यूहन्ना जाँण-पछ़याँण
जाँण-पछ़याँण
संत्त-यूहन्ना की लिखी अंदी खुषख्बरी दा प्रभू यीशू खे पंण्मिश्वर का सदा का बचन के रूप दा बखाँण करा गुवा, जिन्ऐं “देह्-धारणं करियों अमाँरे बीचो दा डेरा पाया।” ईयों कताबे दो ऐजो साफ बुली थो, के ऐजी खुषख्बरी ईन्देंखे लिखी थऐ, के ईन्देके पढ़णों वाल़े, बिश्वाष करह्, के प्रभू यीशू का सोभी खे छ़ुट्कारा देंणों वाल़ा, मतल्व पंण्मिश्वर का बैटा असो; अरह् से बिश्वाष दे प्रभू यीशू के जाँणें जीवन पाँऐ सको (यूहन्ना 20:31)। पात्र दे प्रभू यीशू खे पंण्मिश्वर के सदा के जीवन के बचन के रूप दे देखाऐ थुऐ। ईन्दें पाछ़ी खुषख्बरी के आगले भागो दे सात्त च़ीह्न-चंम्तकार के बारे दो बुलो गुओं; तिन्दें लंई ऐजो पर्गट हों, के प्रभू यीशू सोभी लोगों खे छुट्कारा देंणों वाल़ा, मतल्व पंण्मिश्वर का बैटा असो। दुज़े भाग का भाष्ण ऐजा असो, के तिन्दो ऐजो संह्म्झ़ाव गुओं के ईनू च़ीह्न-चमंत्त्कार का मतल्ब का असो; अरह् भाग दो ऐजों भे बुलो गुओं, के केष्णें कुछ़ लोगे ऐ प्रभू यीशू दा बिश्वाष करा; अरह् तिनके चैले भे बंणीं गुऐ, जबे के ओकी लोगे ऐं तिन्दे का बिरूध करा; अरह् बिश्वाष कर्दे भाजी गुऐ। 13-17 भागो दो प्रभू यीशू के थँहम्ब्ड़णों वाल़े रात्ती, प्रभू यीशू के चैले की गईलो, पाक्को साथ अरह् शुँल़ी-फ़ाँशी टाँगणों शे आगे संदो आरी चैले तैयार कर्णें, अरह् तिनखे हंस्ला देणों वाल़े, प्रभू यीशू के बचनों का सुवाँकरियों बखाँण करा गुवा। अरह् आखरी के भागों दो, थंह्म्ड़ाऐ गुऐ, अरह् दाबी दिते, अरह् दुज़ाँलिऐ पाछू ऊबे जीऐ, अरह् ऊबें जीऊँणों गाशी चैले कैई शे देंखाँई पड़े, अरह् ईन्दें का बखाँण भे करा गुवा। अरह् संत्त-यूहन्ना मसीया के जाँणें सदा के जीवन देणों के बारे दो जोर दियों; अरह् सेजा ऐक ऐशा दाँण असो, जुण्जा हेबी शुरू हंऐ रूवा, अरह् तिनू भेंटो; जुण्जे प्रभू यीशू के लाई अंदी बाटो दे संच्चाऐ अरह् जीवन के रूप दे परापत करह्; आत्तमिक बातो देखाँणों खे सिधी-साधी च़ीजो का च़ीह्न के रूप दा करा ज़ाँव, अरह् संत्त-यूहन्ना के ऐक खास बात ऐजी असो, के जेष्णों जल, रोटी, ज्योंत्ति, चराईया, अरह् तेस्की भैंड़ो, अरह् अंगुरोह् के बाल, अरह् अंगुरोह् के फ़ल़।
रूप रेखा
पात्र 1:1-18
संत्त-यूहन्ना नहाँण-नहाँणों वाल़ा अरह् प्रभू यीशू के आगले चैले 1:19-51
प्रभू यीशू के जंण सेवा 2:1—12:50
यरूशलेम दे आखरी के किऐ देसो 13:1—19:42
प्रभू हजो ऊबे जीऐं अरह् से उडे देखिऐं 20:1-31
आखरी: गलील दे हजो दे:खाई पड़े 21:1-25
Jelenleg kiválasztva:
यूहन्ना जाँण-पछ़याँण: sri
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
© 2022, Wycliffe Bible Translators, Inc. All rights reserved.