Acts 7
7
1A bi ndohi mvi skwi a Zhiklè a ndzhoƋo:
Narsa Ƌè?
2A nenga'a a ngaƋa:
Dalahimam ga, babhi ga haha, vatsena'a! Bi Zhiklè, Bab n'njèlè, a ngudoko na va a dai a Abraham, bab nga, te va man a zhè te kokwar Mèsopotamie dai, a n'nza a Charran di ɓai, 3a ngaƋa na: Jèkeda kokwar ngaya, a gwoli ngaya, a ko do a kokwar ngiƋè, man i da ngra ka. 4A nenga'a a njèkeda kokwar Chaldée, a n'nza a Charran. Aman bab nenga'a a m'mets na ma, Zhiklè a nckoƌa a kokwar haha, man kin nza te pa antanta.
5A mva na skwi n'ndi gi te pa ɓai, ko sam man a pi sak a pa. A n'ngra na, a woya a mva ta ndohi te verzi nenga'a, ko a mya kra di ɓai. 6Aman Bi Zhiklè a goƌ ar haha: Ndohi te verzi ngaya ta da gi a ndohi mbrokihai te kokwar ngiƌè, man kokwar tenga'a ka ɓai, a ta da ga ta ɓèlè, a ta da ga ta matakwan mvi tèmèrè faƌ. 7Bi Zhiklè a ngaƌa: I woya man i gi kita ndohi man ta ga ta ɓèlè. Te deɓa'a ta da Ƌè auda a sama'a, a ta tsi ri a iye a haha.
8A mva na nderzlèma te n'ngél ngwon. Abraham a myu Isaac, a n'ngela na ngwon te pats matsamakaƌa'a. A Isaac a myu Jacob, a Jacob a myu babhi zlèzlèa kula a géƌè'a cèw.
9A babhi zlèzlèa ta gu srak a géƋ Joseph, a ta preda ma a kokwar Egypte. 10Aman Zhiklè a zhè a sam nenga'a, a m'mbela'a te ri matakwan, a mva na pombai a maya a sam di Pharaon, bi Egypte. Nenga'a a n'nga'a a ngomna te kokwar Egypte, a géƋ gi nenga'a tèlèba.
11Aman mi mbia'a mwuƋitpa a ngu te kokwar Egypte a Canaan tèlèba, a babhi nga ta ngatsaskwi n'ndi ɓai. 12Aman Jacob a ntsena'a, dau a zhè te kokwar Egypte, a nzlinde ta babhi nga sak staƋ. 13Macecèwa'a, Joseph a n'ngreda ta va nenga'a a kramamhi na, a ta ngreda na verzi Joseph a Pharaon.
14A Joseph a nzlundo ndo, a mbaba na Jacob, bab na, a gwoli nenga'a tèlèba, a sam na, ndohi 75. 15A Jacob a ndo a kokwar Egypte, a m'mets na, a va babhi nga ba. 16A ta da'a a kokwar Sichem, a ta rda a gi dzavai a sam man Abraham a suma a suli na ma, te ri ndohi Hémor te kokwar Sichem.
17Aman ndul ndul pats n'ndev mpèsl ri man Zhiklè a ngaƌa na Abraham, ndohi ta zlèzlèmè a ma ma te kokwar Egypte. 18A bi ngiƌè a nshkè, man a sun Joseph ɓai. 19Nenga'a a n'ngwode ta gwoli nga, a n'nga ta matakwan a babhi nga, aman ta jèkeda wudahi nkèshèa a dala, a ta bazl ta.
20Te ndev nasa ta yu Moise, nenga'a kra man amba a sam di Zhiklè, a ntsuƋo wa mam na te gi bab na ki makar. 21Aman ta jèkeda a dala, dem Pharaon a mco, a n'ngra'a, ara kra na. 22A ta senda na Moise maya ndohi Egypte tèlèba, a nenga'a a ngu a ndo n'nzala'a te mizlinè, te ma.
23Aman mvi nenga'a 40 ma, a nhur a nƋè, aman a rka kramamhi na, ndohi Israel. 24A nrka'a, ta ga na matakwan a ndo ngiƋè ambalai, a nzlatsa, a mpela na di man a na, a nkeƋa ndo Egypte. 25A nhuro kramamhi nenga'a ta suna, Zhiklè a woya a mbel ta a ri nenga'a. Aman ta sun ɓai.
26Te mangoslèma'a a mshkè a sam ta, aman ta bozl va, a ngaƋa ta, aman ta tsi gumai: Dalahimam ga, kinè a kramama! NgiƋè a ga na skwi ambaɓia'a a ngiƋè èhèmè? 27Aman ndo mwoy ma a nzukda Moise a deɓa, a ngaƋa: 28N'nge ka a ndo mbia'a, a ndo kita te ndev nga wa? Ka woy a ka keƋyè lèmèlèmè ara man ka keƋa ndo Egypte maƋatsa Ƌè? 29Aman Moise a ntsena ma haha, a nhu na, a n'nza a mbrok te kokwar Madian. Te pa a myu wudahi cèw.
30Te deɓ mvi kulkul faƋ gol Zhiklè a ngudoko na va a dai t'hèshèkèƋ te nè'èn vogwa te va vatak nthososa'a, te verzi za Sinai. 31A Moise man a rka'a, a nrzl na a géƋ skwi man a rka'a. Aman a herda na va, a mpi dia'a, a ntsena ngèƋè Bi Zhiklè: 32Iyè Bi Zhiklè bababhi ngaya, Bi Zhiklè Abraham, Bi Zhiklè Isaac, Bi Zhiklè Jacob. A Moise a ngudzi a ngu zlau man a pi dia'a.
