Acts 4

1Aman ta gèƌè a ndohai, ndohi mvi skwi a Zhiklè, a tsuvom ndohi mɓer gi Zhiklè, a ndohi sadducée, ta shkè a sam ta. 2Ta gu ndav, aman ta rka'a, ta senda ta ndohai, a ta njè ta nslambaƋkaƋa Yèsu auda te ndev ndohi m'metsa'a. 3A ta gs ta; aman pats nkala, ta pe ta a gi dangai, ha angoslèm.

4Aman ndohi kumba, man ta tsena ma'a, ta co a ndav. Ndohi nco a ndav, a gi gozhèm zlam. 5A prèk, bihi Juif a ndohi nhala'a, a malamhai, ta ɓiceda va a kokwar Jérusalem. 6Anne, bi mvi skwi a Zhiklè, a Caiphe, a Jean, a Alexandre, a tengahi tèlèba man ta te verzi ndohi mvi skwi a Zhiklè, 7ta zlatsede ta a sam kita, a ta dzhaƋ ta:

Kin gu skwi haha a wuƋi ngè, a nzlembaƋ ngè?

8A Pierre, n'ndha a Mèzhèb Zhiklè nkezla'a, a m'mbeƋa ta a ma:

Kinè, ndohi mbibihia'a, te ndev ndohai, kinè, ndohi nhala'a! 9Aman ta ga nga kita a patsna, a géƋ man nga takaha ndo vedal, a géƋ man nga takaha arsa, vasuna, kinè a ndohi Israel tèlèba! 10Ndo vedal a nzlatsa, a m'mbela a sam di kinè, a nzlembaƋ Yèsu Kristi ndo Nazareth, man kin gezlala'a, man Zhiklè a nslambaƌda te ndev ndohi m'metsa'a.

11Nenga'a kwa man kinè, ndohi nƌizlè gai, kin kwola'a; n'nga'a a kwa te verzia'a. 12Skwi m'mbel ndo te ndo ngiƋè azɓai, t'hwaƋ giƋfèk nzlembaƋ ngiƋè azɓai, man ta vi a ndohai, aman nga mbel nga.

13Aman ta rka ara Pierre a Jean ta goƋ a zlau ka ɓai, ta rzl ta, aman ta suna, ta ndohi man ta sun Ƌèlèwèr ɓai. Ta sen ta tenga'a, aman pèc pècèk ta nza a nda Yèsu pats ngiƋè. 14Aman ta rka ndo vedal man m'mbela, nzlatsa a tsagi ta, ta sun skwi man ta gèƋè ɓai. 15A ta hel ta auda a sam kita, a ta cèmma, 16a ta gaƋa:

Nga da ga ta ndohi haha kè?

Aman ndohi te kokwar Jérusalem tèlèba ta sun nrkedi man ta gau, a nga slaha a nga gèƋè, n'nga ar haha ɓi ɓai.

17Aman sèi nga guv ta a vata, da da ngreda na nzlembaƋ haha a ndo ngiƋè asaɓai, man ɓai a zlèzlèmè a ma ma.

18A ta baba ta, a ta fa ta ma a gèƋ, da nju ma a nzlembaƋ Yèsu asaɓai. 19A Pierre a Jean ta gaƋa ta:

VaƋöl a ri kinè: M'mbela na ngwa: aman nga cè ma kinè ƌè, ƌè aman nga jejèr ma Zhiklè ƌè?

20Nga slaha a nga jèkè ngèƌè azɓai a géƌ skwi man nga rka'a, a nga tsena'a.

21A ta guv ta za'a, a ta pre ta. Ta ngatsa skwi man ta ga ta kita a géƌè'a ɓai, aman ta gu zlau ndohai. Aman ndohi ta slubordo Zhiklè a gèƌ skwi tèlèba man a gau. 22Mvi ndo vedal man m'mbela a nrkedi haha, a fena 40. 23Aman ta pre ta ma, ta shkè a sam ndohi ta, a ta ngreda ta ma tèlè, man ndohi mvi skwi a Zhiklè mbibihia'a, a ndohi nhala'a, ta gaƌa ta. 24Aman ta tsena'a, ta hüno a ta tsu rai, ara ndo staƌ:

Bi Zhiklè nga, ka gu giƌfèk a herkeda, a iyam mbia'a, a skwi tèlèba man a zhè te pa. 25Ka goƌ te ma David, ɓèl ngaya: Ndohi herkeda ta gi ndav, a ndohi ta hèr skwi ambalai èhèmè? 26Bihi herkeda, a wudahi bai ta ɓicko va, aman ta slambaƌa na va a Bi Zhiklè a Kristi nenga'a.

27A vava, Hérode a Ponce Pilate, a ndohi herkeda tsaƋ tsaƋ, a ndohi Israel, ta vhè ma, a ta gu ndav a géƋ Yèsu, kra ngaya nkezla'a, man ka baƋa na mbar a gèƋ, 28a ta gu skwi man ri ngaya a woya a ngia'a a ka herda hai. 29Antanta, Bi Zhiklè, sèi ka rka ngüvè tenga'a a ka takaha ta ɓèlèlihi ngaya, aman ta njè ma ngaya a zlau ka ɓai. 30Ged ri ngaya, aman ndohi ta mbel ta, a ta rka nrkedi a skwi man n'ngreda auda a nzlembaƋ Yèsu, ndo mizlinè ngaya nkezla'a.

31Aman ta tsu ri arsa ma, sama'a man ta ɓiceda va a pa, a gudzai, a ndav tenga'a tèlèba n'ndha a Mèzhèɓ Zhiklè nkezla'a, a ta nju ma Zhiklè a zlau ka bai. 32Ndohi kumba, man ta co Yèsu a ndav, ta zhè a nhér gèƋ ta staƋ, ta mba ma ta; ndo ngiƋè azɓai, man a goƋ te skwi nenga'a: skwi haha a ga, skwi haha a ga, 33aman skwi tèlèba a tenga'a tèlèba. A ndohi sak tagu malwuƋi awuƋi mbia'ate nslambaƋkaƋa Bi Yèsu auda te m'metsai. Pombi mbia'a a zhè a sam ta tèlèba.

34Ndo azɓai te ndev tenga'a man a ngatsa skwa ɓai. Aman ta tèlèba man ta ngots gi dau, man ɓai gihai, ta preda ma, a ta cko suli skwi man ta preda ma, 35a ta pa ta ndohi sak, a tenga'a ta kezla na ndo staƌ staƌ a ta ƌèl te skwi man ta tèkwènè'a. 36Joseph, ndohi sak ta baba na a nshibèn na Bamabas (ara ngèƋè kra mbid ndo), te verzi Lévi, te kokwar Chypre, 37man a ngots dak, a mpreda ma, a ncko sulai, a mpa ta ndohi sak.

Jelenleg kiválasztva:

Acts 4: MAFNT

Kiemelés

Megosztás

Másolás