Wambeela 1
1
Opaddusiwa wa dhego dhaatedhene
1Vowambeela Mulugu ahipaddusa odhulu ni elabo ya vati. 2Elaboya kayawomele naari kayanna dhego. Yaali mahinje ooddiiha, owoopiha yahuruwedhiwe ni yiihi. Muneba wa Mulugu#1.2 Muneba wa Mulugu Naari wi: pevo yuulubale. Mulugu ohukalana muneba mmohi oneethaniihu <<Muneba Woweela>>. Muneba Woweela ohukamihedha voopaddusiwa elabo. Mwaana a Mulugu, Yesu Kirixtu teto ohukamihedha moopaddusa. Moone Zhuwawu 1.1-3; AKolose 1.16; AHeberi 1.2. waviravira vadhulu va mahinje, osasanyedhelaga.
3Vevale Mulugu ahiiraga: <<Okalewo waara!>> Vano waara wahikalawo. 4Mulugu ahoona wi waara waali wapama, ahigawa waara ni yiihi. 5Mulugu ahithwa waara ndina na <<mutana>>;#1.5 Mulugu ahithwa waara ndina na mutana. Mudhidhi wawale wiithana naari osakula yego naari muthu yatoonyihedha othongi naari ohaba omwene. Mulugu ohukalana othongi odheela dhaatedhene dhisakuliiye moopaddusa. yiihi ahithwa ndina na <<mahiyu>>. Wahiriba, osa; ndda naali nlabo nowambeela.#1.5 Nlabo nowambeela Mu ewogelo ya eHeberi nlabo nowambeela ofiyedha oriba wa nlabo nimohi.
6Mulugu teto ahiiraga: <<Ekalewo yego enaagawe mahinje dhipaddi biili>>. 7Mulugu ahisasanya yego ele, yagawa mahinje oodhulu ni a vati. 8Mulugu ahithwa yego ele ndina na <<odhulu>>. Wahiriba, osa; ndda naali nlabo na nabiili.
9Mulugu teto ahiiraga: <<Mahinje a vati etugumane niburo nimohi wi wooneye niburo nowumma>>. Dhahiireya ndala ebaribareene. 10Mulugu ahithwa niburo nendde nowumma ndina na <<theya>>, ahithwa teto niburo na mahinje ndina na <<nyaza>>. Mulugu ahoona wi dhasasanyiliiye dhaali dhapama. 11Mulugu ahiiraga teto: <<Theya emele mithanko ni manasi a misawo-misawo. Mithanko nde dhivahege dhoovaha, manasi ekalegena bewu>>. Dhahiireya ndala ebaribareene. 12Mithanko ni manasi dhahunnuwa vatheyani, dhahivaha dhoovaha dhiwa dha misawo-misawo. Mulugu ahoona wi dhasasanyiliiye dhaali dhapama. 13Wahiriba, osa; ndda naali nlabo na neethaaru.
14Mulugu teto ahiiraga: <<Dhikalewo dhoomoneya odhulu wi dhigawege mutana ni mahiyu. Nda dhikale dhitoonyihedho dha mudhidhi, malabo ni yaaka. 15Dhoomoneya nda dhikale odhulu, dhimoneyelege elabo ya vati>>. Dhahiireya ndala ebaribareene. 16Mulugu ahisasanya dhoomoneya biili dhuulubale, yoomoneya emohi yuulubale yoolamula#1.16 Yoolamula Olamula wu kahuwo olamula wa omwene, mbwenye enatapulela omoneyela. mutana, nili nduwa, vano emohi eng'onong'ono, oli mweeri woolamula mahiyu, ahipaddusa teto ttendderi.#1.16 Nduwa ni mweeri dhiire opaddusiwa ni Mulugu. Athu ajinji mudhidhi wa wale ofiyedha peeno enoweebedha nduwa ni mweeri wona amilugu eewa. Kaneebedhege dhili dhaatedhene dhoopaddusiwa. Nimweebedhege Mpaddusi, baahi. 17Mulugu ahihela dhaatedhene dhedhi odhulu wi dhimoneyelege elabo ya vati, 18dhilamulege mutana ni mahiyu ni ogawa waara ni yiihi. Vano Mulugu ahoona wi dhasasanyiliiye dhaali dhapama. 19Wahiriba, osa; ndda naali nlabo na nennayi.
