Ohuchaaka 20
20
Abburahamu neende Abbimeleki
1Ao Abburahamu niyatula Mamure, yaachia emwaalo w'esyaalo sya Kanani, mani yaamenya akatikaati wa Kadesi neende Suuri. Abburahamu haandi yatula ao yaachia yaamenya mu Gerari. 2#Huc 12:13; 26:7.Abburahamu naali mu Gerari, byamuyika yaboola ati Saara omuhasi wae yali mboochoong'ene. Mani Abbimeleki, omutuki wa Gerari n'atuma bachie bamuleetere Saara. 3Nae Nasaae n'abonehera Abbimeleki esiro mu silooto mani n'amuboolera ati, “Bona, ewe omalire ohufwa, olwohuba omuhasi yooyirire wuno, ali neende wamwe.” 4Nae Abbimeleki yali n'asisiiri ohubaaho nae, mani yaboola ati, “Omwaami, ese mbula omusaango kwoosi. Otaasihirisira alala neende abaandu baange. 5Abburahamu mweene niye owaboola ati Saara yali mboochoong'ene. Saara yesi yaboola esiindu nasilala esyo. Sino ndasihola mu omwooyo mulai, niimbulaho neende esichiiririrwa sibi syoosi.” 6Mani Nasaae yaboolera Abbimeleki mu silooto ati, “Eee, ese manyire endi esyo wasihola mu mwooyo mulai, mani ese mweene nihukayirira ohwonoona mu moni waange, nitahufukiirira ohumudiiraho daawe. 7Nae bulaanu, kobosera omuhasi wuno wamwe. Omusaacha oyo koti lu ali omunabbi, achia ohuhwekongooyera ohaye ohufwa. Nae noohaya ohumukobosayo, hulabula endi oli omufu, ewe alala neende abaandu bao boosi.”
8Abbimeleki yasiingira echuli-chuli mu mabwiibwi, mani yalaanga abachweenufu bae boosi, yaababoolera ebiindu ebyo byoosi mani baatya muno. 9Abbimeleki yalaanga Abburahamu mani yaamuteeba ati, “Otuholere siina syeene sino? Sibi siina si huholere esikera wandeetera alala neende obwaami bwaange amasira kano? Abulao omuundu yeesi onyala ohuhola esiindu sy'oholere. 10Lwasiina osiholere?” 11Abburahamu yakobolamo ati, “Ndabaasa endi, abuundu ano, abulao omuundu otya Nasaae, haandi endi banyala baanjita hu banyale ohuundusaho omuhasi waange. 12Kata katyo, mboocho yaange mweene niye. Mwaana wa laata yaange wuundi, nae haba si mwaana wa mako yaange daawe, mani sakira ndamudeehya. 13Mani Nasaae niyaanduma ohutula mu ngo wa laata yange, njie mu byaalo biteende, yamboolera ati, ‘Sino nisyo siindaha wuhoonye, buli yihwoola woosi, boolaanga oti, wuno mboochoo niye.’” 14Mani Abbimeleki yakobosera Abburahamu omuhasi wae Saara. Abbimeleki haandi yaberesa Abburahamu amakoondi, ebyaayo, neende abawaambe bae. 15Abbimeleki n'aboolera Abburahamu ati, “Bona, eloba lyaange lyoosi liri mu moni wao. Menya buli yoodaha woosi.” 16Nae Abbimeleki yaboolera Saara ati, “Bona, mbao mbereese mboochoo ebituundu by'efeesa elifu ndala. Sino nisyo esilolero mu moni w'abaandu bali naawe, neende eyiri abaandu boosi siti, obulaho omusaango kwoosi.” 17Abburahamu yasaba Nasaae; mani Nasaae yaawonia Abbimeleki, haandi yaawonia omuhasi wae yesi neende abahasi bawaambe baanyala ohwiibula. 18Olwohuba Omwaami yali niyaboya enda ch'abahasi boosi abali mu daala lya Abbimeleki nibateebulaangaho daawe hulwa Saara, omuhasi wa Abburahamu.
Jelenleg kiválasztva:
Ohuchaaka 20: SAMIA
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
©Bible Society of Kenya, 2019
©Bible Society of Uganda, 2019