33A Bi Zhiklè a ngaƋa na: SuƋko kotoKoroh auda te sak ngaya! Aman sam man ka zlatsa a pa, sam nkezla'a. 34I pu dai, a i rka matakwan ndohi ga te kokwar Egypte, i tsena kuƋ tenga'a, a i shkè a hai, aman i mbel ta. Antanta sèi ka shkè, i woya man i zlinde ka a kokwar Egypte. 35Moise haha, man ta kwola'a, a ta gaƋa: N'nge ka a ndo mbia'a a ndo kita te ndev nga wa? Nenga'a Zhiklè a nzlündo a ndo mbia'a, a ndo m'mbel ndo, man gol Zhiklè a ngudoko na va a dai te ndev vatak.
36Nenga'a a nde ta auda, a ngu nrkedai, a n'ngreda ta skwi tsaƋ tsaƋ te kokwar Egypte, te woyam mbia'a nduzoa'a, t'hèshèkèƋ, mvi kulkul faƋ. 37Nenga'a Moise man a gaƋa ta ndohi Israel: Bi Zhiklè kinè a di a slambaƋda kinè ndo nhadka ma te ndev kramamhi kinè, ara va ga. 38Nenga'a man a zhè a sam mɓicè ndo t'hèshèkèƋ, a nda gol Zhiklè, man a gaƋa na a géƋ za Sinai, a nda bababhi nga.
39Nenga'a a n'ngots ma nshèffè, man a da va nga. Aman bababhi nga ta woy a ta fa na gèƋ ɓai, aman ta kwola'a, a ta woy a ta min ta a deɓa a kokwar Egypte. 40Ta gaƋa na Aaron: Rama nga zhiklèhai, man ta Ƌè a ma nga! Nga sun skwi man a ga na Moise ɓai, man a helka nga auda te kokwar Egypte.
41A ta rom kra zlè a pats nasa, a ta zla na skwi a skwi mbèh skwi haha, a ta wuffè a géƋ skwi man ta roma a ri ta. 42Aman Zhiklè a m'menda va na a deɓa, a njèke ta, aman ta tsi ri a mèzhèɓhi t'hwaƋ giƋfèk, ara man ta windo te Ƌèlèwèr ndohi nhadka ma: Kinè ndohi Israel! Mvi kinè kulkul faƋ te hèshèkèƋ, kin zlau skwai a kin vayè a iyè Ƌè?
43Kin co gi Moloch a bantihi Remphan, zhiklè kinè, man kin roma, a kin tsu ri a sam ta. I woya man i de kinè a deɓ Babylone. 44Bababhi nga ta ngots gi malwuƋi Zhiklè t'hèshèkèƋ, ara Zhiklè a ngaƋa na Moise, a n'ngra na aman a gia'a, a lèmƋè a skwi man a rka'a.
45A bababhi nga te deɓa'a ta co, a ta da'a a verzi Josuè a kokwar ndohi nte deɓa, ndohi man Zhiklè a ndzar ta auda a ma bababhi nga, ha nƋè a ma David. 46David a n'ngots pombai a sam di Zhiklè, a ntsu rai, aman a ngatsa na gi a Zhiklè Jacob. 47Aman Salomon, nenga'a a nrama na gai.
48Aman Zhiklè te géƋè'a a géƋ skwi tèlèba, a nzi te gi man ri ndo a ngau, azɓai, ara man ndo nhadka ma a gaƋa: 49GiƋfèk sam n'nzi ga, a herkeda skwi nfí sak ga. Kin woy a kin ramay gi mè? Bi Zhiklè a gaƋa. Sam man i shèk va a pa tema? 50Ri ga a ngu skwi haha tèlè ka ɓi Ƌè?
51Kinè ndohi mèƋègèƋ, ndav kinè a zlembaƋ kinè ntil ɓai, kin sala na va a gèƋ a Mèzhèɓ Zhiklè nkezla'a pèc pècèk, lèmèlèmè ara babhi kinè. 52Ndo nhadka ma tema, man babhi kinè ta dzara ɓai? A ta bazl ta ndohi man daga zlèzlèa ta ngreda nshkè ndo nzura'a. Aman kinè, ndohi man kin ga na ri a gèƋ, a kin keƋa'a. 53Kin ngots ma kita Zhiklè te ri golahi Zhiklè, kin dzadzara ɓai.
54Aman ta tsena ma haha, a ndza ta a ndav, a ta peƋi zlè'èn a géƋ nenga'a. 55Aman Mèzhèɓ Zhiklè nkezla'a a n'ndha ndav Etienne, a mpu di a zhiklè, a nrka n'njèl Zhiklè, a Yèsu nzlatsa te civèƋ ri mandi Zhiklè, a ngaƋa:
56Na haha i rka giƋfèk mwinèa, kra-ndo nzlatsa te civèƋ ri mandi Zhiklè.
57A ta hèzlèwè a ta pizlè zlembaƋ ta, a ta humda na va a gèƋ, 58a ta ngazleda auda te kokwar, a ta kola a kwa a ta keƋa'a. A ndohi malwuƋihai ta pa na maslaka tenga'a a ri a gol ngiƋè, nzlembaƋ nenga'a Saul. 59A ta kol Etienne a kwa. Aman nenga'a a mboho:
Bai Yèsu, co mèzhèɓ ga!
60A nkalahi a gurmbèzh, a ngoƋ a wuƋai:
Bi Zhiklè, ka da jèka ta mali tenga'a haha a gèƋ ɓai! Aman a goƋ ma haha, a m'mets na.
Nkéƌ na ambaba Saul.
Jelenleg kiválasztva:
Acts 7: MAFNT
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Mofa New Testament © The Bible Society of Cameroun, 1989
