Népszerű bibliai igeversek innen: Lc 13

Megosztás

—'Noota qom a'nañaĝachi ta'le ayo'uet ga'me jom jo'ne jaleca'ague; qa'a ami ja'aĝatema queda'me qayoĝode' gaa'me jetaque tado'uet, qalaĝaja ja yaqanate't.

Qama'le ue'ta jañe'me yauo jo'ne 'uo da'me lapite'nayaĝac chiyoqotelo'te dieciocho gaa'me 'uoidi. 'Uo ñe'me payac lepaqal jo'ne en 'ñetañe, qama'le yataqachiñe ja yaqanatet ta'le chimaĝajeguem. Ca'li Jesús yauana, yiyaĝana jaga'me qama'le enaac: —Am yaqayole, joote am yaĝategue da'me adapite'na.

Nataq'aen yachalo'te naa'me loua' jañe'me, qanach'e paja'a qaale nolaĝajeguem qama'le paja'a 'nonaĝachigui joñe'me Dios.

Chane'eja uo'oe gaa'me jo'ne te'me p'atedegue nayi nach'egaua 'uaediñe qomle, nataq'aen uo'oe ga'me jo'ne te'me 'uaediñe nayi nach'egaua p'atedegue qomle.

Qom ñijeguem ñe'me loĝot ga'me emec qama'le yapadiñgui ga'me jom, ami jo'ne maliaĝa ovi'ta ga'me p'aye aviyaĝañetapeuo nataq'aen aueñiyaac jo': «¡Jaliaĝanec, qo'mi a'uouategueta qaedi jenoĝonaĝauo!» Qalaĝaja joñe'me ami 'yategueta: «Negue't, ja jayaten ga'me auachiyoqoya'ague.»

Qalaĝaja ami ja'aĝatema queda'me ja naq'aeta; nataq'aen qom mach'e ami da'me ja a'niyelaqaeyot joñe'me Dios, qama'le nach'e ena'am adelevi qom'te.”

Qalaĝaja joñe'me ami 'yategueta: «Negue't ja jayaten ga'me auachiyoqoya'ague. ¡Jayem oquiya'e, ami jo'ne ja 'noe'n da'me at'onataqadi'!»

Qo'che' enaac ñe'me Jesús: “Da'me lejaliaĝa ñe'me Dios nach'e naq'aeta da'me dojo' yaloqotenaĝanaĝaiqui: yataqachiñe ena'am jaga'me mostaza jala jo'ne ga'me jiyaĝaua yaalegue ga'me lanaĝanaqa', nataq'aen nale nichiquetajeguem chayovida'a ena'am jaga'me epaq lat'edai, qama'le ga'me mayodipi yauo'oe naa'me pataque'te jo'ne yanayelo gaa'me lepeel.”