Diketso 17
17
Diketso 17
1Eitse ha ba haola le Amfipolise le Apolonia, ba fihla Thesalonika, moo sinagoge ya Bajuda e neng e le teng.
2Pauluse a kena ho bona ka mokgwa wa hae, mme ka Disabatha tse tharo a buisana le bona ka Mangolo.
3A bula le ho bolela hore Kreste o ne a tshwanetse ho hlokofatswa, mme a tsohe bafung; le hore Jesu eo ke le bolellang yena ke Kreste.
4Ba bang ba bona ba dumela, ba ikopanya le Pauluse le Silase; le bongata bo boholo ba Bagerike ba tshabang borapedi, le basadi ba kgabane ba seng bakae.
5Empa Bajuda ba sa kang ba dumela, ba susumetswa ke mohono, ba inkela banna ba dihlola ba mofuta o ditshila, ba bokella sehlopha, ba baka moferefere motseng wohle, ba futuhela ba ntlo ya Jasone, ba batla ho ba ntshetsa kantle. batho.
6Yare ha ba sa ba fumane, ba hulela Jasone le baena ba bang ho babusi ba motse, ba howa, ba re: “Bana ba ferekantseng lefatshe lohle ba tlile le mona;
7Jasone o ba amohetse, mme bohle ba etsa tse hananang le ditaelo tsa Sesare, ba re, morena e mong o teng, e leng Jesu.
8Yare ha ba utlwa taba tseo, ba ferekanya letshwele le babusi ba motse.
9Yare ha ba nka seabo ho Jasone le ba bang, ba ba lokolla.
10Yaba baena ba phakisa ba romela Pauluse le Silase Berea bosiu;
11Bao e ne e le ba kgabane ho fetisa ba Thesalonika, kahobane ba ile ba amohela lentswe ka tabatabelo yohle ya kelello, ba fuputsa Mangolong ka matsatsi wohle, hore na ditaba tseo di jwalo na.
12Ba bangata ho bona ba dumela ke hona; le basadi ba bahlomphehi ba Bagerike, le banna, e seng ba mmalwa.
13Empa Bajuda ba Thesalonika, ha ba utlwa hore lentswe la Modimo le bolelwa ke Pauluse Berea, ba tla le teng, ba ferekanya letshwele.
14Yaba baena ba phakisa ba romela Pauluse ho ya fihla lewatleng, empa Silase le Timothea ba sala teng.
15Ba feleheditseng Pauluse ba mo isa Athene; mme yare hobane ba laelwe hore Silase le Timothea ba tle ho yena kapele, ba tloha.
16Yare ha Pauluse a ntse a ba emetse Athene, moya wa hae wa hlabeha, ha a bona motse o tletse borapedi ba ditshwantsho.
17Ka baka leo, a buisana le Bajuda ka tlung ya thapelo le badumedi, le ka tsatsi le leng le le leng lebaleng la motse, le ba neng ba kopana le yena.
18Jwale bafilosofe ba bang ba Baepikure le ba Bastoike ba qala ho hanyetsana le yena. Ba bang ba ne ba re: “Mobereri eo o tla reng? ba bang ba re: Eka eka ke mmoledi wa medimo esele;
19Ba mo tshwara, ba mo isa Areopago, ba re: Na re ka tseba thuto e ntjha ee, eo o e bolelang, ke efe?
20Hobane o hlahisa ditaba tse ding tse makatsang ditsebeng tsa rona;
21(Hobane Baathene bohle le basele ba teng, ba ne ba qeta nako ea bona ho se seng, haese ho bolela, kapa ho utloa taba e ncha.)
22Pauluse a ema hara leralla la Mars, a re: Banna ba Athene, ke a bona nthong tsohle hoba le le borapedi ho feta tumelo.
23Hobane eitse ha ke feta, mme ke tadima dintho tseo le di rapelang, ka fumana aletare e ngotsweng, e reng: YA MODIMO O SA TSEBjweng. Ke hona ke le bolellang eena eo le mo rapelang le sa tsebe.
24Modimo ya entseng lefatshe le tsohle tse ho lona, ka e le Morena wa lehodimo le wa lefatshe, ha o dule ditempeleng tse entsweng ka matsoho;
25Ha o sebeletswe ke matsoho a batho, jwaloka hoja o hloka letho, kahobane ke wona o neang bohle bophelo le phefumoloho le dintho tsohle.
26O entse ditjhaba tsohle tsa batho ho tswa mading a le mong, hore di ahe hodima lefatshe lohle, mme o rerile dinako tse beilweng pele, le meedi ya ho aha ha tsona;
27hore ba batle Morena, mohlomong ba mo phopholetse, ba mo fumane, leha a se hole le e mong le e mong wa rona.
28Hobane ho yena re phela, re sisinyeha, re teng; jwalokaha baroki ba bang ba lona ba boletse, ba re: Le rona re bana ba hae.
29Ha ho le jwalo, erekaha re le bana ba Modimo, ha re a tshwanela ho nahana hore Bomodimo bo tshwana le kgauta, kapa silefera, kapa lejwe, tse betlilweng ka bonono le maqheka a batho.
30Mme mehla ya ho se tsebe hoo Modimo ha o a ka wa iphapanyetsa yona; empa jwale o laela batho bohle kahohle ho baka;
31Hobane o beile letsatsi leo ka lona a tla ahlola lefatshe ka ho loka, ka monna eo a mmeileng; e leng seo o se tshepisitseng bohle ka ho mo tsosa bafung.
32Eitse ha ba utlwa ka tsoho ya bafu, ba bang ba soma, ba bang ba re: Re tla boela re o utlwe ka taba ena.
33Kahoo Pauluse a tloha har’a bona.
34Empa banna ba bang ba mo kgomarela, ba dumela, ba bang ba bona e le Dionisiuse wa Areopago, le mosadi e mong ya bitswang Damarise, le ba bang ba ena le bona.
Jelenleg kiválasztva:
Diketso 17: SothoNT
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Copyright of City Bible Foundation in cooperation with Baasraak Bible Translation from Baasraak Media © 2023.
