If you have would like a copy of this version please contact info@davarpartners.com

The Lusoga Bible

<div class="version vid1256 iso6393xog" data-vid="1256" data-iso6393="xog">
 <div class="book bkGEN">
 <div class="chapter ch9" data-usfm="GEN.9">
 <div class="label">9</div><div class="s1">Katonda akola endagaano ni Noa</div><div class="p"> 1Katonda yaagha Noa n'abaana be enkabi, yaabakoba ati: &#8220;Muzaale, mwale, mwidhuze ensi. 2Buli nsolo, buli nhonhi, buli kyeghaluliza ku itaka era na buli kyanhandha ebyo byonabyona biidha kubatyanga. Byonabyona biteereibwa mu buyinza bwaimwe. 3Kiisi kiramu ekitambula kinaabanga kya kulya kyaimwe byonabyona mbibaghaire, nga bwe nabagha n'ebimera. 4Aye kye mutateekwa kulya, n'emamba ng'erimu omusaayi; kuba omusaayi n'obulamu.#Lev 7:26-27; 17:10-14 5Ole bw'anaazikirizanga obulamu obw'omuntu, aidha kuvunaanibwanga era abonerezebwe. N'ensolo dhoona dhiidha kubonerezebwanga olw'okuzikiriza obulamu obw'omuntu. 6Omuntu yakolebwa mu mboneka ya Katonda: Kale ole bw'anaitanga omuntu, yeena aidhanga kwitibwa.</div><div class="p"> 7&#8220;Imwe muzaale era mwale, mwidhuze ensi era mugifuge.&#8221; 8Agho Katonda yaakoba Noa ni batabane be ati: 9&#8220;Bona, ndi kukola endagaano yange n'imwe, era n'eizaire lyaimwe erinairangagho 10era na buli kiramu ekiri n'imwe, enhonhi, ensolo enfuge n'edh'omu nsiko, byonabyona ebyafuluma mu lyato. 11Ndi kukola endagaano yange n'imwe nti: ebiramu tibikairayo kuzikirizibwa mwidhuzo gwa maadhi kabiri, era omwidhuzo tigukairayo kubaagho kuzikiriza nsi kabiri.&#8221; 12Katonda yaakoba ati: &#8220;Kano n'akamanhiso akooleka endagaano ey'ebyanda n'ebyanda, ye ndi kukola n'imwe, era ni buli kitonde ekiramu ekiri n'imwe: 13ndi kuta akalaso kange mu bire, kabe akamanhiso akooleka endagaano ye nkoze n'ensi. 14Kale bwe nnaaleetanga ebire ku nsi, akalaso ako ni kaboneka mu bire, 15ndidha kwidhukiranga endagaano yange ye nkoze n'imwe, era ye nkoze na buli kitonde ekiramu. Era amaadhi tigakairamu kufuuka mwidhuzo kabiri okuzikiriza ebiramu byonabyona. 16Bwe kanaabonekanga mu bire, ndidhanga kukalingaku ndidhukire endagaano etawaagho ye nkoze na buli kitonde ekiramu kyonakyona ekiri mu nsi. 17Ako n'akamanhiso akooleka endagaano ye nkoze n'ebiramu byonabyona ebiri ku nsi.&#8221;</div><div class="s1">Noa ni batabane be</div><div class="p"> 18Batabane ba Noa abaafuluma mu lyato ni bano: Shemu, Hamu ni Yafethi. Hamu oyo n'eyazaala Kanaani. 19Abo bonsatuli Noa n'eyabazaala era mu abo n'omwava abantu abaidhula ensi yoonayoona.</div><div class="p"> 20Noa n'eyasookereza okuba omulimi era yaasimba eisamba ery'emizabbibu. 21Bwe yanhwa ku mwenge ogw'emizabbibu, yaatamiira, yaatoolamu engoye yaasigala madu mu weema ye. 22Hamu, lata wa Kanaani, yaabona nga ise ali madu, yaafuluma, yaakobera baganda be bale ababiri. 23Agho Shemu ni Yafethi baatoola ekivaalo, baakigemera einhuma ku mabega gaibwe. Baatambula ekyeinhumainhuma, baingira mu weema, baaghemba iseibwe eyali amadu, nga tibamulinzeeku ku mubona. 24Noa omwenge bwe gwamuwa ku mutwe, n'ategeera omwana we asembayo obuto ky'amukoze, 25yaakoba ati:</div><div class="q1">&#8220;Kanaani akolimirwe</div><div class="q2">aidha kubanga mwiru wa baganda be.&#8221;</div><div class="m"> 26Era yaakoba ati:</div><div class="q1">&#8220;Musengwa Katonda asaakibwe, Katonda wa Shemu;</div><div class="q2">Kanaani aidha kubanga mwiru wa Shemu.</div><div class="q1"> 27Katonda agaziye ekiketezo kya Yafethi,</div><div class="q2">babenga ghalala ni Shemu;</div><div class="q2">Kanaani abenga mwiru we.&#8221;</div><div class="p"> 28Omwidhuzo nga guwoire, Noa yaaghangaala emyaka egindi ebikumi bisatu n'ataanu (350), 29era yaafa ng'agheza emyaka lwenda n'ataanu egy'obukulu (950).</div>
 </div>
 </div>
</div>

