Jenɨzɨzɨ 25
25
Evɨraamɨ Keturaayavɨ kwala maryaa'.
(25:1-6)
1-6Evɨraamɨ a'mwe pɨrɨ' Keturaaya' kamaara' gawaalɨvaanga daraai daraai daraai mɨla'. Gawaalɨvavaavɨ yaya ge' ge' wɨda' “Pwai Sɨmɨranɨ, pwai Jokɨzaanɨ, pwai Methaanɨ, pwai Mɨthɨyanɨ, pwai Yɨzɨvaakɨ, pwai Sɨwaa.” Yaya wo'nɨkera kamwaale' dɨvidaasa' Keturaayavɨreraavɨ Evɨraamɨ gɨlyɨvɨta pwarɨ pɨrɨ'na, pwarɨ pɨrɨ'na wɨmaaryaka wɨdaasaka gannya gɨlyɨvɨta yuya Aazakɨmɨna wɨjaava'.
Evɨraamɨ balɨna yaa'.
(25:7-11)
7-11Evɨraamɨ kwarame 175 kwavɨlava' bala'. Kabala' gawaalɨvaangeraai Aazakɨjɨ Yɨzɨmelɨjɨ saraai Maakɨpela simaangevɨ Evɨraamɨ Seraavɨ wakakevɨ wakagi. Yɨ Gotɨyai Evɨraamɨmɨne tewaanna sara yake' yɨ Aazakɨmɨne tewaanna sara ya'. Tewaanna yadaa'nyɨ Aazakɨ aalɨbunya Laa'eroi saba mwaala'.
Yɨzɨmelɨ balɨna yaa'.
(25:12-18)
12-18Yɨzɨmelɨ kwaaka Yɨzɨpɨ pimagɨ mwaalyai kuvɨnɨmaangei gawaalɨvaanga sɨvɨlɨraai ata purɨdaasɨ pwaraalyaraavɨ wɨmwaaiha'. Yɨzɨmelɨ mwaalakei mwaalakei bala'.
Revekaa' Jaikopɨjɨ Yɨzolyɨ saraarɨ mɨlyaa'.
(25:19-26)
19-26Aazakɨmɨre a'mwe' Revekaa' kaimɨraavɨmaaya' mwaaidɨ'nyɨ Aazakɨ Gotɨyarɨ Revekaavɨna kuda' a'mwe kaimɨraavɨmunnake' mwaala'. Kaimɨraavɨmunnaka' kamwaala' Gotɨyai wɨda' “Bwaranyaraai pwaraainesɨ. A'mwe saraai yɨ pwai a'mwe pwaraavɨ kuvɨnɨmaangei yɨma'nadelyɨ. Yɨ pwai a'mwe pwaraavɨ kuvɨnɨmaangei yɨma'nadelyɨra. Pwai dɨragɨnna kamwaalojɨ pwai kɨbawana mwaaladelyɨra. Sɨraangei dɨviyarɨne wawɨnya wɨdaayadelyɨra,” wɨda' Gotɨyai. Dɨvidaa'nyɨ Revekaa' avaalagaa' bwaranyaraai pwaraai maara'. Kamaara' “Sɨraangarɨne yaya' Yɨzoi dɨviyai Jaikopɨ,” sara dahi.
Sɨraangei Yɨzoi mubya'na “Gɨmɨ sɨraangeigɨnyɨra,” wɨjaa'.
(25:27-34)
27-34Kɨdaraai a'mweraai kyɨma'nagi yɨ Yɨzoi yɨkurɨyaawɨhaya'na yakelyɨ. Yɨ Jaikopɨ gannya wawɨnyanna yɨwaainada angebanna mwaaidelyɨ. Yɨkurɨyaawia kamaara' waburya'na wiakei Aazakɨ Yɨzorɨ yɨlaaya marina ya'. Revekaa' Jaikopɨmɨ yɨlaaya marya'. Pɨgaa' Jaikopɨ yɨwaadabe yɨraaina yakegaa' Yɨzoi mɨjɨka wiakei yɨ'daryavɨdaasɨ wɨlaaba'. Wɨlaabaka Jaikopɨmɨ wɨda' “Wapaaya wayaaka pɨrɨ' nyɨjaama!” Mi'na kuda' Jaikopɨ wɨda' “Sɨnnawɨ sagaa' sɨraangebwina gɨmubɨma! ‘Nɨmɨ a'mwe naanga yɨma'nɨdeinyɨ,’ dena gɨthɨwa.” Yɨzoi wɨda' “Mɨjɨka naanga nyɨwake'na nɨmɨ kabaimudɨkeinyɨra. Nɨmɨ a'mwe naangeinyɨ dadɨnyainyɨ dahaa' aawano. Nɨmɨ a'mwe naangeinyɨ mamwaalyɨ yɨdeinyɨra. A'mwe naangannya' waramaryana! Sa' maalɨkesɨra.” Sara kuda' Jaikopɨ wɨda' “Kwaasɨ yagaala nanyɨdɨthɨka! Naange'na nyɨdana!” Sara kuda' Yɨzoi sara ya'. Mi'na kya' Jaikopɨ wapaaya kujaava' Yɨzoi na'.
Jelenleg kiválasztva:
Jenɨzɨzɨ 25: byr
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
© 2013, Wycliffe Bible Translators, Inc. All rights reserved.
