Naanearü ügüchiga 14:22-23

Natürü ga Abráü̃ rü nanangãxü̃ rü ñanagürü: —Choma rü marü Cori ya Tupana ya Guxü̃étüwa Ngẽxmacü i daxũguxü̃ i naanearü üruxü̃ rü ñoma i naanearü üruü̃maxã nüxü̃ chixu rü taxuxü̃táma i ta̱xacü choxrüxü̃ chayaxu i ngẽma cuxrü ixĩxü̃, rü bai ya wüxi ya tünüta, rü bai i wüxi i chapatutü̱xü, nax tagutáma choxü̃ quixuxü̃ca̱x nax cugagu yixĩxü̃ nax chamuarü ngẽmaxü̃ã́xü̃.