Acts 5

1Ndo ngiƋè a zhè, nzlembaƋ na Ananias, ngwoz na Saphira. Ta preda gi dau taa ma. 2Te skwi tenga'a man ta preda ma, ta nghedaha suli kètè. Ngwoz nenga'a ba a suna. NjèkèƋi sulai, Ananias a nhulkoƋai, a mpa ta ndohi sak. 3A Pierre a ngaƋa:

Ananias, SaƋan a n'ndha ndav ngaya èhèmè, aman ka cèkèlma a sam Mèzhèɓ Zhiklè nkezla'a, a ka nghedaha suli gi dau ngaya kètè? 4Man ka da preda ma ɓai, skwi ngaya ka ɓi Ƌè? Aman ka preda ma, skwi wuƋi ngaya ka ɓi Ƌè? Ka hur te ndav ngaya ar haha èhèmè? Ka tsokol ma a sam ndohi ka ɓai, ka tsokol ma a sam Bi Zhiklè.

5Aman Ananias a ntsena ma haha, a nkalahai, a m'mets na. A zlau mbia'a a ndza ta ndohi tèlèba man ta tsena'a. 6A golahi ta co nckondo, a ta da auda, a ta ra'a. 7Te deɓa kètè ngwoz nenga'a a mshkè, a sun skwi man a gu ɓai. 8A Pierre a ngaƋa na:

Ngrayè, kin preda gi dau kinè a ma, a suli tar naha genè Ƌè?

9A nenga'a a ngaƋa:

Halau!

A Pierre a ngaƋa na ngwoz:

Kin humda ma kinè, aman kin jkeƋè Mèzhèɓ Bi Zhiklè èhèmè? Na haha sam sak ndohi man ta ri baki ngaya, a cinè a ntamagai. A ta da zuɓ ka lèmèlèmè.

10A nasa nasa a nkalahai, a m'mets na. Aman golahi ta shkè a gai, ta ngotso, m'metsa ma. A ta zuɓdauda, a ta ra'a a tsagi baki na. 11A mpi ndohi Zhiklè tèlèba ta gu zlau a vata.

12A ndohi sak ta gu nrkedi kumba a sam ndohai, a ta ngreda skwi kumba auda. Ta tèlèba ta zhè te mozoƋo Salomon te gi Zhiklè, nhér gèƋ ta staƋ. 13Te ndev ndohi nte deɓa ko staƋ a ndzadzar ta ɓai; ta gu zlau. 14Aman ndohi tèlèba ta nzal ta. Ndohi ngiƋè tsaƋ tsaƋ, ngurhi a ngwozi kumba ta humda ta va a va, a ta co Bi Zhiklè a ndav ta.

15A ta hulko ndohi matakwan a civèƋ a sam m'mènè, a telai, a sam Pierre; ko man ta bezde ta a mèzhèɓ nenga'a genè ba.

16A ndohi rèƋèƋèa ta shkè te kokwar, man a ma kokwar Jérusalem, a ta hulkoƋi ndohi matakwan a ndohi man mèzhèɓhi ambaɓihia'a a ga ta, a ta mbel ta a matakwan tèlèba.

17A bi mvi skwi a Zhiklè, a ndohi sadducée tèlèba ta slambaƋa, a ta gu srak. 18A ta par ta ndohi sak, a ta pe ta a gi dangai. 19Aman a vaƋ, gol Zhiklè a mwina ntamagi dangai, a nde ta auda, a ngaƋa:

20Vodo, vazlatsa a gi Zhiklè, vagaƋa ta ndohi ma nshèffè haha tèlèba!

21Aman ta tsena ma haha, to do a gi Zhiklè a prèk te gai, a ta senda ta ndohai. A bi mvi skwi a Zhiklè a mshkè, a ndohi man ta zhè a sam na, a ta baba ta ndohi ncèmma, a ndohi nhala'a te Israel tèlèba, a ta zlündo ndo a gi dangai, aman a helka ta. 22Aman sojèhi tenga'a a ta shkè, ta ngats ta te gi dangi ɓai, a to do a deɓa, a ta ngreda a ndohi mbibihia'a, a ta gaƌa:

23Nga ngots ntamagi dangai, mɓara zura'a, a ndohi mɓer ntamagi ta zlatsa a ntamagai. Aman nga wina ntamagai, ndo a te pa ɓai.

