Աստվածաշնչի հայտնի հատվածներ MARKOS 14-ից

Կիսվել

“Ko Pa,” u duwai, “Ko Pa jong nga! Baroh kiei kiei ki long kiba lah ha me. Shim noh na nga ïa kane ka khuri jong ka jingshahshitom. Pynban ym ïa kaei kaba nga kwah, hynrei ïa kaei kaba me kwah.”

Bad u la ong ïa ki, “To sumar bad to duwai ba phin ym hap ha ka jingpynshoi. Ka mynsiem ka kwah hynrei ka doh ka tlot.”

Mynta, nga ong skhem ha phi, ba shano shano ba yn ïalap ïa ka Gospel ha kylleng ka pyrthei, ïa kaei kaba ka la leh yn ïathuh ban kynmaw ïa ka.”

bad u la ong ha ki, “Ka jingsngewsih ha ka dohnud jong nga ka long kaba khraw katta katta haduh ba ka la jan pynlwet ïa nga. Ïashong hangne bad to ïai ap.”

Katba ki dang ïabam, U Jisu u la shim ïa u kpu, u la duwai ainguh bad u la kdiah ïa u, bad u la ai ïa u ha ki synran jong u, “Shim ïa u, une u long ka met jong nga” u la ong.

Nangta u shim ïa ka khuri, u la ainguh ha U Blei, bad u la ai ïa ka ha ki; bad baroh ki la dih na ka. U Jisu u la ong, “Kane ka long ka snam jong nga ïa kaba la pynmih na ka bynta kiba bun, ka snam jong nga kaba pynskhem ïa ka jutang U Blei.

U Jisu u la ong ha ki, “Baroh na phi phin phet noh bad phin iehnoh ïa nga, naba ka Jingthoh Bakhuid ka ong, ‘U Blei un pynïap ïa u nongaplangbrot, bad ïa ka kynhun langbrot yn pynsakma.’

Ïeng joit, ïa ngin ïaleit noh. Ha khmih, hangne u don u briew uba shetkylla ïa nga!”

U Jisu u la ong ha u Petros, “Nga ong ïa me ba ha shuwa ba u syiar un kyn-ih ar sien mynta ka miet, men sa ong lai sien ba mem ithuh ïa nga.”