Népszerű bibliai igeversek innen: मत्ती 6

Megosztás

ऐवास्ते पेहले तम्ही नरीकारा चे राज़ ते ओचे धर्मा ची खोज करा तां ये सारीया चीजा वी तम्हानु मिलती जाये।

ऐवास्ते कलोखी चिन्ता ना करा, कांकि कलोखा ङिओ आपणी चिन्ता आप करती गिही, आज़ चे वास्ते आज़ ही चा ङोख ब़ोहत छै।

“ऐवास्ते मैं तम्हानु किहे पला कि आपणे प्राणा ची हा चिन्ता ना करा कि अम्ही का खऊं ते का पीऊं, ते ना आपणे शरीरा ची कि अम्ही का घालु। का प्राण रोटी कनु, ते शरीर ओढ़णा कनु बढ़ती कर कोनी?

पर जिसे बेले तु प्राथना करी, तां आपणी भितरली कोठी मां जा, ते दरवाजे बन्द करती कर आपणे ब़ा नरीकार जको गुप्त मां छै प्राथना कर। बल्ति दुधा ब़ा नरीकार जको गुप्त मां ङेखी तनु फल ङिही।

“तां, तम्ही ये रीति लारे प्राथना करले करा, “ ‘हे अम्चा ब़ा, तु जको स्वर्ग़ा मां छी, दुधे नां पवित्र मनले जाओ। दुधा राज़ आओ, दुधी इच्छा जिंवे स्वर्ग़ा मां पुरी हुवे, यूंही धरती उपर वी हो।

अम्चे ङिओ भर ची रोटी आज़ अम्हानु ङे।

ते जिंवे करती अम्ही आपणे अपराधीया नु माफ करले, यूंही तु वी अम्चे अपराधा नु माफ कर।

ते अम्हानु परीक्षा मां ना आण, पर बुराई कनु बचा, कांकि राज़ ते पराक्रम ते महिमा सदा दुधे ही छी।’ आमीन।

ऐवास्ते अगर तम्ही इन्साना चे अपराधा नु माफ करा, तां तम्चा स्वर्ग़ीय ब़ा वी तम्हानु माफ करी।

आसमाना चे पखीयां नु ङेखा, वे ना राहवी, ना बाढी, ते ना पिएड़ा मां भेले करी, बल्ति वी तम्चा स्वर्ग़ीय ब़ा वानु खुलावे। का तम्चा मोल पखीयां कनु कहीं ज्यादा कोनी?

“आपणे वास्ते धरती उपर धन भेला ना करा, जिठे कीड़े ते काई बिगाड़ती नाखी, ते जिठे चोर कंधे मां सुराख करती कर चोरी करती गिहे। पर आपणे वास्ते स्वर्ग़ा मां आत्मिक धन भेला करा, जिठे ना ते कीड़ा ते ना ही काई बिगाड़े, ते जिठे ना चोर कंधे मां सुराख करी ते ना चोरी करी। कांकि जिठे दुधा धन छै उठी दुधे मन लाग़ले रिही।

“कुई बन्दे ङोन मालिका ची सेवा ना कर सग़ी, कांकि ओ हेके लारे बैर ते ङुजे लारे प्रेम राखी, जा हेके लारे मिड़ला रिही ते ङुजे नु तोच्छ जाणी। तम्ही नरीकार ते धन ङुंहु ची सेवा ना कर सग़ा।

ऐवास्ते अगर नरीकार जंगला चे खड़ा नु, जको आज़ छै ते सुवारे भाड़ मां झोंकती ङिले जई, इसड़ी ओढ़णी घलावे, तां हे अल्पविश्‍वासी लौक, ओ तम्हानु ऐकनु बढ़ती कर कां नी घलावी?

पर जिसे बेले तु गरीबा नु दान करी, तां जको दुधा सज़्ज़ा हाथ करे, ओनु दुधा खब़्ब़ा हाथ ना जाण सग़ो। ताकि दुधा दान गुप्त रिहो, ते बल्ति दुधा ब़ा नरीकार जको गुप्त मां ङेखे, तनु फल ङिही।

“चौकस रिहा! तम्ही बन्दा नु ङिखाणने वास्ते आपणे धर्मा चे काम ना करा, ना तां आपणे स्वर्ग़ीय ब़ा कनु कोच्छ वी फल नी पा सग़ा।

“जिसे बेले तम्ही उपवास राखा तां कप्पटीयां आलीकर तम्चे मुँहा उपर उदासी ना छाली रिहो, कांकि वे आपणे मुँह बणाली राखी, ताकि लौक वानु उपवास राखली आले जाणो। मैं तम्हानु सच्‍च किहे कि वे आपणा फल पाती चुकले। पर जिसे बेले तम्ही उपवास राखा तां आपणे ठोङा उपर तेल लावा ते मुँह धोवा, ताकि लौक ना, पर तम्चा ब़ा नरीकार जको गुप्त मां छै, तम्हानु उपवास राखले आले जाणे। इसड़ी दशा मां दुधा ब़ा नरीकार जको गुप्त मां ङेखे तनु फल ङिही।