LUKAS 4:5-8

Ibito' boo i Jisus ru Tingganai ru riwato no ra rondo' intok ondo' masawat. Ra sangkuliop ayuk pinakito no i Jisus ra ngaangai' karajaan ra tana' ti. Indagu Tingganai ru riwato no ri Jisus, “Pataakin ku Rirun ngaangai' kuasa' am kalangkayaan ti. Sabap ra ngaangai' no pinataak noyo raki' am pataakin ku ra osoi ayuk pana ondo' kasagaan kuno. Okou tatangan ngaangai' no amon ru minsugut Kou sumamba raki'.” Taam i Jisus, “Tinulisan noyo ralalom Buuk Kitab, ‘I Aki Kapuuno' ayuk sambaan muno am mangandoi ayuk Riso!’ ”