnɛ ti mɛŋi an si'em la, ka kɛ ka o sʋ'oe zimi linɛ bɛ ku'omin la, nɛ niis banɛ ian'ada agɔla nɛ bʋnkɔnbid banɛ bɛ teŋgbauŋʋn la, hali nɛ bʋnvʋya banɛ vuud teŋin la wʋsa.” Ala ka Wina'am da maal ninsaal nwɛnɛ o mɛŋi an si'em la. Dau nɛ pu'a ka o da maal.

Ka Wina'am niŋi ba zug bareka ka yɛl ye, “Du'am nɔbigi pɛ'ɛli teŋgbauŋ la, ka sʋ'oe teŋ la, nɛ zimi banɛ bɛɛ atɛukʋn, nɛ niis banɛ bɛɛ agɔl, nɛ bʋnvʋya banɛ wʋsa ken teŋin la.”

Pin'ilʋgʋn la Wina'am da maal agɔl nɛ teŋ.

Si'el da ka' teŋ la nii, ka zin'ig la wʋsa da an yɔɔg-yɔɔg, lik ma'aa da pɛ'ɛl, ka Wina'am Siig da laannɛ giligid ku'om la zug.

Ka Wina'am yɛl ye, “Kɛl ka li an nyain.” Ka li sid nie nyain.

Wina'am da nyɛ on maal si'el la wʋsa ka li an sʋm. Ka yʋ'ʋŋ sɔb ka bɛog nie daba ayuobʋ daare la.

Ka Wina'am nyɛ ka nɛɛsim la an sʋm ka o bak nɛɛsim la ka kɛ lik.

Ka Wina'am yɛl ye, “M tisi ya zʋʋd linɛ du'ad bielim teŋgbauŋ la zug wʋsa, nɛ tiis banɛ wan wala ka mɔr biili la wʋsa. Ba na an diibi tisi ya.

Ka Wina'am buol nɛɛsim la ye, “Nintaŋ” ka buol lik la ye, “Yʋ'ʋŋ.” Ka yʋ'ʋŋ sɔb ka bɛog nie, linɛ da an yiiga dabisir.

Ka Wina'am yɛl ye, “Kɛl ka si'el bɛɛ an lammiri bɛŋ ku'okanɛ bɛɛ agɔl la nɛ ku'okanɛ bɛ teŋir la.”

M tis bʋnkɔnbid banɛ bɛ teŋin la nɛ niis banɛ bɛɛ agɔl nɛ bʋnvʋya banɛ ken teŋin hali nɛ linɛ wʋsa mɔr vʋm nɛ mɔma'asa ye li aan ba diib.” Ka li da niŋ ala.

Ka Wina'am yɛl ye, “Kɛl ka bugum bɛɛ agɔl dinɛ na bak nintaŋ nɛ yʋ'ʋŋ ka an zanbin linɛ pa'an sɛɛung nɛ ʋʋn, nɛ dabisa nɛ yʋma.

Ka Wina'am yɛl ye, “Kɛl ka bʋmbʋʋda buudi wʋsa bul teŋinɛ yina. Bʋmbʋʋdbanɛ du'ad bielim nɛ tiis buudi wʋsa banɛ wan wala ka mɔr biili.” Ka li sid niŋ ala.

Ka Wina'am kɛ ka bʋnlammir la bɛŋ kuokanɛ bɛɛ agɔl la ka bas kuokanɛ bɛ teŋir la. Ka li sid niŋ ala.

Ka teŋ la pɛ'ɛl nɛ zʋʋd nɛ tiis. Ka bʋmbʋʋda wʋsa du'a li buudi. Ka Wina'am nyɛ ka li an sʋm.

Wina'am da maal nɛ bugum kanda ayi'. Bugum tita'ar la da tisid nɛɛsim nintaŋ ka bugum si'asiŋ la tisid nɛɛsim yʋ'ʋŋ. O da lɛm maal nwadbibis.

Ka Wina'am yɛl ye, “Kɛl ka ku'okanɛ bɛ saŋgbauŋ la teŋir la la'as zin'ig yinne, ka kɛ ka li teŋir la nie.” Ka li sid niŋ ala. Ka Wina'am buol zin'ikanɛ nie ka kʋdig la ye, “Teŋ,” ka buol ku'om la ye, “Atɛuk.” Ka Wina'am nyɛ ka li an sʋm.

Ka Wina'am niŋi ba zug bareka ka yɛl ye, “Kɛl ka zimi la wiaki pɛ'ɛl atɛuk la ka kɛ ka niis la mɛ wiaki pɛ'ɛl teŋgbauŋ la.”

Ka Wina'am yɛl ye, “Kɛl ka teŋgbauŋ la mɔr bʋnvʋya nɛ li buudi wʋsa, yin bʋnkɔnbid nɛ bʋnvʋya banɛ vuud teŋin nɛ sian'arin bʋnkɔnbid wʋsa nɛ ba buudi.” Ka li da niŋ ala.

Ka Wina'am yɛl ye, “Kɛl ka ku'om la mɔr zimi nɛ bʋnvʋya banɛ bɛ ku'omin wʋsa, ka kɛ ka niis buudi wʋsa ian'ad agɔla.”

Wina'am da maal sian'arin bʋnkɔnbid la nɛ ba buudi, nɛ yin bʋnkɔnbid nɛ ba buudi nɛ bʋnkɔnbid banɛ vuud teŋin la wʋsa nɛ ba buudi. Ka Wina'am nyɛ ka li an sʋm.