24Aman ndohi mvi skwi a Zhiklè mbibihia'a, a tsuvom ndohi mɓer gi Zhiklè, ta tsena'a, ta huro:

25Skwi haha a gu nkèkèkè?

A ndo ngiƋè a mshkè, a ngaƋa ta:

Na haha, ndohi man kin pe ta a gi dangai, ta zlatsa te gi Zhiklè, ta senda ta ndohai.

26A tsuvom ndohi mɓer gi Zhiklè, a sojèhi nenga'a to do, a ta helka ta, a wuƋi ka ɓai, aman ta gu zlau ndohai; ta gaƋa, ta da kal nga a kwa. 27Aman ta helka ta, a ta zlatsede ta a sam ndohi ncèmma, a bi ndohi mvi skwi a Zhiklè a ndzhaƋ ta:

28Nga fa kinè ma a gèƋ, aman kin senda ta ndohi a nzlembaƋ haha ɓai, na haha kin ndha kokwar Jérusalem tèlèba a njèma kinè, a kin woy a kin gi aman ta jhèƋè pombaz ndo haha te ri nga.

29A Pierre a ndohi sak ta mbeƋa ta a ma:

Ndo da fu gèƋ a ma Zhiklè, a fena ma ndohai. 30Zhiklè babhi nga a nslambaƋda Yèsu te m'metsai, nenga'a man kin keƋa'a, a kin gezlala'a. 31Nenga'a, Zhiklè a nzala'a a ri mandi nenga'a, aman a gi a ndo ncè ta ma ndohai, a ndo m'mbel ndo, aman kokwar Israel a ngwèƋè ndav na, a ngècè mprè malai. 32Nga ndohi malwuƋihi te skwi sa; nga a Mèzhèɓ Zhiklè nkezla'a, man Zhiklè a va ta tenga'a man ta fí gèƋ a ma nenga'a.

33Aman ta tsena ma haha, ta gu ndav a vata, a ta huro ta woy a ta bazl ta. 34Aman ndo ngiƋè te ndev ndohi ncèmma a nslambaƋa, ndo pharisie, nzlembaƋ nenga'a Gamaliel, ndo malam man ndohi tèlèba ta slébèrƋè'a, a ngaƋa ta aman ta de ta ndohi sak auda kètè. 35A ngaƌa:

Kinè, ndohi Israel, vagu maya a skwi man kin ga ta ndohi haha. 36N'nzi a zhè kètè, Theudas a nslambaƌa, a ndzugor va, a ndohi ngiƌè tèmèrè faƌ ta dzodzora. Aman ndo ngiƌè a nkeƌa'a, a ndohi tèlèba man ta fa gèƌ a ma nenga'a, a ta venda gèƌ ta. 37Te deɓa'a Jude, ndo Galilée, a nslambaƋa, a pats man ta nger ta ndohai; a ta gu aman ndohi kumba ta dzodzora. Aman nenga'a ba a m'mets na, a ndohi man ta fu gèƋ a ma nenga'a, ta venda gèƋ ta.

38Anai i gaƋa kinè: Vajèke ta ndohi haha, a kin pre ta! Aman skwi man ta hérè'a a ta gia'a a shkè te ndo, a di a géƋèsh na. 39Aman a shkè te Bi Zhiklè, a vava, kin slaha a kin zede ta ɓai. Da da ngats kinè ɓai ara ndohi man ta gi var a Bi Zhiklè!

40A ta co ma nenga'a. A ta baba ta ndohi sak, ta ndah ta, a ta fa ta ma a gèƋ, aman da goƋ ma a nzlembaƋ Yèsu asaɓai, a ta pre ta. 41A ndohi sak to do auda a sam ncèmma a mwuffè, a géƋ man ta slaha a ta si matakwan a nzlembaƋ Yèsu. 42Pèc pècèk ta senda ta ndohai, a ta njè ta ma Yèsu, nenga'a Kristi, te gi Zhiklè, te gi tsaƋ tsaƋ, ta jèka ɓai.

Jelenleg kiválasztva:

Acts 5: MAFNT

Kiemelés

Megosztás

Másolás