Népszerű bibliai igeversek innen: Genesis 11

Megosztás

Miingon ang GINOO, “Kini nga mga katawhan nagkahiusa ug usa ra ang ilang pinulongan. Ug kining ilang gibuhat sinugdanan pa lang sa ilang pagabuhaton. Sa dili madugay, mahimo na nila ang tanan nga gusto nilang buhaton. Busa dali, manaog kita ug libogon nato sila pinaagi sa paghatag kanilag lain-lain nga pinulongan aron dili sila magkasinabtanay.”

Unya, miingon ang mga tawo, “Magtukod kita ug usa ka siyudad nga adunay tore nga sangko sa langit, aron mahimo kitang bantogan ug aron dili kita magkatibulaag sa tibuok kalibotan.” Busa nagbuhat sila ug mga tisa, ug gibaga nila kini ug maayo aron mogahi gayod. Tisa ang ilang gigamit imbis bato. Ug aspalto ang ilang gigamit ingon nga semento.

Busa gitawag kining maong siyudad ug Babel kay didto gilibog sa GINOO ang sinultihan sa mga tawo, ug gikan didto gipatibulaag niya sila sa tibuok kalibotan.

Kaniadto, usa lang ang pinulongan sa tanang mga tawo sa tibuok kalibotan.

Unya, gitan-aw sa GINOO ang pagtukod sa siyudad ug sa tore sa mga tawo.

Busa gipatibulaag sila sa GINOO sa tibuok kalibotan ug naundang ang ilang pagtukod sa siyudad.