Genesisi 3
3
1A nyoka yi wa hi ni mano ku hunza zihari zontlhe za tiko, lezi Jehova Nungungulu a nga wa zi mahile. Yi ku ngalo ka wasati: Hakunene Nungungulu i wulile lezaku mu ngagi ni sinya yinwe ya simu ke?
2Ni wasati aku ngalo ka nyoka: Hi ngaga a mihanzu ya tisinya tontlhe,
3kanilezi a mihanzu ya sinya leyi yi nga xikari ka simu, Nungungulu i te ngalo, mu nga ta yiga, hambu ni ku yi henya, kasi mu ngafi.
4Ni nyoka yi ku ngalo ka wasati: Mu nga tafa futsi;
5hi lezaku Nungungulu wa zi tiva lezaku, a siku lego mu gako yona, a mahlo ya nwina ma ta vululeka, mu kota Nungungulu, mu tiva kusasa ni kubiha.
6A wasati na a wona a sinya lezaku yi sasekile akuva yi giwa, ni ku naveleka kucuwukekeni, ni lezaku a sinya ya naveleka ku tlharihisa, i lo khaya a mihanzu ya kona a yiga, yena i lo ya nyika ni nuna wakwe kambe, yenawu i loga. 2 Kor. 11:3; 1 Tim. 2:14
7Zonake a mahlo yabye vona vambiri ma lo vululeka, va wona lezaku a va ambalangi nchumu; va lo runga a matluka ya nkuwu, va maha tinguwo tabye.
8Va lozwa a gezu ga Jehova Nungungulu na a famba lomu sinwini laha gambyeni; a wanuna ni sati wakwe va lo fihlala lomu tisinyeni ta simu va chava nghohe ya Nungungulu.
9Na Jehova Nungungulu i lo vitana wanuna, aku ngalo kakwe: U kwihi ke?
10Yena aku ngalo: Nzi lozwa a gezu ga wena lomu sinwini, nzi lo chava hakuva a nzi ambalangi nchumu, nzi lo fihlala.
11Na yena i te ngalo: U byelilwe hi mani ku ngalo a ku ambalangi nchumu ke? U gile sinya leyi nzi nga ku byelile lezaku u nga yigi ke?
12Ni wanuna i te ngalo: Hi wasati loyi u nzi nyikileko akuva zinwe na mina, hi yena a nga nzi nyika sinya nziga.
13Na Jehova Nungungulu aku ngalo ka wasati: U mahele yini lezi ke? Wasati aku ngalo: Hi nyoka yi nga nzi khohlisa, nziga.
14Na Jehova Nungungulu aku ngalo ka nyoka: Hakuva wena u mahileko lezi, u rukatelwe wena ku hunza zifuyo zontlhelele ni zihari zontlhelele za khwati; u ta famba hi rumbu ga wena uga tshuri masiku wontihe ya kuhanya ka wena.
15Nzi ta veka livengo xikari ka wena ni wasati, ni xikari ka pswalo wa wena ni pswalo wa wasati; i ta ku gandla a hloko, na wenawu u ta mu luma a xirenze xakwe. Rom. 16:20; Maheb. 2:14; 1 Joh. 3:8
16Ni ka wasati aku ngalo: Nzi ta ku engetela nguvu a kubayiseka ka wena laha u ta ngava ni rumbu; u ta beleka vanana hi kubayiseka; a kunavela ka wena ku taya ka nuna wa wena, na yena i ta ku fumela.
17Ni ka Adamu i te ngalo: Kota lezi u nga ingisa a gezu ga sati wa wena, uga a sinya leyi nzi nga ku layile ku ngalo: U nga yigi, yi rukatelwe misava hi kota ya wena; u taga mihanzu ya kona hi kubayiseka wontihe masiku ya kuhanya ka wena; Rom. 8:20
18yi ta ku milisela mizwa ni mahlehlo; u taga zibyalo za khwati.
19U taga zakuga hi nyuko wa nghohe ya wena, u kala u tlhelela misaveni; hakuva wena u humesilwe ka yona. Wena u tshuri, u ta tlhelela tshurini.
20Ni wanuna i lo chula vito ga sati wakwe ku hi Eva, hi lezi a nga mamani wa vontlhe va hanyako.
21Jehova Nungungulu i lo va mahela a tinguwo ta madzowo, Adamu ni sati wakwe Eva, a va ambexa.
22Jehova Nungungulu aku ngalo: Languta, munhu i hunzukile, i kota hina a kutiveni ka kusasa ni kubiha; ku nga taku a nawuluta a canja gakwe a khaya sinya ya wutomi aga, a hanya kala kupinzuka.
23Jehova Nungungulu i lo mu humesa lomu sinwini ga Edeni, kasi a ya rima misava leyi a nga humeswa ka yona.
24I lo mu hlongola Adamu; i lo yimisa a makerubima hi le Mutsuwuka-gambo wa simu ga Edeni, ni supado yi karihako matlhelo wontihe, kasi ku rinzela a ndlela ya sinya ya wutomi. Tis. 104:4
Jelenleg kiválasztva:
Genesisi 3: TSC72
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Tshwa Bible © Bible Society in Mozambique, 1972, 2007.