Baibuli Ekibono kya Katonda © The Bible Society of Uganda, 2014

Katonda yaagha Noa n'abaana be enkabi, yaabakoba ati: “Muzaale, mwale, mwidhuze ensi. Buli nsolo, buli nhonhi, buli kyeghaluliza ku itaka era na buli kyanhandha ebyo byonabyona biidha kubatyanga. Byonabyona biteereibwa mu buyinza bwaimwe. Kiisi kiramu ekitambula kinaabanga kya kulya kyaimwe byonabyona mbibaghaire, nga bwe nabagha n'ebimera. Aye kye mutateekwa kulya, n'emamba ng'erimu omusaayi; kuba omusaayi n'obulamu. Ole bw'anaazikirizanga obulamu obw'omuntu, aidha kuvunaanibwanga era abonerezebwe. N'ensolo dhoona dhiidha kubonerezebwanga olw'okuzikiriza obulamu obw'omuntu. Omuntu yakolebwa mu mboneka ya Katonda: Kale ole bw'anaitanga omuntu, yeena aidhanga kwitibwa.
“Imwe muzaale era mwale, mwidhuze ensi era mugifuge.” Agho Katonda yaakoba Noa ni batabane be ati: “Bona, ndi kukola endagaano yange n'imwe, era n'eizaire lyaimwe erinairangagho era na buli kiramu ekiri n'imwe, enhonhi, ensolo enfuge n'edh'omu nsiko, byonabyona ebyafuluma mu lyato. Ndi kukola endagaano yange n'imwe nti: ebiramu tibikairayo kuzikirizibwa mwidhuzo gwa maadhi kabiri, era omwidhuzo tigukairayo kubaagho kuzikiriza nsi kabiri.” Katonda yaakoba ati: “Kano n'akamanhiso akooleka endagaano ey'ebyanda n'ebyanda, ye ndi kukola n'imwe, era ni buli kitonde ekiramu ekiri n'imwe: ndi kuta akalaso kange mu bire, kabe akamanhiso akooleka endagaano ye nkoze n'ensi. Kale bwe nnaaleetanga ebire ku nsi, akalaso ako ni kaboneka mu bire, ndidha kwidhukiranga endagaano yange ye nkoze n'imwe, era ye nkoze na buli kitonde ekiramu. Era amaadhi tigakairamu kufuuka mwidhuzo kabiri okuzikiriza ebiramu byonabyona. Bwe kanaabonekanga mu bire, ndidhanga kukalingaku ndidhukire endagaano etawaagho ye nkoze na buli kitonde ekiramu kyonakyona ekiri mu nsi. Ako n'akamanhiso akooleka endagaano ye nkoze n'ebiramu byonabyona ebiri ku nsi.”

Batabane ba Noa abaafuluma mu lyato ni bano: Shemu, Hamu ni Yafethi. Hamu oyo n'eyazaala Kanaani. Abo bonsatuli Noa n'eyabazaala era mu abo n'omwava abantu abaidhula ensi yoonayoona.
Noa n'eyasookereza okuba omulimi era yaasimba eisamba ery'emizabbibu. Bwe yanhwa ku mwenge ogw'emizabbibu, yaatamiira, yaatoolamu engoye yaasigala madu mu weema ye. Hamu, lata wa Kanaani, yaabona nga ise ali madu, yaafuluma, yaakobera baganda be bale ababiri. Agho Shemu ni Yafethi baatoola ekivaalo, baakigemera einhuma ku mabega gaibwe. Baatambula ekyeinhumainhuma, baingira mu weema, baaghemba iseibwe eyali amadu, nga tibamulinzeeku ku mubona. Noa omwenge bwe gwamuwa ku mutwe, n'ategeera omwana we asembayo obuto ky'amukoze, yaakoba ati:
“Kanaani akolimirwe
aidha kubanga mwiru wa baganda be.”
Era yaakoba ati:
“Musengwa Katonda asaakibwe, Katonda wa Shemu;
Kanaani aidha kubanga mwiru wa Shemu.
Katonda agaziye ekiketezo kya Yafethi,
babenga ghalala ni Shemu;
Kanaani abenga mwiru we.”
Omwidhuzo nga guwoire, Noa yaaghangaala emyaka egindi ebikumi bisatu n'ataanu (350), era yaafa ng'agheza emyaka lwenda n'ataanu egy'obukulu (950).

Լսել Amainhama 9