Matai 9
9
Ugwa bukokonyale ikubumbulusigwa
(Mar. 2,1-12; Luk. 5,17-26)
1Popapo alinwipaka mwiboti, alinkwambuka alinkwakufika
2nkaya kake. Keta, balinkuntwalila ugwa bukokonyale, uyu alambalele pakitala. Umwene Yesu bo alubwene ulwitiko lwabo, alinkumbula ugwa bukokonyale alinkuti: Kibaga itolo
3mwanangu, imbibi syako siswegigwe. Popapo abamanyakalata bamo balinkwiyobesya munda mmyabo balinkuti:
4Umundu uyu ikuhelula. Umwene Yesu bo asyagenie inyinogono syabo, alinkuyoba alinkuti: Syo mukwinogona syaki 5imbibi mundumbula syinu? Ngimba lyo ipepe liliku, ilya kuti: Uswegigwe imbibi syako, pamo nilya kuti: Sumuka
6gwendege? Loli ukuti mumanye ukuti Nnyamundu ali namaka ukuswa imbibi nkisu, — popapo alinkumbula ugwa bukokonyale alinkuti: Sumuka, gwitwikege ikitala kyako
7ubukege kumyako. Umwene alinkusumuka alinkubuka ku-
8myake. Lelo bo basibwene sisisi abandu ikilundilo kyosa, po lulinkubaga ulutende, balinkuntufya Kyala uyu abapele abandu amaka bo aga.
Ukubilikiligwa kwa Matai
(Mar. 2,13-17; Luk. 5,27-32)
9Lelo Yesu bo ikukinda ukufuma papo, alinkumbona umundu uyu ali yo Matai ingamu, itugesye pabusongela isongo, alinkumbula alinkuti: Ngongaga. Popapo alinkusumuka alinku-
10nkonga. Lelo bo atugesye pakulya ifindu nnyumba, popapo abasongesyasongo nabatulanongwa ba bingi balinkwisa, bali-
11nkwitugasania nagwe Yesu nabafundigwa bake. Abene abaFarisai bo basibwene, balinkubabula abafundigwa bake balinkuti: Nongwa ya fiki ummanyisi gwinu ikulya ifindu
12nabasongesyasongo nabatulanongwa? Loli umwene bo asipilike, alinkubabula alinkuti: Bakaya bo bakafu aba bikundo-
13nda unganga, loli ba babine. Loli amubukege mukamanyile isi likusanusya ilisyu ili likuti: Nikulonda ulupakisyo, gomma amakemo. Namanga ngisa ikubabilikila abagolofu, himma, loli ba batulanongwa.
Isya kufipika ifindu
(Mar. 2,18-22; Luk. 5,33-39)
14Popapo balinkwisa kumyake abafundigwa ba Yohani, balinkundalusya balinkuti: Fiki apa uswe nabaFarisai tuku-
15fipika ifindu, loli abafundigwa bako batikufipika? Umwene Yesu alinkubabula alinkuti: Ngimba aba pabwegano babagile ukusulumania akabalilo kosa aka ali nabo umwegankikulu? Loli gikwisaga amasiku bo umwegankikulu asosigweko
16kumyabo, po loli bisakufipikaga ifindu. Nayumo atikukatikapo ikigamba kya mwenda umpya pamwenda unkulu; buno ikigamba kikunyafulako umwenda, po gukongelelapo ukunya-
17fuka. Kangi batikukusya ubwalwa bwa mafilu ubuteta munyambi ingulu; buno linga bakusisyemo, inyambi sikupufuka, po lelo ubwalwa bwa mafilu bukoneka, ninyambi sikonangika. Loli bikukusya ubwalwa bwa mafilu ubuteta munyambi imbya, po fyo fibili fikuponaga.
Umwana undindwana gwa nkulumba, nunkikulu ugwa nyibuko ya ilopa
(Mar. 5,21-43; Luk. 8,40-56)
18Lelo bo ali pakubabula sisisi, po alinkwisa unkulumba yumo, alinkubunguluka kumyake alinkuyoba alinkuti: Umwanangu undindwana afwile lululu; loli isaga ukambikepo ikiboko
19kyako, po ikuyaga mumi. Popapo Yesu alinkusumuka,
20alinkunkonga pamopene nabafundigwa bake. Lelo popapo unkikulu yumo uyu ali ninyibuko ya ilopa ifyinja kalongo na fibili, alinkusegelela kunyuma alinkukipalamasya ikipeto kya
21mwenda gwake; namanga iyobesyaga mwene atigi: Nalinga
22nikukipalamasya ki kilundo kyake itolo nikuponaga. Umwene Yesu alinkusyutuka, bo ambwene alinkumbula alinkuti: Kibaga gwe mwanangu, ulwitiko lwako lukupokile. Paka-
23balilo kako itolo unkikulu alinkupona. Umwene Yesu alinkufika panyumba ya nkulumba. Bo ababwene abakubamalonge
24nikilundilo kya bandu aba baywegaga, alinkubabula alinkuti: Amusokepo; namanga akalindwana kakafwa, kagonile utulo
25itolo. Abene balinkunseka. Lelo bo ikilundilo kisosigwe panja, popapo alinkwingila, alinkukakola ikiboko kyake;
26akalindwana kalinkusumuka. Popapo inongwa sisisi silinkufumuka mosa nkisu kila.
Abafwamaso babili
27Lelo Yesu bo ikukinda ukufuma papo, abafwamaso babili balinkunkonga, balinkukolela balinkuti: Ulitupakisyaga, gwe
28nnya Davidi. Lelo bo ingile nnyumba, abafwamaso bala balinkwisa kumyake; umwene Yesu alinkubalalusya alinkuti: Bule mukwitika ukuti mbagile ukusibomba isi? Abene bali-
29nkuti: Ena Malafyale. Popapo alinkubapalamasya amaso gabo alinkuti: Sisege bo mumo luyilile ulwitiko lwinu.
30Popapo amaso gabo galinkwenda nukwiguka. Umwene Yesu alinkubasoka fiyo alinkuti: Mwandege syo nayumo angasi-
31manyaga. Loli abene bo basokile, balinkumfumusya mosa nkisu kila.
Umundu uyu ali kinunu
32Lelo bo bikusokapo, popapo balinkuntwalila umundu uyu
33ali kinunu, ugwa mbepo inyali. Bo yisosigwe imbepo inyali, uyu ali kinunu alinkwenda nukuyoba. Popapo ikilundilo kilinkuswiga kilinkuti: Sikabonekamo siku mwa Israeli bo isi.
34Loli abaFarisai balinkuti: Mmaka ga nkulu gwa mbepo inyali mo mumo ikusisokesya imbepo inyali.
Ikisa kya Yesu kubandu
35Popapo Yesu alinkusyungutila ntwaya tosa utukulumba nutunandi, alinkumanyisya mmaSinagogi gabo, nukulumbilila inongwa inunu isya butwa; kangi alinkubumbulusya imbungo
36syosa nubonywa bosa. Bo afibwene ifilundilo, popapo alinkubapakisya, namanga bakatele, banyambanike itolo ukuti ngʼosi
37isi sikaya nuntimi. Popapo alinkuyoba kubafundigwa bake alinkuti: Untondolo go mwingi naloli, loli ababombi bo
38banandi; amusumege lelo kumwenentondolo, ukuti abatumege ababombi muntondolo gwake.
Jelenleg kiválasztva:
Matai 9: NYY
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Nyakyusa Ngonde New Testament (Ulwitikano Ulupya) © United Bible Societies, 1966.
