मत्ती 10
10
यीशु उन हन्नेळ चेलागोळ
(मरकुस ३:१३-१९; लूका ६:१२-१६)
1बाक यीशु तान हन्नेळ चेलागोळी तान हात्ती कारदुन, आंदरी दुष्टआत्मागोळ मा अधिकार कोट्टुन कि अवरी तेगुल अदिक सप्पा प्रकार ईनव बिमारगोळ अदिक सप्पा प्रकार ईनव कमजोरीगोळी अक दुर माळुल. 2इंदुर हन्नेळ प्रेरितगोळ्द हेसुर हिंग आव: पयला शमौन, आऊक पतरस भी अनतान, अदिक आऊन वार्ट अन्द्रियास; जब्दी इन पार याकूब, अदिक आऊन वार्ट यूहन्ना; 3फिलिप्पुस, अदिक बरतुल्मै, थोमा, अदिक कर ताकोमावाळा मत्ती, हलफई नव पार याकूब, अदिक तद्दै, 4शमौन कनानी, अदिक यहूदा इस्करियोती याव यीशु उक ध्वाका देल हुळसुस बुटीदुन.
हन्नेळ प्रेरितगोळ्द स्यावा-कार्य
(मरकुस ६:७-१३; लूका ९:१-६; १०:४-१२)
5ई हन्नेळ प्रेरितगोळी यीशु आग्या कोटकु कळुदुन: “गैरयहूदीगोळ दी होगबाळेतीर, अदिक सामरीगोळ्द यात्तोदु नगर दा प्रवेश माळबाळेतीर. 6लेकीन इस्त्राएल इन घराना अन्द अच काळ्द म्यांडागोळ्द हात्ती होगेतीर. 7अदिक नळुत-नळुत ईद प्रचार माळी: कि ‘स्वर्ग अन राज्य हात्ती होट बंदाद.’ 8बिमारगोळी चंगा माळी, सोद्द मंळसागोळी जित्ता माळी, कोढ़ी मंळसा अक शुद्ध माळी, दुष्टआत्मागोळी तेगी. नीमी फुकट दा सिक्याद, नीव भी फुकट दा वाटसी. 9तान खिसा दा ना रा व्हान्ना, अदिक ना बेळ्ली, अदिक ना तांबा ईटेतीर; 10#१ कुरिन्थि ९:१४; १ तीमुथियुस ५:१८हादी इन साटी ना झ्वारा, ना दुसरा कुळता, ना जुता अदिक ना कोल हुडी, यतिकी क्याल्सा माळावाळा मजदूर उक आऊन मजदूरी सिक पायजे.
11“येल्यारा यातोदारा नगर या ऊरा दा होगी, रा पता हची कि अल याव लायक आन. अदिक यागासताका अल टु होळालीर, अदा मान्या ईरेतीर. 12मान्या प्रवेश माळाहोती आऊक आशीष कोळेतीर. 13अगर आ मान्या नोर लॉकुर योग्य ईतीदार रा नीम आशिर्वाद आंदुर ताका पोहचुसीत, लेकीन अगर आंदुर योग्य ईला इतीदार रा नीम आशिर्वाद नीम हात्ती वापस होट बंदीत. 14#प्रेरितगोळ १३:५१जो यावारा नीमी ग्रहण माळतीदील अदिक नीम मात केळतीदिल, आ मान्ना या आ नगर टु होळावती तान काल इन धुळा झाळ्स बुळी. 15#मत्ती ११:२४#लूका १०:४-१२ना नीम से खरा माताळतीन कि न्याय इन दिन आ नगर इन दशा से सदोम अदिक गमोरा अन्द द्याश इन दशा यक्कुल सहन माळा लायक ईत्तीत.
बरावाळा संकट
(मरकुस १३:९-१३; लूका २१:१२-१७)
16 #
लूका १०:३
“नोळी, ना नीमी म्यांडागोळ घाई लांडग्यागोळ न्याड्या कळुतीन, इदुरसाटी हावगोळ घाई बुद्धिमान अदिक कबूतरगोळ घाई भोला बन्सी. 17#मरकुस १३:९-११; लूका १२:११,१२; २१:१२-१५लेकीन लॉकुर से सावधान ईरी, यतिकी आंदुर नीमी महासभागोळ दा सोपस्यार, अदिक तान पंचायतगोळ दा नीमी क्वाळा देल बळदार. 18नीव नान साटी हाकिमगोळ अदिक राजागोळ मुंद आंदुर मा, अदिक गैरयहूदीगोळ मा गवाह आगोर साटी पोहचुस्कु आदीर. 19याग आंदुर नीमी हुळसुस्यार रा ईद चिन्ता माळबाळेतीर कि नाव याता रीति देल या येन अंदेव, यतिकी जो येनारा नीमी अनोद ईत्तीत, अद अदा घळी नीमी हेळकु आदीत. 20यतिकी माताळावाळेर नीव आल्लच, लेकीन नीम स्वर्गीय आप्प उन आत्मा नीम दा माताळतद.
