Luglaa 10
10
Noowa biibaala naanna wia
1Noowa biibaala Sɛm, Ham ani Jafɛf naannaa keŋ. Ba nɛra bahoro naa faa lul biibaalaa nii la sui har.
Jafɛf domee wia
2Jafɛf ge biibaalaa faa,
Goma, Magɔg, Madai, Javan, Tubal, Mɛsɛk ani Tiras.
3Goma ge biibaalaa faa,
Askɛnaz, Rifaf ani Togama.
4Javan ge biibaalaa faa,
Ɛlisɛ, Taasis, Saiprɔs#10:4 Saiprɔs sɔŋ bɛllɛ Kittim. ani Roods hina. 5Banniibuu faa soge a muuzeŋ kɛrii sugesugezi, bɛl maa ni u iri dɔɔ ba mɔɔri, di kaa dɔɔ ba hɛri ge magbɔɔ.
Ham domee wia
6Ham ge biibaala faa,
Kus, Mizram, Put ani Keenan.
7Kus biibaalaa faa,
Sɛba, Havila, Sabta, Raama ani Sabtɛka.
Raama ge biibaalaa faa,
Siiba ani Dɛdan.
8Kus ge faa lul Nimrɔd la n faa ɛɛ durnya naa maa laallɔɔrikpeg la. 9U faa ɛɛ kpaannɛ Kɔraawiizi be. Awiarɛ ba ɔɔ ŋɔ, “Kɔ́raawiizi gil i ɛɛ kpaanzeŋ Lugɔ Nimrɔd.” 10U lugli kora diiribɔraa faa Babilɔn, Ɛrɛk, Akad ani Kalnɛ n du Sinar.#10:10 Sinar sɔŋ bɛllɛ Babilɔn hɛri. 11U faa lii de hɛri di la Asiiria, di ga ma Ninɛvɛ, Rɛhɔbɔf Ir, Kala 12ani Rɛsin la n faa du Ninɛvɛ ni Kala baambaaŋ la. Waabuu faa ɛɛ bolzenzeŋ.
13Mizram naannaa faa,
Lidia, Anam, Lehab, Naftu, 14Patrus ni Kaslu hina, dizi la biine Filisti ni Kaftɔ#10:14 Kaftɔ sɔŋ bɛllɛ Krit. hina n liwɛɛ la.
15Keenan ge biibambiluglii faa,
Saidɔn, nɛɛhiŋ ɛɛ Hɛf#10:15 Hitti hina naabaal sɔnnɛ Hɛf. baabuu nɛra la ba naanna n di ba sɔna, 16di kpa Jɛbus, Amɔri, Girgas, 17Hivi, Aaki, Sin, 18Aavad, Zɛmari ani Hamaf hina.
A harbɔɔ, Keenan domeezi yaari, 19ba hɛri magbɔɔni lii Saidɔn di chaŋ Gɛra guŋŋ di ga hel Gaza, di kaa chaŋ Sɔdɔm, Gɔmɔra, Adma ani Zɛbɔyim guŋŋ di ga hel Lasa.
20Bannii maanii faa ɛɛ Ham lulla ni gunla baŋ duwɛɛ lii ba mɔɔrizi, ba irizi ani ba hɛssi magazi.
Sɛm domee wia
21Sɛm ge faa lul biibaalaa. U kpɛɛmaa faa Jafɛf. Sɛmnɛ faa ɛɛ Ɛba biibaala maa naabaal.
22Sɛm ge biibaalaa faa,
Ɛlam, Assur, Aafagzad, Luud ani Aram.
23Aram ge biibaalaa faa,
Uz, Hul, Gɛta ani Mɛsɛk.
24Aafagzad ge biibaala faa Sɛla,
Sɛla ge biibaal ɛɛ Ɛba.
25Biibaala banɛɛrɛ Ɛba ge faa lul.
Bɛl sɔnnɛ faa Pɛlɛg,#Luuk 3:35 u zɛɛrɛ Bargaa, dikuubɛɛwiai, durnya hina faa bargi dɔŋa ninɛɛ u de dui saŋa, bɛl ge sɔnnɛ faa Jɔktan.
26Jɔktan biibaalaa faa
Almɔdad, Sɛlɛf, Hazamavɛf, Jɛra, 27Hadoram, Uzal, Dikla, 28Obal, Abimɛl, Siiba, 29Ɔfir, Havila ani Jobab. Bannii maa faa ɛɛ Jɔktan biibaalaa.
30Jɔktan biizi la faa ga so Mɛsa hɛri, di ra la u Sɛfa wiifurii giŋgimee hɛri.
31Sɛm biibaalaa faa bannii, di lii ba domeezi ani mɔɔrizi, di so ba pagazi ni ba hɛssi biine.
32Noowa biibaala domeezii di lii ba liiribɔra ani ba hɛssi biine. A nii n wa hiihzɛɛ la, baabuu jaa yaari hɛri maa biini la.
Jelenleg kiválasztva:
Luglaa 10: vag
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