20Mulugu teto ahiiraga: <<Mmahinjeni dhidhaalemo dhoopaddusiwa dha misawo-misawo, dhikalewo balame dhoovava vaari va odhulu ni elabo ya vati>>. 21Mulugu ahaapaddusa aneenyama alubale ni owoopiha a mmahinjeni ni dhoopaddusiwa dhimohi dha misawo-misawo dhineedda mmahinjeni; ahipaddusa teto balame dha misawo-misawo. Mulugu ahoona wi dhasasanyiliiye dhaali dhapama. 22Ndala Mulugu ahireeliha, wiira: <<Murelane, mudhaale mmahinjeni balame dhirelane mwiilaboni>>. 23Wahiribaga, osa; ndda naaligi nlabo na neetanu.
24Mulugu teto ahiiraga: <<Ekalewo aneenyama aatene a misawo-misawo vatheyani vaatevene oofuwiwa, a mukokolani, vamohi ni dhowaabadha dha misawo-misawo>>. Dhahiireya ndala ebaribareene. 25Mulugu ahaapaddusa aneenyama aatene a misawo-misawo a mukokolani, oofuwiwa vamohi ni dhowaabadha. Mulugu ahoona wi dhasasanyiliiye dhaali dhapama.
26Mulugu ahiiraga: <<Nimusasanye oofwanafwana ni ooligana ni hiyo. Oyene alamulelege somba dha mmahinjeni, balame dha odhulu, aneenyama a elabo yaatene ni dhowaabadha dhaatedhene>>.
27Ndala Mulugu ahimpaddusa muthu ooligana ni oliye,
ooligana ni Mulugu ebaribareene ahaapaddusa.
Ahimpaddusa mulobwana ni mwihiyana.#1.27 Agaasasanyile aneenyama, Mulugu ahaapaddusa athu mwa mukalelo waaye. Nili oohiyaniheya ni aneenyama naari eliwoove athu amohi enasuuziha wi muthu odheele mwa munyani. Bibiliya oni Mulugu dinipaddusile. Mulugu ohunivaha othongi odheela aneenyama.
28Mulugu ahaareeliha, wiira: <<Mbalanege, murelane mudhaale mwiilaboni ya vati vano musogolelege. Mulamulelege somba dha mmahinjeni, balame dha odhulu ni dhoopaddusiwa dhaatedhene dhineedda mwiilaboni ya vati>>. 29Mulugu teto ahiiraga: <<Guhuuvahani mwiilaboni ya vati manasi maatene oovaha bewu ni mithanko dhaatedhene dhinavaha dhoovaha wi mujege. 30Ginovaha teto aneenyama ni balame ni dhowaabadha, dhoopaddusiwa dhaatedhene dhinna egumi, thongwe wi dhijege>>. Dhahiireya ndala ebaribareene.
31Mulugu ahoona wi dhaatedhene dhasasanyiliiye dhahitthabwa okala pama. Wahiriba, osa; ndda naali nlabo na neetanu nammohi.#1.31 Mulugu onipaddusele ni efunelo ya ddi? Mulugu ohunipaddusa vowi oliye doodhivela, onafuna okala odhivela ni hiyo. Ohupaddusa elabo mwa ohagalala weehu vowi ononidhivela. Kadda muthu a hiyo doofuneya wa oliye.
Jelenleg kiválasztva:
Wambeela 1: tke
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
© 2015, Wycliffe Bible Translators, Inc. All rights reserved.
