Népszerű bibliai igeversek innen: JUANIS 12

Megosztás

Osoi ayuk mangandoi Raki' musiti' io maya' Raki', maa' raginio ati ayuk angayan Kuno, soroi mangangandoi Kuno. I Ama' Kuno mangurumat ra osoi ayuk ondo' mangandoi Raki'.”

Ginio mogondo' niayuk ra osoi ayuk motogom ra kaayagan nano galama', matatakan io ra kaayagan nano. Kaa' osoi ayuk mampataak ra kaayagan no giti ra tana' ti, makaapu io ra kaayagan mantilayun.

Balain takamin toojo: Amon ru sangunor gandum kalo tiason ra tana', kalo matoi io am sangunor io ayuk. Kaa' amon ru tiason am matoi io, manangkawa' io ra masuang.

Aku minatong ra tana' ti koson ra sinda, maa' raginio moonong ulun ondo' mangintopot Raki' kalo boo mayan ra kalandaman.

Osoi ayuk mangkirongog ra ragu Kutu kaa' kalo gumagaya', kalo ukumin Ku io. Aku minatong sala' ka mangakim ra ulun ru tana' ti, kaa' mamayag risilo.

Alapo' boo ri Maria sambutul umau maamis owou narwastu ondo' mologo kaga' makasuang satanga' ngalito. Pabuuro' no ra kalayam ri Jisus, am piiri' no ra abuk nali. Maalok boo owou ru umau i ra ngaangai' intok ru baloi i.

Alapo' nilo raun palma am ongoi uma' Riso, golok ilo, “Omporo' noyo i Aki Kapuuno'! Kabarakat noyo Io ondo' matong ralalom ra inggalan ru Tuhan! Kabarakat noyo raja' ru Israil!”

Indagu i Jisus risilo, “Nasuku' noyo orou ra Anak ru Ulun katulayon.