Népszerű bibliai igeversek innen: MATÉUS 24

Megosztás

Agu le tambang dod ata pandé da’at, wiga momang cama haé ata te ciri ces. Landing isét ta’ong dengkir cemoln, ngancéng selamaks.

Agu keréba di’a de Adak ho’o kudut te keréba oné temu tana linoy kudut sabin latang te sanggén uku, poli hitu itu pong caiy cemol.”

Manga dengén le méu kacik rampas, agu réba kudut manga rampas. Landing néka sogit laing le méu agu néka simpungm; ai sanggéd situ paka mangas, maik toé di hitu leso cemoln.

Ai wa’u ca te to’o dungkang wa’u ca, raja ca dungkang raja ca. Te manga darem agu nupung oné néténg tana. Maik sanggéd situ, hitus di wangkad susa pa’it du toé di cekeng weru.

Awang agu lino te mora taungs, landing curup Daku toé ngancéng moray.

Ai dod ata te mai ba ngasang Dakus, agu mai taéd: Aku dé Mesias, wiga isé situ pandé wéléng ata do.

“Du hitu méu kudut téi te luca latam, agu te alam agu méu te kodo le sanggén uku landing ngasang Daku, agu dod ata te legong agamad; isé pika cama taud agu kodo cama taud. Do tuad nabi tangké situt pandé wéléng taung ata.

Mai walé de Mori Yésus agu isé: “Néka témo, boto manga ata pandé cibul méu!

Landing hitu, méu kolé paka jengkek di’a-di’a, ai main Anak Manusia du toé kéta manga nuk calan le méu.”

Landing hitu néka témo, ai toé pecing le méu du leso apa Moris hitu te maiy.

Landing latang te leson agu wién hitu, toé manga cengatan ata pecingn, malékat-malékat éta Surga kolé toé, agu Anak kolé toé, hanang weki run hi Ema.”

Ai mésias-mésias tangké agu nabi-nabi tangké-té cais agu isét ngancéng pandé tanda mésé agu tanda lenget, wiga émé ngancéng kolé pandé wéléng ata poli lird.

“Ai cama ného apa du mosé di Nuh, nenggitu kolé néng tai du main Anak Manusia. Ai cama ného isé leso bebolon tuan mbang mésé hitu, hang agu inungs, na’a rona agu na’a winas, haéng leso hi Nuh tuké nggeroné kepaln, agu isé toé baé cekoén latang te cao-ca, bebolon cain mbang mésé hitu te pandé ampus taung isé; nenggitu kolé néng tai du main Anak Manusia.