Matta 7
7
1“Fye to ci aza aɓo nya m, a ta ci fyehin aɓo nya ce m. 2Ntu ge aza ɓa zhin fye, ngye shi fye zhin ɓa. 3Kniyi zhin hoi wo osha ɓiyi ɓo nkwo dna n ho zado wye hoi bwa gnilo n shinwan-knunuyi dna n ho wyeʼa? 4Ho ɓa mi ha gna ge, ‘Emi zado, fa ma gmi ho,’ sha ɓiyi ya nwye, to hoi gye wyeba lon, ntu ge shinwan-knunu dna lo n ho wye. 5Zakwoce-dnayi! La shinwan-knunu gmiya nho wye kpa, ha kpe wyeba gye ha bma ho zado zhin.
6“To fa nya gyi-gyi-yi ga aza nukwoyi m, to ga aburutu nya manayi m. Ɓa ɓa kpe kwo apita, ɓa pmi da fye nsayi ɓa sa fye ya. 7Fye ɓa, aɓa ga fye nya fye ye! Fye zan shin, fye ɓa bwa! Je abagunya, aɓa gu aba ya. 8Ntu ge ezaho- zahoyi nwo a, wo zhin wa gwo. Zaho-zahoyi nwo zanshin, wo zhin wa bwa. N fya je aba, aɓa gu fye aba ya. 9Ndei eɓi nya wo dada bredi ɓo, wo ɓa ga wo kuta? 10Ndei wa nya wo ebmiya ɓo, wo ɓa ga wo owa? Awo! 11Ndei efye abugba kala-kpeyi, a laifi da, fye kpe shi fye ɓa ga efye aɓi anya manayi. To fya ku gna kpe ge, efye dada Shekwoyi ɓa ga aza anya manayi na nya wo nyin?
12“Zhin aza shi ho ye ɓa zhin ho. Kwo nu zhin wuwu dna Musa owa.
Eshe Zokwo
13“A ɓa bwa eshe mi lo eza ya du n na boknumi pma-pma yi nu. Zokwo palalayi lo anapi nya, okwa bokun- mi kuwa n mwa pata. Aza begye lo konu lo wato aza n ɓa kni zokwo fa-fayi. 14Ama wye-wyei abokunmi gba-gbayi, zokwo kuwa n pma-pmayi, aza fyewyi nu bwa kwo gye ɓai wan.
15“Fye zhin pceiye na malami akata nya yi ɓa zhin ɓa ɓe ngye akni ntna ɓaina, ama n ɓa mi, a cam-cam nu ɓa ɓa gna fye ajeya laɓa. 16Fye ɓa mi fya kpe ɓa ye ntu ɓa aɓo zhinzhin ɓo, ngye shi fye kpe shinwan ye n kwo gyi-gyi-yi nyi. To fya gye nyi-nyi-wyi kwa dna fye do, fya gna gye knawuyi nu m, kwo gbayi fya gna shinwa nukwoyi m. 17A ɓa mi a kpe shinwan doho-dohoyi ye n kwo gyi-gyi-yi. 18Shinwan manayi ta mi kwa ga gyi-gyi nukwoyi m. Shi nukwoyi ta mi kwa ga gyi-gyi manayi m. 19Shinwan nkwo to ga gyi-gyi manayi m, a zhin a zun kwo ya a shekwo fi nʼna. 20Ntu ge akpe shin-wan ye, kwo eza, ntu oɓa gyi-gyi ɓo nɓa ga nyi.
21“Aza vinya nu to n ho gye ɓa ge ɓa zhin a Yesu viyi nu m. Ɓa yi mi ge, ‘Dagayi, Dagayi’ ama ɓa ta lo she m, ntuge ɓenya gmanyi nu shi. Kwo ɓa vi emi Dada ɓeye lo n wo dna n ʼshe nyi. 22N wada wyi, aza mwa begye ɓei ci mi ge, ‘Dagayi, Dagayi yi ku ho nabari gna azaje har ya kun azafun nukwoyi ya n hoye yi, yi zhin aɓo wo-woyi n jesun.’ 23Ama mi ɓei ciɓa ge, ‘Fye kumi kala lo bwai. Fye to zhin maza nun, ntu ge fye zhin aɓo nukwoyi zhin yi nu.’
24“Aza nɓa wo mi ɓeda ɓai vi kwo, ɓa zhin aza cece nu, ngye eza n wo mi nyakun tu na pma. 25Ko ogmayi zhi n mwa a nuwan yi ɓagye, asei ci n kala yi ɓayi lu nyakunyi, kwo ta miya m, ntu ge a mi kwo tu na pma nu.
26“Ama aza n ɓa wo mi ɓeda to ɓai gye ɓa nuwan, ɓa zhin aza atnacei nu, ngye eza n wa mi nyakun tu na mwi. 27Ntuge she ogma zhi, a nuwan yi ɓa-gye, ase yi ci, kwa lu nyakun ye, koɓa miya gbidim-shi konyi a mi kwo tu na mwi nu.” 28Ca wo aza, ntu waʼazi ɓo n Yesu ɓo zhin nyi. 29Ntu ge wo ɓo wu ɓa ngye eza nu n wo ikwoyi, to wu ngye shi a Yahudawayi a tukwo da zhin ɓa wu ɓa nyi m.
Jelenleg kiválasztva:
Matta 7: GAW
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Alkawali Woiwoyi
(Gbagyi New Testament)
Copyright © 1997 by Biblica, Inc.®
All rights reserved worldwide.
