Matayo NDANGIRISO
NDANGIRISO
Matayo iwáanjikaa chine chitabo. Ábaa atúla mufuchisi wa mbarata. Béndee bámwěrika kanji mbu i'Lawi (Mariko 2:14). Yesu ámwamalaa chasiya ábe muuma mwa banafunzi bai ekumi na babiri (Matayo 9:9).
Chine chitabo cha Matayo chi chitúla chòmatanyise eChilaano Chiyayaya ne'Chilaano cho'kwa Mira. Echi chitabo, chilósise kwa Yesu Kirisito i'Masiya ola ebarebi bo'mwa Chilaano cho'kwa Mira bálaanyaa. Kanji i'Mwami munene ola wáshokaa mwa chirongo cha Tauti, mwami we'Bayuta. Matayo áanjikaa chine chitabo kwa kuhonda kuasa banyakabo Bayuta chasiya baményerere eMwasi Mubuya-buya ola utúla ùtechire mbu Yesu ábahaa nga Mununusi kanji Mwami wabo. Si oyu Mwasi Mubuya-buya análi kwa bandu boshi. Kwa businda bwe'chine chitabo, Yesu áburaa ebanafunzi bai mbu bàyaa mwa bisiki byoshi na kuíra ebandu be'mbaa soshi kuba banafunzi bai (Matayo 28:19).
Mwa ndangiriso ye'chine chitabo, Matayo àtondokire elubuto lwa Yesu áshokaa'mo, chasiya alóse echisiki cha Yesu mwa lubaa lwe'Bayuta. Àhambere era luulu se'kubutwa kwa Yesu, ne'myasi era éndee ákangirisa ebandu, ne'ra éndee ákangirisa ebanafunzi bai kwa kubakunganya kwa mulimo. Kanji àhambere era luulu se'bisomerano bya Yesu éndee áira, ne'lufu lwai kwa musalaba, ne'kwômoka kwai. Ebusinda bwe'chine chitabo bulósise emulimo ola ebanafunzi ba Yesu bábaa běmire kuendekera bákola.
Jelenleg kiválasztva:
Matayo NDANGIRISO: tbt
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
© 2017 Wycliffe Bible Translators, Inc.