Népszerű bibliai igeversek innen: MATEO 28

Megosztás

Niina nagoṉ, laa naa rsaṉ diidz lo to: goḻtsie dipse lo guidzliu, goḻtsieseed miech gac zho zha ne sëëb xnëz naa, goḻchoobnis zho, goḻguiab lo zho lëë miṉ co rnabey Pxoz naa, rnabey naa ne nac Xpëëd me, ni rnabeygaa Espíritu Sant. Goḻseed zho gban zho, grëse miṉe bnabey naa to guṉ to. Miṉ co rsaṉ naa diidz lo to guṉ to; ni gacnaṉ to gaṉle, ib csaand naa to, gzataa dzew niicle haxta dze ne nitlo guidzliuw, naa gacnie to.

Dzigo wbig me lo zho, rëb me: ―Laa to goṉle nasca naa rnabey. Grëse ncuaaṉe no gbaaw, nogaa guidzliuw, ladznia naa psaṉ Pxoz naaw.

Zeeṉe laa grop wnaa co bdziṉ, rëbchaa anjl co lo zho: ―Gdziebde to. Naṉle naa Jesús meṉ ne pquiaa zho lo cruz ga, meṉ co ziaadguib to. Per guieṉdle me nu, ¡laa me brieebanle zigne bneele me ga! Goḻwi gaṉle nu nac zaatne pxob zho me.

Dzigo rëbchaa me lo zho: ―Gdziebde to. Goḻtsie goḻtsienie diidz lo grë zha bets naa, goḻguiab lo zho tsie zho Galilé, ga gaṉ zho naa.

Dzigo pcaalsa grë pxoz co grë zho zha ne nac zha non lo meṉguiedz, dieṉ zha guṉ zho. Nacne biaaṉ zho diidz, mazd gdeed zho dimi lo grë meṉguiib co, parne gneelid zho, sinque guiab zho, segur xpëëdscuelaque me güeybee me leṉ baa, per bieṉd zhow sac nixguies zho. Nroob dimi bdeed zho lo grë meṉguiib co, rëb zho: ―Peet tsienied guic to, niicle teḻne gon gobernadora na no guionee lo me, zeeṉa peet guṉd me to. Dimi co pcaania zho, dzigo laa zho psilo pxooṉ diidz co zigne rëbse grë zha co lo zho. Grë zha Israel ne bina leṉ dze co, masaque bliladz zho nli sca goca, ¡ni haxta lo nadze sca zienie guic zho!