Kejadian 10
10
Di aphwami yu aphwami wiyalegesa a’ge ononuk ’balak wene
1Ik en di aphwami yu aphwami di a’ge yu a’ge ’berlegat sebelenebegeimu at Nuh eiyagai enebe Sem, Ham, Yafet eriano welat, eneiyagai ap dagenebil legesa a’ge ononuk e, yu o.
Yapet eiyagai wiyaletil legesa wene
2At Yafet eiyai ai re, Gomer, Magog, Madai, Yawan, Tubal, Mesekh, Tiras, enebe eria yat dagenebegei. 3Ye, Gomer eiyagai e, Askenas emin, Rifat emin, Togarma emin dagenebegei. 4Ye, ap Yawan eiyagai e, Elisa emin, Spanyol emin, Siprus emin, Rodes emin, dagenebegei. 5Is ap enebe yu pam en di aphwami yu aphwami onowi ik esa’goma, ono’gwiang enematek lo’bok welat, ena’gulonuk emin, eniak emin, onowi enat wiyaletil legesa.
Ham eiyagai wiyalegesa wene
6At Ham eiyagai ano re, Kus emin, Misraim emin, Put emin, Kanaan eminat dagenebegei. 7Kus eiyagai e, Seba emin, Hawila emin, Sabta emin, Raema emin, Sabtekha emin, dagenebegei. Ye, Raema eiyagai e, Syeba Dedan eminat, dagenebegei. 8Ye, Kus omlogo Nimrod, deregei a’ge ano olot het a’bik welaga ano pam o’gwiang pam yema onue ’gain onuk logo a’ge ’gain inaga ano arat o. 9At en e, Nenaik ’gain Onuk Logo a’ge Allah orogole pam anni en olot hetsogo hak welat aphwami warenebiso a’geat welarikmu re, ap mesik anni a’bik holuk, aphwami en ogulat, “Nenaik ’gain Onuk Logo a’ge orogole pam anni en aphwami warenebiso a’ge ap Nimrod ’gela’ge en tago yu o,” oluk asogo ogu legesa. 10At ano ’gain onuk logo a’ge welat, ’gwiang lioktakma o lok Babel emin, Erekh emin, Akad emin, eiye welaga. 11Eba en at Asyur lasu lagarik, o Niniwe emin, Rehobot-lr emin, Kalah emin, 12ye, o Niniwe hola’burl eba o Resen emin, ebano o hun-hun wusogo enebil laga o Resen ai, “O kota lok o,” oluk ogu legesa.
13-14Ye, aphwami ena’gulonuk Lidia emin, Anamim emin, Lehabim emin, Naftuhim emin, Patrusim emin, Kasluhim emin en e, (is aphwami Filistin a’ge wiyalegesa), Kaftorim emin, enebe ’berlek ene’ba ai, ap Misraim ano enat wiyalak enebesi.
15Ye, ap Kanaan ano en e, omlogo naduk a’ge Sidon at deriselat, pobuk omlogo Het deriselat tegei. 16Ye, aphwami ena’gul onuk Yebusi emin, Amori emin, Girgasi emin, 17Hewi emin, Arki emin, Sini emin, 18Arwadi emin, Semari emin, Hamati emin, ene’ba ai re, Kanaan ano enat wiyalak enebesi. Pobuk is aphwami at Kanaan e’balak ano re, di owi yu owi at wiyaletil lagalat. 19Ono’gwiang ano re, o Sidon en o Gerar hwerli emin, ye, o Sidom Gomora, Adma, Zeboim hwerli en e, ’bekhit o Gaza horoksogo o Lasa hwerli emin eiyetak pagathwerlegesa o.
20At Ham e’balak dagetil legesa a’ge lobok eniak emin ena’gulonuk lo’bok eniak emin, ono’gwiang emin, ena’gul onuk lo’bok yarluk egesarik lok wiyalegesa ano re, aiat o.
Sem eiyagai wiyalegesa wene
21At Eber eiyagai enebe ’berlegat ene’ba Yafet ue Sem ano en eiyagai dagenebegei ano yu o. 22Sem eiyagai e, Elam emin, Asyur emin, Arpakhsad emin, Lud emin, Aram emin dagenebegei. 23Ye, Aram eiyagai e, Us emin, Hul emin, Geter emin, Mas emin, dagenebegei. 24Ap Arpakhsad omlogo re, Selah. Selah omlogo Eber. 25Ye, at Eber ano en eiyagai enebe ’biren daganebegeirik, mesik dagama, o ’gwiang ede ’burl me’git agama re, onuk e, Peleg. Ye, ot onuk e, Yoktan. 26At Yoktan en, Almodad, Selef, Hazar-Mawet, Yerah, 27Hadoram, Uzal, Dikla, 28Obal, Abimael, Syeba, 29Ofir, Hawila, Yobab enat, dagenebegeimu re, is yu enebe ’berlegat Yoktan eiyagai at dagegesa o. 30Onowi re, o Mesa en mo il liplau wago hegit eba en dom Sefar hegit eba yat welegesa.
31At Sem en dogo’gwe a’ge modok eniak emin, ono’gwiang emin, ena’gul onuk emin, muat egesarik, lok wiyalegisa ano aiat o.
32Ye, ik en di a’ge yu a’ge ’berleksogo warenebegeimu, at Nuh eiyagai degelak a’ge nak dagenebil lagalat, ena’gulonuk muat nak agalat, di aphwami yu aphwami ena’gulonuk lo’bok ’berlegat o ’gwiang pam yema wiyaletil legesa ano, is yu enat o.
Jelenleg kiválasztva:
Kejadian 10: Wul
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