21 #
मरकुस १३:१२; लूका २१:१६ “वार्ट, वार्ट उक अदिक आप्प पार उक, कोन्नोर साटी सोपस्यार, अदिक चिकोर मोय-आप्पुर विरोध दा यदकु आंदरी कोन्सुस बुट्टार. 22#मत्ती २४:९; मरकुस १३:१३; लूका २१:१७; मत्ती २४:१३; मरकुस १३:१३नान हेसुर इन कारण सप्पा लॉकुर नीम से दुश्मनी माळ्यार, लेकीन जो आखरी ताका धीरज हुडुकु ईत्तान आऊंदा उद्धार आदीत. 23याग आंदुर नीमी ऊंद नगर दा सतुस्यार, रा नीव दुसरा दी ओळेगेतीर. ना नीम से खरा माताळतीन, नीव इस्त्राएल इन सप्पा नगरगोळ दा होगा से पयले अच मंळसा अन्द पार होट बंदान.
24 #
लूका ६:४०;
यूहन्ना १३:१६; १५:२० “चेला तान गुरु से धोड्डेव ईरालुन; अदिक न दास तान स्वामी से. 25#मत्ती ९:३४; १२:२४; मरकुस ३:२२; लूका ११:१५चेला तान गुरु अक अदिक दास तान स्वामी इन बराबर आगोद अच काफी आद. याग आंदुर मान्ना अन स्वामी इक शैतान अंदुर रा आऊन मान्नावाळेर इक येन येनारा अनतीदिल!
यार देल अंजेव
(लूका १२:२-७)
26 #
मरकुस ४:२२; लूका ८:१७ “इदुरसाटी मंळसागोळ से अंजबाळी; यतिकी येनारा होचकु हैलेच जो तेर्दकु आगतीदील, अदिक न येनारा रहस्यमय आद जो प्रगट आगतीदील. 27जो ना नीम से अंधार दा अनतीन, अद नीव ऊजुळ दा अनी; अदिक जो ना नीम किव दा अंदीन, अदरी नीव आळा मा टु प्रचार माळी. 28आंदुर से अंजबाळी जो मय इक नुकसान माळतार, लेकीन आत्मा अक नुकसान माळ सकालुर; लेकीन परमेश्वर से अच अंजी, जो आत्मा अदिक शरीर येढ्ढु नरक दा नष्ट माळ सकतान. 29येन ऊंद पैस्या दा येढ्ढ चिमणी पक्षी मारालव? तरी भी नीम आप्प उन इच्छा अन्द अलावा अऊर दा टु ऊंद भी धरती मा बिळसकाल. 30नीम ताल्ला अन चुट्टी भी सप्पा आळुकु आव. 31इदुरसाटी अंजबाळी; नीव हापाळ चिमणीगोळ से भी बार्र आईर.
यीशु उक स्वीकार या अस्वीकार माळोद
(लूका १२:८; ९)
32“जो यावारा मंळसागोळ मुंद नानी मान्स कोंडान, आऊक ना भी तान स्वर्गीय आप्प उन मुंद मान्स कोमाईन. 33#२ तीमुथियुस २:१२लेकीन जो यावारा मंळसागोळ मुंद नान इनकार माळ्यान, आऊक ना भी तान स्वर्गीय आप्प उन मुंद इनकार माळाईन.
यीशु उन बरोद परिणाम
(लूका १२:५१-५३; १४:२६,२७)
34“ईद सम्सबाळी कि ना धरती मा शांती तरली बंदीन; ना शांती तरली ईला, पर तलवार नळसोर साटी बंदीन. 35ना रा बंदीन कि: ‘पार उक आऊन आप्प उन से, अदिक पोर इक आकिन मोय इन से, अदिक सास्सा अक आकिन आत्ता से ब्यार्र माळ कोमाईन; 36#मीका ७:६मंळसा अन्द दुश्मन आऊन मान्या अन लॉकुर अच ईत्तार.’
37“जो तान मोय या आप्प उक नान से यक्कुल प्रिय जान्सतान, आव नान लायक हैलेच; अदिक जो तान पार या पोर इक नान से यक्कुल प्रिय जान्सतान, आव नान लायक हैलेच; 38#मत्ती १६:२४; मरकुस ८:३४; लूका ९:२३अदिक जो तान क्रूस नेगुकु नान हिंद नळालुर आंदुर नान लायक हैलेच. 39#मत्ती १६:२५; मरकुस ८:३५; लूका ९:२४; १७:३३; यूहन्ना १२:२५जो तान जीव ऊळसोद चाहास्यान, आव अदरी खोऊस्यान; अदिक जो नान कारण तान जीव खोऊस्यान, आव अदरी हासिल माळ्यान.
प्रतिफल
(मरकुस ९:४१)
40 #
लूका १०:१६; यूहन्ना १३:२०;
मरकुस ९:३७; लूका ९:४८ “जो नीमी ग्रहण माळतान, आव नानी ग्रहण माळतान; अदिक जो नानी ग्रहण माळतान, आव नानी कळावाळा अक ग्रहण माळतान. 41जो भविष्यवक्ता अक भविष्यवक्ता जान्सकु ग्रहण माळुल, आव भविष्यवक्ता अन प्रतिफल हासिल माळ्यान; अदिक जो न्यायी इक न्यायी जान्सकु ग्रहण माळुल, आव न्यायी इन प्रतिफल हासिल माळ्यान. 42जो यावारा ई स्याणेर दा टु ऊंद मंळसा अक नान चेला जान्सकु सिर्फ ऊंद वाटी नीर कुळस्यान, ना नीम से खरा माताळतीन, आव यातोदु रीति देल तान प्रतिफल खोऊसतिदिल.”
Jelenleg kiválasztva:
मत्ती 10: NTHaa20
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
The New Testament in Holiya Language © The Word for the World International and Holiya Translation Samithi, Kudwa, Gondia, Maharashtra 2020
