Népszerű bibliai igeversek innen: Matiyu 5

Megosztás

Nobǝ a ton ye petila na ti hwa ekeke bwi a pe nó ra, tea ba ti nó a tu adi echizǝno mo nó, evǝa ga du egwa egwa e no a tswa àtá hon ángá, a di zǝn no enggasansan. Ba anona, nye e gwa be nobǝ binbin be e di enggasansan e no a ju nye ángá, evǝa be e di be mochi esese a nye bwe anga. Kǝnggwa, be e no Ate nye Ehwya e no a kpe ángá edgwa.

“A nye nya enggasansan mo zǝnchaje. Eten efifi a be mbwe no a chu mo hwì, be ngǝ̀ton a ti be nó ra.

Esese a ḿ mo be ya e ba Ehwya anga ngge tsuruku enachacha, adia ba di Ehwya.

Esese a ḿ mo be ya e no ngge edgyan a tswa binbin mo tsuruku mo be, jan be e bwe mò a Ehwya dgyan anga, Ehwya a no be echakpo mo ebwetim mo nó.

Tea m jan nye anga, nye e dgyan be ya eze mo nye, nye e bgó ebgo a chu ya e tswa nye fí anga.

“Esese a ḿ mo be ya e yi jan, adi eyim mo be mò e no ḿ mo Engǝ́ mo Ehwya ángá, be cha be kpo ra, adia zǝnotì a kpe no ḿ mo be yishwa mo be nobǝ ena.

Esese a ḿ mo be ya e vǝ zǝno a tswa adgye bwa anga a engga mo be nobǝ efki, adia ba fǝ́ be, mbǝgya mo Ehwya.

Esese a ḿ mo be ya e kǝndwafǝ anga, adia Ehwya bwe a bon be ekǝ̀n.

Esese a ḿ mo be ya be tswa be fí anga, adia be bwe mò a Ehwya dgyan anga, zǝnotì mo Ehwya hon no ḿ mo be nobǝ yishwa mo be.

Esese a ḿ mo be ya e dwafǝ be nobǝ efki anga, Ehwya a dwafǝ be.

“Esese a ḿ mo nye, ano be nobǝ tsú nye, n tswa nye fí, n fefwa nggwa nye a chu, a chu m. “Nye e shánju ngge vǝtsen, adia Ehwya nyi nye buhwen echa no a kpe. Nye e ka e ben jan, eni abu bè bwe ngge be efojan, ya è kwafya mo nye ángá.

Esese a ḿ mo be ya e ngǝchu mo be anga a sen, adia Ehwya a no be mò a gè senvǝ ángá.

“A nye, nya nga mo zǝnchaje, tea ano nga ben ye enyonyo mbwe efwe ra, be bwe a nyòn nó engǝ? Ga se ye be e bwe mò akan ngge nó efwe ra, kpwà ba ti nó a nggwa a fwa, be nobǝ ti a cha kpwafu mo be a chu mo nó.

No enona, ge no kenm nye e no be nobǝ ya e bwe be mò edefǝfǝ ngge mò esese abu Ate nye e no a kpe, bwe mò e no edefǝfǝ ngge esese anga.

Nye e gwa ‘Ee’ mo nye ge e no ‘Ee’, ngge ‘É yé’ mo nye ge e no ‘É yé’. Egwa egwa mo mò e twafǝ̀ ena, vǝ a zǝn Shetan n chà bwa anga.

“Nyè fo ara mò a Ehwya è jan be nobǝ ekpe ekpe ángá. Gè jan, ‘Egwa egwa e chawya fǝzǝn mo nobǝ efki, ba cha a wya fǝzǝn mbwe gaten. Egwa egwa e bubga san mo nobǝ efki, be bu a bga san mbwe a kpwakpo.’ Tea m jan nye anga, nye e kpwa nye kpo mo mò ebgen akan ngge mò ebgen ra. Ano ende akan bu o efya a hwi chá budgo, twanga no ye chá buhwyá gaten.

Ano fǝzǝn chá budgo mbo du o bwe ebgen, chawya ti ara ye ti twafwa. Adia ge setkyan a ge, we ben mbo buetkwa mo ju o chá akan ra, chàshín a be e kan o ebin ti e twa e shi a tswa fǝ̀ a sen-ehwa. Ano kpwabu chá budgo mbo du o bwe ebgen, kpecho ye ti twafwa. Adia ge setkyan a ge, we ben mbo buetkwa mo ju o chá akan ra, chàshín a be e kan o ebin ti e twa e shi a tswa fǝ̀ a sen-ehwa.